اشتريت فورد ايكو سبورت الجديدة
انا مقيم بالامارات والحمد لله ربنا كرمنى امبارح واشتريت ايكو سبورت الجديدة وان شاء الله ناوى انزلها مصر لما انزل انا كنت معجب بالسيارة دى جدا اولا لانها عالية وحجمها معقول ثانيا انها اقتصادية محركها 1500 سى سى ومش حيبقى جماركها عالية
اللى كان مرددنى انى اشتريها انى كنت مش متاكد انها حتنزل مصر بس انا سمعت ان وكيل الفورد فى مصر عارضها فى معرض السيارات الحالى وعلى اساس انه حينزلها مصر قريب
وسبحان الله اللى شجعنى اكثر انى لقيت اعلان على الدوبيزل واحد عارض السيارة دى وانه كاسبها فى سحب وما استلمهاش حتى من الوكالة وسبحان الله يطلع صاحب السيارة ولد سيرلانكى بيشتغل سائق عند واحدة مصرية هنا والحمد لله خلصتها منه على سعر كويس وروحت استلمتها امبارح من الوكالة وان شاء الله بكرة حرخصها
ياريت لو حد عنده فكرة عن السيارة دى حتنزل امتى مصر يعرفنى