شقة في الهضبة الوسطي ولا الواحة ؟؟

**Seifmando** · 18-03-2014 08:18 AM

السلام عليكم

نويت اشتري شقة بإذن الله بس محتار جداً في الاماكن. وفكرت عن المناطق دي:

1-حدائق الاهرام
الميزة في المساحه الكبيرة اللي ممكن اخدها ممكن توصل لـ 200 متر
الهدوء
العيوب اكتر زي مثلاً ان شغلي في التجمع ودا هيخليني اعمل حوالي 100 كم كل يوم بالعربية دا غير اني هقضي مش اقل من 3 ساعات رايح جاي في اليوم
قلة الامان.

2- الهضبة الوسطي
الميزة في القرب من التجمع والقرب ومن وسط البلد لانها علي الدائري وخصوصاً ان مشوار كارفور المعادي دا شئ اساسي كل اسبوع عندي.
راحة للعربية وكمان استهلاك بنزين قليل
العيوب المساحة اللي اقدر اخدها اخرها 130متر ودا يعتبر عيب بالمقارنة بحدائق الاهرام

3- الواحة مدينة نصر
الميزة في القرب من التجمع والقرب من وسط البلد
راحة للعربية وكمان استهلاك بنزين قليل
العيوب المساحة اللي اقدر اخدها اخرها 130متر
قربها من عزبة الهجانة

دي كل المعلومات اللي قدرت اجمعها عن ال3 مناطق دي. ومبدئياً انا استبعدت حدائق الاهرام من المقارنة لكتر عيوبها بالنسبة لي
انا ممكن اوفر لحد 300 ألف جنيه ومش عارف ايه مميزات او عيوب الواحة او الهضبة الوسطى اللي اتمني من الناس اللي ساكنين هناك انهم يساعدوني اكتر فيهم

جزاكم الله كل خير

تم النقل الى المنتدى الاجتماعى
مشرف ب 5

**shiko85** · 18-03-2014 08:28 AM

احسن حاجه عملتها انك صرفت نظر عن الهضبه

**medo11_1** · 18-03-2014 08:47 AM

فى عند كارفور المعادى منطقة اسمها بيتشو دى ارخص حاجة على الدائرى بس المستوى مش ضايع مقبول يعنى و السعر الى انت كاتبة ممكن يجبلك 150 متر تقريبا ممكت تروح تاخد فكرة عن المنطقة نفسها و فيها كل مميزات الهضبة و الواحة

**shiko85** · 18-03-2014 08:52 AM

المشاركة الأصلية كتبت بواسطة shiko85

احسن حاجه عملتها انك صرفت نظر عن الهضبه

قصدى حدائق الأهرام - هضبة الهرم

**Seifmando** · 18-03-2014 09:50 AM

المشاركة الأصلية كتبت بواسطة medo11_1

فى عند كارفور المعادى منطقة اسمها بيتشو دى ارخص حاجة على الدائرى بس المستوى مش ضايع مقبول يعنى و السعر الى انت كاتبة ممكن يجبلك 150 متر تقريبا ممكت تروح تاخد فكرة عن المنطقة نفسها و فيها كل مميزات الهضبة و الواحة

بيتشو انا سألت عليها لقيت ان فيه مشكلة بين المشروع كله تقريباً مع الحي وبالتالي فيه مشكلة في العدادات الكهربا والمياه ...الخ
عشان كدا تلاقي المتر هناك سعره قليل جداً
المعلومة دي من ناس اصحابي ساكنين هناك

**khaled_rafea** · 18-03-2014 10:39 AM

300 يجيبو شقه 200 متر فى بيتشو من شخص مستلم من الشركة مش من الشركة نفسها, و دى مفيهاش اى مشاكل نهائى, و ممكن تدور فى المقطم, الهضبة العليا , بس المساحة حتبقى 120 متر بدون تشطيب

