السلام عليكم ورحمة الله وبركاته لو سمحت انا مقيم ف السعودية وعايز اشترى ايكو سبورت بس ممكن تفيدنى عنها كويسة قويه ثابته وجزاك الله خيرا وهل هتنزل مصر امته
عرض للطباعة
يا ريت حضرتك تبلغنا لو نزلت مصر لأنى عايز اشتريها وخايف
الله يبارك للك فيها و متشكر لحضرتك على الافادة و على فكرة حركة مش كويسة من الوكيل على فرش الارضية اللى فى الكرسى الخلفى كان لازم يطلب من الشركة الام فورد ان العربية مش يكون ناقص فيها اى شئ و يتهيائلى لو العربية تقفيل المانى او اسبانى زى الموديلات القديمة عمرها مايكون ناقص فيها حاجة زى كدا.
[QUOTE=bkmz;3875494638]السلام عليكم ورحمة الله وبركاته لو سمحت انا مقيم ف السعودية وعايز اشترى ايكو سبورت بس ممكن تفيدنى عنها كويسة قويه ثابته وجزاك الله خيرا وهل هتنزل مصر امته[/QUOTE
وعليكم السلام ورحمة الله وبركاته اخى الكريم انا اللى خلانى اشترى العربية دى 3 حاجات اولا ذى ما انت عارف ان اى مصرى بيفكر يشترى عربية وناوى ينزل بيها اخره لحد 1600 سى سى ويقف
ثانيا انا شارى العربية دى لزوجتى تستعملها هنا وناخدها معانا واحنا نازلين
ثالثا انا اشتريتها بسعر لقطة بالنسبة لحالتها لان العربية دى كان واحد كاسبها فى سحب وما كانش استلمها حتى من الوكالة وانا اشتريتها منه بفرق سعر عن الوكالة حوالى 11 الف درهم
بالنسبة لرأيي فى العربية انا كان بقالى فترة بدور على عربية مناسبة لمصر وفى نفس الوقت تكون فى حدود 1600 سى سى علشان الجمارك طبعا اول حاجة كنت بأدور على اساسها هى ارتفاع العربية عن الارض وكمان تكون اقتصادية فى البترول وفى نفس الوقت ما يزيدش ثمنها عن 150 الف جنيه لان مصر حرام الواحد يركب فيها عربية اغلى من كده بصراحة وده اللى لقيته فى العربية دى
انا بصراحة عجبتنى العربية دى جدا اول لما شوفتها بس اللى خلانى اتانى فى شراها انى كنت خايف انها ما تنزلش مصر ثانيا انا كنت سامع عن البيجو 2008 من نفس الفئة وكنت منتظر اشوفها على الطبيعة علشان اقدر اقارن بينهم بس للاسف لسه ما نزلتش لحد الوقتى
عموما انت تقدر تأخد فكرة عن العربية لو عملت درايف تيست مع الوكيل فى السعودية هى اكيد موجودة عندكم وتقدر تشوفها على الطبيعة وتأخد فكرة افضل عنها
لو سمحت ايكو سبورت ممكن تنزل مصر امته ولو فى اى وسيلة اتصال مع وكيل فورد فى مصر ياريت لانى عايز اشتريها وانزلها مصر وشكرا جزيلا
ياراجل كإنك بتتكلم عني بالضبط .. أنا كمان هربت من مصر زمان وأتمنيت إني أرجع تاني ونزلت فعلا ف أول 2011 يوم 1/1/2011 وقررت إني مش مسافر تاني لولا ظروف الثوره هيا اللي رجعتني .... من الأخر ياجماعه كده اللي مش عاجباه مصر وفاكر إن بره الدنيا حلوه وإننا بنتبطر ع النعمه يتفضل .. الجرايد كل أسبوع والنت مليان إعلانات مطلوب موظفين ومهندسين وفنيين وعمال لدول الخليج على قفا من يشيل .. بس مايندمش بعد كده ويقول ياريتني كنت سألت قبل ماأسيب بلدي وأهلي وشغلي .. ولا ياريتني كنت سمعت كلام الناس .. الحكمه بتقول : الغربه قطعه من جهنم .
ألف مبروك ع العربيه ياريس ربنا يديك خيرها يارب ويكفيك شرها ... وتتمتع بيها في بلدك ووسط أهلك إن شاء الله مش في بلاد الناس ..
أسف علي إحياء الموضوع مره أخري
ولكن حبيت أعرف انطباعك عن العربيه دي بعد ماجربتها ييجي ست شهور
العربية شوفتها في الرياض من اسبوعين خطفت قلبي شكلها وحجمها وتصميمها روحت الوكالة والحمد لله لقيتها بصراحة كل حاجة فيها حلوة ماعدا ان تقفيلها هندي لكن هي تصنيع مكسيكي بس شكله صغيرة شوي عموما هي ف الرياض 55000 ريال غير جماركها