بسم الله الرحمن الرحيم
هي خاصية جميلة جدا موجودة في كورولا 2014 وانا عن نفسي بستخدمها كتير جدا.
كام مرة ركنت في مكان ضلمة او في جراج مفيهوش نور و عاوز تخرج تطلع البيت و مش شايف قدامك كويس او الطريق مش واضح ليك ؟
مانا ممكن اشغل كشاف او انوار الموبايل وايه المشكلة يعني ؟
طيب لو معاك شنط او حاجات ماسكها في ايدك هتمسكها ازاي مع الكشاف او مع الموبايل ؟
بمنتهي البساطة كل اللي عليك انك بعد متركن و تطلع مفتاح عربيتك , هتشد زراع النور عليك كأنك بترعش او بتقلب نور هتلاقي الانوار الامامية نورت لوحدها لمدة 30 ثانية عشان تنورلك طريقك و تطمن عليك انك وصلت بيتك بسلام و بعد ما تطمن عليك تقوم قافلة النور و نايمة لغاية متيجي تصحيها تاني يوم .
ايه الجمال ده ؟ طيب دي موجودة في الهاي لاين بس ؟
لأ طبعا , زي معودتنا الكورولا السنة دي انه متروسة كماليات فهي بتنزل من اول فئة في العربية !
اسيبكو مع الفيديو التوضيحي :
[youtube]http://www.youtube.com/watch?v=g_54YBgO4Kw[/youtube]
المفضلات