الموضوع: بعت الفيكترا وجبت اميجراند7

المشاركة الأصلية كتبت بواسطة رمضان شوقى

مش فاهم يعنى ايه تديهم الى فيه النصيب

يعنى يقولهم ان العربية زيرو و فيها مشكلة ازاى و لازم تتصلح دلوقتى و لو حاولوا يماطلوا يطلب المدير و يقولوا نفس الكلام و يعبر عن الإستياء :)

المشاركة الأصلية كتبت بواسطة m i d o

سؤال معلش ..
ممكن تكتب كل المشاكل الي قابلتك من ساعة ماشتريت العربية

اشكرك على السؤال إلي كان على لسانى و السؤال التانى ... هى كل المشاكل إلي قابلة حضرتك مالهاش اى حل ..؟؟ و حضرتك شاسية اولة كام و شاريها من انهى معرض عشان الناس تاخد بالها و تدقق فالإستلام

المشاركة الأصلية كتبت بواسطة عبدالرحمن شبل

بعد تردد رهيب وقلق قررت والحمدلله وبعت سيارتى اوبل فيكترا98 واشتريت اميجراند 7 اسود وفاميه ، اشتريتها من سمير ريان وبصراحه المعرض عمل معايا حركه حاسس انها شيك جدا ، بعد ما استلمت العربيه وعرفت من الموظف ان الورق النهائي او المبايعه هتكون جاهزه بعد يومين ، فوجئت بحد بيتصل بيا فى نفس اليوم وبيقولى هقابلك فى المرور اللى انت تابع ليه ، بصراحه انا استغربت ، لكن تانى يوم فوجئت بيه بيتصل بيا الساعه9 صباحا وبيقولى انا فى المرور ،نزلت قابلته واللى يعرف مرور عبود يعرف انه بيبقي مووووووت ، زحمه فظيعه جدا ، المهم الراجل ده خد منى صورة البطاقه انا وواحد تانى مستلم منهم عربيه ودخل خلص الدنيا كلها وبعد حوالى نص ساعه او اساعه اﻻ ربع رجع لينا بالرخصه والنمر ، بصراحه حركه عجبتنى اوى مهم ..

مبروك السيارة بس موش حاجة غريبة من اوبل الى ايمجراند وياريت تبص على الابواب ربنا يباركلك فيها

المشاركة الأصلية كتبت بواسطة amirahmed502

الله يباركلك فيها بس انا مش عارف اذاي تنزل من الماني وتركب صيني اكيد حتحس بفرق بس مش دلوقتي اكيد علشان العربية لسه زيروا والله انا كانت معايا وجبت اللون الابيض فاميه موديل 2014 بس بعتها بعد شهر كلنت ماشية 1000 كيلو وخسرت 10000 جنيه الله يعوض عليا بقي بس في الاول والاخر الف ﻣﺒﺮﻭﻙ

هو حضرتك كنت بعتها لية يا فندم ؟؟ كان فيها مشكلة ولا للتغيير فقط؟؟

المشاركة الأصلية كتبت بواسطة ahmedbasto

ألف مبروك ربنا يبارك لك فيها بس اكيد حضرتك حاسس بفرق كبير بالمناسبة معارض كتير بتعمل كدة وحضرتك بتدى للراجل حوالى 150 200 جنيه وممكن يكون هما عاملوا كدة مجانى كنوع من الدعاية ليهم

الله يبارك فيك .. طبعا فرق كبير

المشاركة الأصلية كتبت بواسطة الحجـــاج

مستنين مقارنتها بالفكترا

المشاركة الأصلية كتبت بواسطة m i d o

الف الف مبروووووووووووك وربنا يباركلك فيها ويديك خيرها ويكفيك شرها و العربية جميلة وهتعجبك ان شاء الله لو اتوفر حاجتين ..
1.لو ربنا بعد عنك مشاكل التقفيل الغبية
2.لو مقابلكش صدأ في الابواب
وان شاء الله خير وميقابلكش حاجة
ياتري الشاسية بتاع حضرتك اولة كام الف

الله يبارك فيك ياباشا .. الشاسيه عندى بعد 11500
وبصراحه متابع معاكم مشاكل العربيه وموضوع الصدأ ولسه مش عارف ايه ظروفه ، بس اﻻكيد موضوع الكاسيت اللى بيفصل لوحده كل فتره كده .