ما شاء الله ... ربنا يباركلك فيها و يكفيك شرها
العربيه تستاهل كل جنيه مدفوع فيها .... ومستنيين انطباعك عنها بعد الترخيص .
عرض للطباعة
ما شاء الله ... ربنا يباركلك فيها و يكفيك شرها
العربيه تستاهل كل جنيه مدفوع فيها .... ومستنيين انطباعك عنها بعد الترخيص .
عربيه ولا أروع ما شاء الله .. ربنا يبارك لك فيها .. من العربيات المظلومه برده في مصر !!؟؟ للأسف
السلااااااااااااام عليكم ورحمة الله وبركاااااااااااااااااااتة
آسف جداً على التأخير يارجالة بس غصب عنى بسبب ظروف الشغل
الحمد لله تم الترخيص بسلاااااااااااااام
أحكيلكم بقى اللى حصل
في البداية تم الإتفاق مع مندوب المعرض على ميعاد الذهاب للمرور .. وإتفق معايا على الساعة العاشرة صباحاً .. ومع إنى قلتله 10 ده متأخر أوى علشان خزنة المرور بتقفل الساعة 12 قاللى متخفش وهنلحق .. تانى يوم جالى الحمد لله في ميعاده بالظبط الساعة 11:20 ظهراً من أوتو أباظة في التجمع الخامس .... وانطلقنا إلى مرور الوايلى حيث عنوان سكنى القديم
قبل ما نبتدى الطريق قلتله إعمل حسابك إنى مش هجرى بالعربية لأنى لسه محفظتش أبعادها .. قاللى على مهلك وقعدنا نحكى .. ولقيته فتح في الكلام عن زباين راحو معاه علشان يرخصوا .. الزبون الفلان عربيته إتخبطت وهوه في المرور بيرخص وزبون تانى عربيته معرفش حصل فيها أيه وهوه طالع من المرور .. طبطبت على رجله وقلتله صللى على النبى وإفتكرلنا حاجة عدلة
يادوب دخلت المرور من هنا ... .................. وفى نفس المكان اللى لسه معدى منه بعدها بـ 3دقايق 3 عربيات لبسوا في بعض .. حمدت ربنا
المهم وصلنا المرور على 11:45 ... خرجت من المرور الساعة 3 العصر وأنا معايا الرخص والنمر الحمد لله
نيجى بقى للعربية .. طبعاً مش هقدر أديلكم تقييم كامل لأنى مسقتهاش في اليومين اللى فاتو غير بتاع 25 كيلو
بس مبدأيا التقييم المبدأى لغاية إن شاء الله مارجع من السفر وأعملكم تقرير شامل عنها
هحاول أذكرلكم المزايا والعيوب اللى إكتشفتها في الفترة البسيطة اللى سقتها فيها
1 - العربية بسم الله ماشاء الله فخمة جداً من بره ومن جوه
2 - المساحة الداخلية مريحة جداً مع إنى من طوال القامة
3 - العربية عالية عن الأرض ( الحمد لله محكتش في ولا مطب لحد دلوقتى )
4 - السحب بتاع العربية محترم مع إنى لسه مقرصتش عليها لغاية دلوقتى بس شكلها مش هتخزلنى لما أحتاجها
5 - إشتغلت ببنزين 92 ومسمعتش فيها أى كركرة لحد دلوقتى
نيجى للعيوب البسيطة برده اللى إكتشفتها
1 - لا يوجد نواكل على إطار النوافذ ( كان هيبقى شكله حلو أوى )
2 - صوت الموتور عالى شوية عند بداية التدوير ... بس بعد العربية مابتسخن مبتسمعش صوت الموتور نهائى
3 - العفشة إلى حد ما ناشفة شوية في المطبات .. بس نعمت شوية لما ظبطت ضغط الكاوتش ونفخته نيتروجين .المشكلة إنى مبقتش عارف أظبطه على كام والباليته اللى على الباب مفهمتش منها حاجة .. المهم ظبطته على 32
ومش قصدى إنها ناشفة في المطبات إنها مش ناعمة .. بمعنى لو قيمت العربيات اللى ركبتها في نعومية العفشة هدى الكيا سيراتو 2010 ( 3 من 10 ) ... الهيونداى نيو أكسنت 2008 ( 4 من 10 ) ... الفولفو S80 2012 ( 9 من 10 ) .. ساعتها هدى السيتروين ( 8 من 10 )
