الموضوع: بخصوص السجاير الصيني

اخباركم يا رجاله المنتدى
انا عارف ان ده موضوع اتهرى كتير بس معلش فيه كلام جديد احبيت انقله ليكم
انا اولا مدخن ربنا يعفينا كلنا ثانيا الكلام ده لو حد بيشرب السجاير الصيني ياريت يبطلها ولو يعرف حد بيشربها ياريت تنصحه بلاش منها خالص او على الاقل خليه في المصري
الكلام ده من معارفي و زمايلي في حرس الحدود
انت تعرف ان الكرتونه اللي فيها 100 خرطوشه ب 1600 ج يعني العلبه ب 1.6 قرش؟
السواق اللي بيطلع بالتهريبه بياخد 10000 جنيه و العربية اللي هتهرب ايجارها 40000؟
انت تعرف ان في بدايه الموضوع كانت بتترمي قصاد السواحل و دلوقتي بقيت بتتهرب كسلعه مطلوبه؟
انت تعرف ان في الاول كان مصدرها الصين بس و دلوقتي ليها مصنع او مصانع في ليبيا؟
انت تعرف في بدايه ظهورها اتبعتت منها عينات تتحلل في معامل وزاره الصحه لقوها مليانه مواد مسرطنه و اتعمل تقرير بانها بتشوه الكروسومات لمده جيلين كاملين؟ يعني احفادك بيعانوا من اللي انت شربتوه؟
انت لسه بعد كل ده ان العلبه ديه جواها تبغ؟ ديه فيها زفت و مدعوم عشان يخرب الدنيا هنا... انا قناعتي أن فيه حد او دول ليها مصالح انها تدفع و تبيع السجاير ديه مدعمه منهم لخرابنا و هلاكنا
بجد الكلام ده انا عرفته و دماغي شاطت لما سمعته ياريت تنصح الناس اللي بتشربها و خصوصا فئه الصنايعيه و الغلابه اللي فرحانيين انهم بيشربوا فله حمرا ب 3.5 جنيه

المشكله اللي بيخلي الناس انها تشربها طبعين سواد اول حاجه الفقر تاني حاجه الانعره الفارغه ( انا بشرب فله حمرا) دول هوا الدوافع