مقارنه بسيطه بين فيكتراb 98 وجيلي اميجراند 7 بناء على تجربه شخصيه
البدايه من لحظة اما فكرت اغير العرييه بصراحه الفيكترا كانت مريحانى جدا ﻻنى كنت مهتم بيها ﻻسيما موضوع التكييف ﻻنه خنقنى شويه ، بصراحه انا فكرت فى حاجات كتير تحس انها مالهاش عﻻقه ببعض .. شيروكى 99 ، مرسيدس 200 1990 . واخيرا رينو فلوانس 2014 وفعلا عملت استمارة تقسيط وحجز لكن تراجعت فى اخر لحظه بسبب القسط ﻻنى بصراحه مابحبوش .
نيجي بقي للمقارنه
الموتور
الفيكترا 1600 1 كامه 75 حصان
اﻻيمى طبعا عارفينها 1500 انجيكشن 105
العفشه
الفيكترا عفشتها مرنه وكويسه بس مشكلة العربيه واطيه قوى واقرب لﻻرض مهما عملنا عﻻيات
اﻻيمي غير طبعا وعن تجربه .
الثبات
بصراحه حاسس ان الفيكترا اكتر ثباتا بكتييييير ومع السرعات العاليه كانت بتكلبش فى اﻻرض .
التكييف
اﻻيمي اعلى طبعا ﻻن فرق الماكينه والهورس باور لصالحها .
الصالون والمقصوره الداخليه
رغم فخامة صالون الفيكترا اﻻ ان صالون الايمي اوسع بكتير .
اﻻعطال الشائعه
انا اقدر اتكلم عن اعطال الفيكترا ﻻن اﻻيمي انتوا عارفينها طبعا .. من اكتر مشاكل الفيكترا ارتفاع درجة حرارة الموتور وطبعا موضوع حساسات التكييف دى لوحدها حوار وموضوع قربها من اﻻرض بياثر على العفشه وكنت بربط العفشه على فترات قريبه .
بصراحه دى الحاجات اللى افتكرتها لكن لو فى حاجه انا نسيتها انا تحت امركم .