4 - العربية الموتور بتاعها بيسخن أوى مع إن مفيش أى حرارة دخلالى جوة .. يعنى لما رحت المرور الجو كان حر ... يادوب المسافة من التجمع للعباسية .. رحت وسيبت العربية مش شغالة لأكتر من ساعة .. ولما جه الراجل ياخد البصمة بتاعة الموتور كان الموتور لسه سخن جداً
وكمان مشيت بيها مشوار صغير بالليل .. رجعت وغطيتها .. وبعد ساعتين رحت مشوار بالعربية التانية وجيت أعدلها في الجراج لقيت الكبوت لسه برده سخن من الناحية الشمال .. مش عارف بقى ده طبيعى ولا لأ
5 - حوض الموتور صغير جداً .. الراجل قعد ربع ساعة علشان يرفع بصمة الموتور
بس يمكن العيوب دى علشان أول مرة أسوق السيتروين مع إنى لا أعتبرها عيوب
في المجمل العربية أقل وصف تتوصف بيه إنها ممتعة .. وطبعاً أنا إلى الآن مش عارف أستخدم الأوبشن اللى فيها كله علشان فيها زراير كتييييييييييييييييييييير لسه مأخدتش عليها علشان الوقت مش مساعدنى
وعلى وعدى إن شاء الله هعمل تقرير كامل عنها بعد أول صيانة أكون أخدت عليها شوية
وبرده علشان مزعلكمش أنا صورتها شوية صور وهيه واقفة في المرور
عروسة واقفة أهيه :36_3_18[1]:http://nileup.com/up/uploads/nilemotors_13959419081.jpg
http://nileup.com/up/uploads/nilemotors_13959429891.jpg
حوض الموتور
http://nileup.com/up/uploads/nilemotors_13959431501.jpg
http://nileup.com/up/uploads/nilemotors_13959432871.jpg
http://nileup.com/up/uploads/nilemotors_13959434021.jpg
شكلها حكاااااااااااااية من ورا بنت الأيه :Copy of m-s5:
http://nileup.com/up/uploads/nilemotors_13959436321.jpg
كفاية عليكو كده .. لما أرجع بأى من السفر أبقى أكمل:0002014A:
السلام عليكم
شكرا على سعه صدرك .... و عاوز اوضح حاجه بس انى معجب جدا باختيارك ... وانى من ساعه العربيه ما ظهرت وانا تقريبا بتابع كل فيديوهاتها .... واللى بيعجبنى فيها باختصار انها تقريبا سياره تصوريه على ارض الواقع ... وليها شخصيه متفرده.... وصراحه كنت بفكر معاك بصوت عالى ... بس انا منكرش انى بتمنى اجيبها .... وفرحت جدا لما لقيت اخوه اتنين افاضل فى المنتدى معانا اشتروها .... وليا كام سؤال بعد اذنك :
1- عند حضرتك اى فكره عن اسعار اى قطع الغيار او اسعار الصيانات وهل قطع غيارها مع انتشار السياره الضعيف جدا موجوده فى التوكيل ولا لو احتاجت حاجه هضطر استنى لما تيجى من بره ؟؟
2- حضرتك متعرفش هيا باعت كام عربيه تقريبا ؟
3- هيا بتاخد اد ايه بين الحجز والاستلام لو من التوكيل ؟
4- هيا سحبها عامل ايه بالنسبه لعربيات حضرتك جربتها قبل كده ؟
5- بالنسبه للسقف الزجاجى هل ليه اى نوع من الحمايه للنقر او الكسر ( سؤال رخم انا عارف بس انا ساكن تقريبا على البحر والبوت القديمه هنا بتتفتت بسبب عوامل الجو )
6- على حسب علمى ان اللون الابيض كان بينزل فى الاول بس وبعد كده مبينزلش مصر هل ده ىحقيقى ؟ وهل فيه امكانيه طلب الانتريور البيج ؟
دعاتك ربنا يطمنى من ناحيتها ويرزقنى انى اجيبها فى الكام شهر اللى جايين بأذن الله ...
