-
نصيحه لملاك بريليانس
معايا fsv عامله لغايه دلوقتى 30 الف وكنت بعمل صيانتها دايما فى القطاميه
كانوا فى الاول كويسين لكن دلوقتى بقوا اخر قله ادب ومعلش عندهم شويه مهندسين شكلهم جداد لسه ولا عارفين اى حاجه فى العربيه اخر مره كنت بعمل صيانه هناك من اسبوع والله اترقفت منهم اخر قرف وقلت فى نفسى مش رايحلهم تانى بالذات لما عرفت ان اى حاجه عاوزه تتغير فى الضمان يقولولك تروح جسر السويس الفرع الرئيسى للعربيه
المهم روحت جسر السويس بجد حسيت ان الموضوع اكثر تنظيما والناس اللى هناك بتعاملك بشياكه فوق الفظيعه وكمان ناس فاهمه اوى وبجد مش عاوز اشكر حد بعينه بس فيه مهندس اسمه محمد على ربنا يكرمه قمه فى الاخلاق انا طبعا لا اعرفه ولا يعرفنى اول ماروحت الصبح كان معايا بنتى فى العربيه وكانت بترجع استاذنته اسيبله العربيه واروح بيها لمستشفى الراجل ده عمل معايا الصح بجد ربنا يباركله
وفى الاخر كلمونى وقالولى العربيه خلصت تعالى استلمها والحمدلله المشاكل اللى فيها بقت زي الفل
نصيحه للناس يروحوا يعملوا صيانتهم فى جسر السويس ويقصروا
-
مشكور على المعلومة المفيده انا كنت بروح القطامية على اخر ايامى عشان المهندس هشام لكن فى هناك واحد اسمه كريم الله يسامحه
بس معلومة مهمه ان فرع جسر السويس كويس ممكن بس لو توضيح لمكانه
-
كلام مضبوط كل اللي في القطاميه نموزج للإنسان الفاشل اللي عايز يزحلقك وخلاص وياريت تقول لناالمكان فين بالضبط في جسر السويس
-
بصوا يا جماعه
انا هاوصفلكوا على قدى عشان انا من المنصوره مش من القاهره
لو هاتروح جسر السويس من على الدائرى هاتمشى فيه شويه هاتلاقى على شمالك سوق القنال وقدامه بنزينه موبيل ومسجد قدامه شجر كتير هاتدخل الشارع ده فيه اكتر من توكيل ابرزهم واشهرهم مرسيدس بينز التوكيل بتاعنا اخر الشارع يمين ولو معرفتوش توصلوا كلموا الرقم الساخن 16056 وهو يوصفلكوا الطريق بالظبط زى ماحصل معايا
-
اخر مره كنت فى القطاميه بعمل صيانه ال 30 الف قعدونى 6 ساعات ملطوع لما كنت هاموت من الفقعه
واللى زاد وغطى انى استلم العربيه ناقص فيها حاجات ما اتعملتش كنت هاسبلهم ميت مله بس مسكت نفسى للاخر وقلت شكرا يا بفاريه القطاميه على اد كدا
-
لما روحت جسر السويس وسيبت العربيه للمهندس اللى قولتلكوا عليه نسيت اشيل منها الحاجات الشخصيه بتاعتى
اقسملكم بالله انى لما استلمت العربيه لقيتهم شايلين الفلاشه فى المخدع اللى جمبى وكمان النظاره الشمس بتاعتى لقيتهم حاطينها فى الطابلوه
بجد فرحت اوى عشان لسه فيه ناس امينه اوى كدا دلوقتى
-
يا جماعة اللى عرته ان جسر السويس دة التوكيل الرئيسى الصينى أما القطامية وأبو رواش وكيل معتمد أنا عرفت المعلومة دى من مهندس فى توكيل جسر السويس وان كمان الضمان المجانى فقط فى جسر السويس
-
عشان كدا يبقى ناخدها من قاصرها ونروح جسر السويس مدام مفيش تغيير اى حاجه فى الضمان الا فيه
-
القطامية سئ و علاقتهم بالوكيل سيئة .. لما كنت باشتري رحتلهم أول ناس و طلبت ال H530 high line قالولي معندهمش و عملو انهم سألو باقي الفروع و قالو مفيش و بعتوني على معرض تعبان معندوش أصلاً العربية ولا يعرف إن فيه منها حاجة إسمها high line و كان عايز يبيعلي أعلى من سعر الوكيل .. مع العلم إن ال high line بتتباع عند الوكيل بس و ممنوع بيعها للمعارض. و لما رحت للوكيل اللي قدام مساكن شيراتون قالي دول ناس تعبانة و نصحني كمان بالصيانة في جسر السويس و كان كلامه صح جداً.
-
مش عارف انا جربتهم فى سمكرة ودهان سئين جدا والدهان مش عاجبنى لان القطاميه كان دهانه ممتاز وكان البشمهندش هشام كان بيقوم بالواجب وزيادة مش عارف هل مشي والا السه موجود للاسف الناس الكويسه بتمشي
وشغل طلبته ماتعملش في حاجة وانا مش هروحلهم تانى والاتنين مهندسين انا ماعرفش اساميهم والا حد كان بيساعدنى بصراحه غير لما اشتكيتهم للمدير قام مخلصلي كل حاجة
Content Relevant URLs by
vBSEO 3.6.0 PL2