العربيه بتاعتي عامله 700 كيلو لسه طبعا مشاكلها مبداتش ويا رب تعمر
العربيه ثابته على الطرق السريعه
لما تقفل الازاز بتاع العربيه بتحس ان انته بتتفرج على تلفزيون وكتمت الصوت
الموتور بتاع الكوري كله زي منته عارف هادي ومش عالي
الصالون بتاعها واسع وقريت كتير جدا قبل مجبها عنها وفي ناس بتقول الاوسع في فئتها
العربيه مش منتشره اوي زي اللانسر ودي حاجه حلوة طبعا بتحسسك انك راكب حاجه متميزة
العربيه طولها وعرضها كبار شويه عن العربيات التانيه
قطع الغيار معرفش لسه عنها حاجه
موفره للبنزين بديها بنزين 90 من ساعت مجبتها وماشيه زي الفل
نظام االصوت بتاعها مميز غير وصله aux ممكن توصل الموبيل والايبود
السيدي بلير بتاعها صوته نقي جدا جدا ومش بيفصل لما تكون فيه مطبات
العربيه دواساتها حساسه جدا جدا جدا
الفرامل شديده وايه بي اس
العربيه بتاعتي جي فيها اير باج واحده علما انها خليجي موديل 2009
اكتر حاجه انصح بيها اي حد عاوز يشتريها انه يأجر العربيه ليوم ويجربها بنفسه لان التجربه احسن من كل الكلام
واتمنى ليكم التوفيق
المفضلات