اسف على الاطاله ... بس معلش حضرتك و ا/شبراوى املنا فى اننا نعرف كل حاجه عن العربيه دى ... وفى انتظار تقرير مفصل بعد أذن حضرتك ... خاصه عن مميزات الشاشه الوسطى
الف شكر على ردودك المفيده ... وكفايه ان موضوعك كان سبب انى رجعت افكر انى اشتريها - لما تسمح الظروف - بعد ما كان كل تفكيرى كان راح ناحيه الأنسيجنيا التوب لاين
وده فيديو استفدت منه عن العربيه مش عارف حضرتك شوفته قبل كده ولا لأ
https://www.youtube.com/watch?v=c7vCp8Q6JaU
الف مبروك الترخيص و بحييك مره تانيه على اختيارك و متابع فى انتظار التقرير الشامل ان شاء الله بس يا ريت حضرتك تبقى تظبط الصور تبقى 1280*1024 او اى حاجه معقوله بحيث لما تكبر تكون مش اكبر من حيز الصفحه
جرب تفول بنزين 95 وشوف سخونة الماتور هتروح ولا لا وربنا يباركللك فيها ان شاء الله
اولا : الفين مبروك علي حسن الاختيار .........فعلا دي اسمها "عربيه"
ثانيا : بنزين 95 لايؤثر تماما فى سخونة الموتور او تبريده ......ده نظام حرق من المصمم ... وانا يؤثر علي السحب والكفائة النهائية performance
انا شخصيا من محبي الفرنساوي بعد ماكنت من اكثر كارهيه
وانا من عشلق C5 و بيجو 508 ورينو فلوانس
اللي مش حيلحق الايام دي يشتري فرنساوي ........... فلن يدخل فى ركب السيارات المطوره الفارهه
فى امان الله
الف مبروووك
الإنسجنيا عربية أكتر من ممتازة هيه كمان وكفاية إنها ألمانى بالكامل ... بس أنا بالنسبالى كانت الراحة النفسية للسيتروين .. أنا هرجع من السفر بإذن الله كمان شهر بعدها إن شاء الله هعمل التقرير .. أنصحك تنزل تتفرج على الإتنين وتسأل هل هيبقى في زيادة في الأسعار ولا لأ وشوف إنت هترتاح نفسياً لأى عربية .. وعليك وعلى صلاة الاستخارة
الله يبارك فيك ... أنا نزلت الصور ى ماهيه يادوب دخلت على الـ paint علشان أقلل المساحة بتاعة الصور لأقل من 2 ميجا .. أنا قلت بس علشان الصور تبقى كبيرة كده وواضحة للى عايز يقرب .. عموماً حاضر هظبطها علشان خاطرك إنت بس
أنا مش عايز أعودها من الأول على ال95 .. أنا قلت أديها 92 علشان لما أجى مرة أديها 95 تحس بالفرق وتحس بالنعمة اللى هيه فيها .. انا مش عايز العربية تتنطط عليه من أولها
يعنى معنى كلامك إن موضوع السخونية ده هيأثر على الـ Performance وإنه مش طبيعى؟؟ ولا الفرنساوى كله كده ؟؟؟
أصل الموضوع ده كان بيحصل في السيراتو برده السخونية اللى ناحية الشمال وإنت واقف أودام الكبوت
الله يباركلك
باشا نمر العربيه ل ل ق !!!
تقريبا شفتها في الاوتوستراد
ولا يمكن العربيه ابتدت تنتشر
الف مبروك وربنا يباركلك فيها عربيه جميله
وبالنسبه لاحد الاعضاء اللى استفسر عن السى 5 موديل 2014 اتعدل وبقى بنزين 92
الف مبروك ياباشا ...بس احب اضيف حاجه .. انا معايا حالياا 508 خليجى فل اوبشن .. وقبلها كان معايا ds5
عربيه بصراحه وهم جداا بس مسائله انها فيها اوبشن اكتر من ال508 اختلف مع حضرتك كل اللى موجود فى ds5موجود فى 508 وعلاوة عن ذلك ان البيجو فيها الفتيس ستيبترونيك ودى ميزة مش موجوده فى سيتروين واللى خلانى با امانه ابعد عن ds5...... موضوع المساحه الخلفيه الضيقه جدااااااااااااااا مقارنه مع 508 والعيب الجوهرى كمان سعر قطع الغيار النااااااااااااار والغير طبيعى وااللى ممكن انتظر شهر علشان قطعه غيار .. يمكن الميزة الوحيده الشيك فى سيتروين الكراسى المضلعه واللى طبعاامش بتنزل مصر وموضوع تبريد وتسخين المقاعد وشكرا .. اما 508 لالالالالا دى حاجه تانيه خالص ومن كل الجوانب
وشكراا واسف للا اطاله
انا الحمدلله اشتريتها اعلى فئه سبورت شيك بلاس ب305 الف بعد ما كانت 318 الف ... انا معايا اي250 و معايا الانترا 2012 ... السيتروين اثبت من المرسيدس في الملفات و المناورة !! و دي كانت صدمة بالنسبه لي قد ما هي فرحة :) عالية عن الهيونداي كتير لدرجة لما ببدل بحك في المطبات بالهونداي لاني اتعودت مبتحكش بالسيتروين ... التسارع مش جبار لكن حلو بالنسبه ل163 حصان ... بستخدم بنزين 92 و عرفت انها بتفرق كتير جد لو استخدمت 95و نفخت سي180 2015 بيها .. و كمان ممكن تركب شيب تخليها 204 حصان و 330 نيونتن بشرط تستخدم بنزين 95 ... العربية ملفته جدا جدا جدا جدا جدا و اكتر من مره ناس تقولي ايه العربية دي ... السخانات كانتوحلوة في الشتا و هيد اب ديسبلاي حلو في السفر . النواكل جوه و الفرش الجلد غايه في الفخامة . انصح بيها لو نفسك تركب عربية محترمه و فخمة و لمزاجك .. لو خايف سعرها ينزل خليك في الكوري .بالنسبه للمحرك هو n18 من bmw و تربو و راكب في 118 و 218 و 316 و ميني كوبر اس و بيجو 508 ... هي نفس شاسيه البيجو ال508 لكن هي الافانجارد الفرنسي ... مافيش 508 افخم منها .