**Ah.Farid** · 18-03-2014 11:19 AM

لية مش بتفكر فى الشروق
انا شغلى فى التجمع وببحث فى الشروق لان الاسعار اهدى والمساحات احسن وكمان ممكن عن طريق الرحاب تتدخل التجمع بسهولة

عاوز اعرف رأيك

**wasta** · 18-03-2014 11:34 AM

السلام عليكم . عن نفسى بفضل الهضبة الوسطى نظرا لقربها من الدائرى وثانيا المستوى الإجتماعى هناك حلو بالنسبالى عيوبها إن معظم الشوارع تحتاج سفلته

أما حدائق الأهرام بيعتبر مشوار لشغلك وفى ناس بتقول الأمان موش قد كده

الواحة عيبها إنها بتبص على مساكن صقر قريش . أنا أختى كانت ساكنة هناك بس فى مساكن صقر قريش :d
وكانت متضايقة من السكان هناك ودلوقتى الحمد لله سكنت فى عمائر مدينة نصر بس سعرها غاااالى أوووى

**Seifmando** · 18-03-2014 01:08 PM

المشاركة الأصلية كتبت بواسطة khaled_rafea

300 يجيبو شقه 200 متر فى بيتشو من شخص مستلم من الشركة مش من الشركة نفسها, و دى مفيهاش اى مشاكل نهائى, و ممكن تدور فى المقطم, الهضبة العليا , بس المساحة حتبقى 120 متر بدون تشطيب

ما هو ليه بقي فرق السعر الرهيب دا مع ان الاتنين في نفس المنطقة تقريباً وبيفصل ما بينهم الدائري بس؟

المشاركة الأصلية كتبت بواسطة ah.farid

لية مش بتفكر فى الشروق
انا شغلى فى التجمع وببحث فى الشروق لان الاسعار اهدى والمساحات احسن وكمان ممكن عن طريق الرحاب تتدخل التجمع بسهولة

عاوز اعرف رأيك

انا للاسف كل عائلتي واصحابي في وسط البلد يعني لما هفكر ازور عائلتي هدب مشوار ابن لذينة اوي من الشروق لحد وسط البلد
من رايي لو انت عائلتك واصحابك قريبين من الشروق توكل علي الله لان الدور جاي عليها بعد التجمع

**khaled_rafea** · 18-03-2014 02:31 PM

يا باشا بيتشو عماير عالية 11دور و الشوارع اصغر من المقطم و تعتبر زى مساكن بس نضيفة (كل العماير نفس الشكل) مش زى الهضبة الوسطى اهالى و فلل و اعلى عمارة 4 ادوار و تبنى بس على 60%, طبيعى جدا يبقى ده فرق السعر, ده غير سمعة الشركة بسبب المشاكل القديمة فى التسليم, انا اخى ساكن فى بيتشو و انا ساكن فى المقطم, دى حاجة و دى حاجة, بس مش معنى كده ان بيتشو وحشة, حضرتك المهم عندك المساحة الكبيرة و لا طبيعة المكان ؟ فيه ناس مبتحبش العماير الكبيرة القريبه من بعض, انزل شوف هنا و هنا و قرر, و لو نويت تشترى من بيتشو اشترى من صاحب شقة مستلمها من الشركة و عمارة مسكونه

الموضوع: شقة في الهضبة الوسطي ولا الواحة ؟؟

LinkBack

أدوات الموضوع

عرض

شقة في الهضبة الوسطي ولا الواحة ؟؟ - انشر الموضوع فى :

-

-

-

-

-

-

المواضيع المتشابهه

نادي ايزي سبورت الهضبة الوسطي المقطم ..رأيكم ايه في اعضاء فيه في المنتدي؟

مدخل كابل اسفل الكونسول الوسطي

شقة للبيع بالمقطم الهضبة الوسطي

شقة للبيع بالمقطم الهضبة الوسطي

شقة في حي الواحة للبيع

الكلمات الدلالية لهذا الموضوع

المفضلات

المفضلات

ضوابط المشاركة