صوت مجنني في التابلوه بقاله 3 شهور

**madoahmad** · 19-03-2014 08:44 AM

المشاركة الأصلية كتبت بواسطة rifaee

أنا واحد صحبي كان عنده صوت كده مجننه لحد لما اكتشف انه استيك ساعه ايده

يا باشا انا من كتر جناني . اول ممديت ايدي في التابلوه من شهرين عشان اعرف الصوت من ايه والدبله خبطت في العمود الحديد الي بالعرض ده ... قولت خلاص لقيت الحل وقلعت الدبله..ههه

**shiko85** · 19-03-2014 08:53 AM

المشاركة الأصلية كتبت بواسطة madoahmad

مش قادر مضحكش عشان انا بقول كده للي بيركب معايا ويسمع الصوت ده ....بقوله ده ريموت العربيه ههههههههههه

ههههههههههههههههههههه

**أحمد البيومى** · 19-03-2014 03:38 PM

جرب حضرتك إخبط الكاوتش برجلك أو خبط عليه جامد بإيدك الكاوتش الموجود فى الناحية اللى شاكك إن الصوت ناحيتها لو سمعت الصوت يبقى المسمار اللى ماسك الفرامل بالطنبورة فيه بوش وبيعمل صوت شخلله كدة زى صوت الصاجات وبيبقى مسموع من جوة العفشجى بيلف عليه شيكرتون الصوت بيروح إن شاء الله أو تغيره أفضل طبعا .. دا عن تجربة سابقة وليست خبرة

**Amr Elshamy** · 19-03-2014 03:42 PM

حصل معايا صوتين قبل كدا
واحد منهم كان من درج التابلوه والتاني كان من الحته البلاستيك اللى بتلف ريش التكييف كان فيها زي بوش صغير
وفيه صوت تالت جاري البحث عنه لدرجه انى فتحت الكبوت وخليت صحبي يسوق وركبت فوق المكنة وحطيت وداني ف صدر العربيه وانا سامع الصوت بس مش عارف اجيبه لحد ما روشني

**madoahmad** · 30-03-2014 04:06 PM

انا بجد احترت يا جدعان ...عملت كل المحاولات ومفيش فايده ... والصوت ده رخم جداً اكنك راكب شخليله مع المطبات... بس حاسس انه في صدر العربية ومش قادر اوصله اعمل ايه؟؟؟

**مصطفى-حسن** · 30-03-2014 10:19 PM

المشاركة الأصلية كتبت بواسطة madoahmad

انا بجد احترت يا جدعان ...عملت كل المحاولات ومفيش فايده ... والصوت ده رخم جداً اكنك راكب شخليله مع المطبات... بس حاسس انه في صدر العربية ومش قادر اوصله اعمل ايه؟؟؟

كان فية عندى صوت شخللة بيروح وييجى جوة الصالون وفى الاخر طلعت صامولة تثبيت فى صدر العربية من ناحية الموتور مهوية شوية وقدام منها وردة .......الوردة دى بقة هيا اللى كانت عاملة الشخللة ومسمعة جوة العربية

جرب تفحص كل حاجة مربوطة فى صدر العربية من عند الموتور سواء من فوق او من تحت

**madoahmad** · 31-03-2014 11:59 AM

المشاركة الأصلية كتبت بواسطة mido12989

انا عندى صوت من عند درج التابلوه و مش عارف سببه و ساعات يزيد اوى و لما اخبط الدرج جامد يهدى بس ملوش دعوه بالمطبات ممكن ييجى و انا واقف و مدور العربية بس
يا تري ايه سببه و ازاى اعرف افك الدرج لانى معرفتش
و ازاى اوصل لمروحة التكييف لو هي السبب

الدرج بيتفك بمفك صليبه هتلاقي مسمارين تحت الدرج هتفكهم هيطلع معاك ..

**madoahmad** · 31-03-2014 12:03 PM

المشاركة الأصلية كتبت بواسطة zarif

كان فية عندى صوت شخلله بيروح وييجى جوة الصالون وفى الاخر طلعت صامولة تثبيت فى صدر العربية من ناحية الموتور مهوية شوية وقدام منها وردة .......الوردة دى بقة هيا اللى كانت عاملة الشخلله ومسمعة جوة العربية

جرب تفحص كل حاجة مربوطة فى صدر العربية من عند الموتور سواء من فوق او من تحت

نزلت قلبت دلوقتي في صدر العربيه كله لما هدومي بقت شحم .. وبردو مش لاقي السبب ..بس انا بسمع الصوت من جوه العربية وحاسس 90% انها حاجه جوه التابلوه او في الصدر من جوه او من ناحية الكورنر اليمين ...

**madoahmad** · 31-03-2014 12:04 PM

هو انا اقدر افك التابلوه كله ولا الموضوع صعب عليا ...

الموضوع: صوت مجنني في التابلوه بقاله 3 شهور

LinkBack

أدوات الموضوع

عرض

-

-

-

المواضيع المتشابهه

50 الف 10الاف كل 6 شهور مع التخليقى- دلوقتى 5 الاف كل 6 شهور اغير معدنى ولا لأ?.

2 لتر و حبه زيت فيسكو 2000 بقاله 3 شهور بس او اقل

2 لتر و حبه زيت فيسكو 2000 بقاله 3 شهور بس او اقل

جى ام للبيع والسبب سوء البطاريه ولسه بقاله تلات شهور

الكلمات الدلالية لهذا الموضوع

المفضلات

المفضلات

ضوابط المشاركة