الموضوع: بعت الفيكترا وجبت اميجراند7

مستنين مقارنتها بالفكترا

المشاركة الأصلية كتبت بواسطة عبدالرحمن شبل

بعد تردد رهيب وقلق قررت والحمدلله وبعت سيارتى اوبل فيكترا98 واشتريت اميجراند 7 اسود وفاميه ، اشتريتها من سمير ريان وبصراحه المعرض عمل معايا حركه حاسس انها شيك جدا ، بعد ما استلمت العربيه وعرفت من الموظف ان الورق النهائي او المبايعه هتكون جاهزه بعد يومين ، فوجئت بحد بيتصل بيا فى نفس اليوم وبيقولى هقابلك فى المرور اللى انت تابع ليه ، بصراحه انا استغربت ، لكن تانى يوم فوجئت بيه بيتصل بيا الساعه9 صباحا وبيقولى انا فى المرور ،نزلت قابلته واللى يعرف مرور عبود يعرف انه بيبقي مووووووت ، زحمه فظيعه جدا ، المهم الراجل ده خد منى صورة البطاقه انا وواحد تانى مستلم منهم عربيه ودخل خلص الدنيا كلها وبعد حوالى نص ساعه او اساعه اﻻ ربع رجع لينا بالرخصه والنمر ، بصراحه حركه عجبتنى اوى مهم ..

ياريت الراجل ده يكمل جميله و يرد على تليفوناتك بعد كده أو و انت محتاجله فى أبو رواش و لا لا قدر الله عاوز ترفع العربية ...............

و الله أنا خايف ليكون الأخ العضو بيعمل دعاية للعربية علشان كلنا هنا من مالكى جيلى امجرااند و بنشتكى منها و من عيوبها الخطيرة و الصدا الموجود فى كل حته من العربية و بالرغم من كدا يجى عضو يبيع الفكترا و يجيب امجراند صينى أنا اتأكد أننا لسنا أخر ............................ .

المشاركة الأصلية كتبت بواسطة samakaerror

الف الف مبروك و ربنا يباركلك فيها ... سيبك من كل المشاكل إلي الناس بتتكلم عليها مادام العربية مرّيحاك يبقى ربنا يباركلك فيها و اعمل زيىىّ و خد بالك من كل حاجة و لو حسيت بأى حاجة لازم تطلع عالتوكيل و تديهم إلي فية النصيب و تعمل العربية .. الف مبروك تانى

مش فاهم يعنى ايه تديهم الى فيه النصيب