معاناتي مع الالنترا 2012 الجزء الاول ... طقطقه البيبان و معرفه السبب
دي معاناتي مع النترا 2012 فولي لودد اللي المفروض اعلي فئه و افضل خامات ... و انا ماشي بالعربيه في المطبات الخفيفه جدا اللي المفروض كنت بعدي عليها بالفيرنا بدون اي صوت دلوقتي لما بعدي عليها بالالنترا بسمع صوت طقطقه من ناحيه البيبان او القوايم و الشنطه ... هي طقطقه بلاستيك رخمه و مصدعاني و محسساني ان راكب عربيه بقلها ١٠ سنين!!! ... جربت الحجات دي :
١- فضيت الشنطه و التابلوه و كل حاجه في العربيه و الصوت لسه موجود!!!
٢- رشيت علي المفصلات و اقفال البيبان و شنكل الباب wd40 و جربت white grease و الصوت لسه موجود لان المشكله مش من المفصلات!!!
٣- لزقت شكرتون علي شنكل البيبان و الصوت لسه
الصوت مش من التابلوه او المرايا او جراب النظاره او حاجه في فتحات تخزين البيبان لان كلهم فاضيين و لا من العفشه لاني لما بفتح البيبان الصوت بيروح
رحت يوم سبت التوكيل قالي روح قسم الهياكل من الحد للخميس ... اخدت اجازه و رحت قسم الهياكل رشولي wd40 علي جلد البيبان و جلد القوايم و علي الكراسي و كل حته في الصالون رشوها و العربيه بقت مزيته في البيبان و الكراسي و رحتها زباله و العزل زفت ... كأن مفيش عزل بس الاصوات قلت بنسبه ٩٠% :tumb: اسبوعين بالضبط و الاصوات كلها رجعت تاني :angry26: لما تأثير wd40 راح
بعد تجارب كتير عرفت سبب ٩٠% من الطقطقه ... احتكاك جلد البيبان مع جلد حلق الباب ليه دور كبير في الاصوات دي :khd: جبت wd40 و جبت silicon spray و رشيت عليهم و فعلا الطقطقه راحت ... انزل جرب و ادعيلي ... بس اسبوع ولا اتنين و الطقطقه حترجع تاني لما مفعول wd40 يروح !!!
دلوقتي و عرفنا الطقطقه جايا منين عايز حل نهائي ... او حد يقولي علي ورشه او مركز محترم يظبط البيبان دي لان اكيد البيبان عايزه تتوزن او تزبط بحيث جلد البيبان ميحكش في بعض كده!!! :help1:
فين ايامك يا فيرنا
تم نقلة لقسم هيونداى .