عايز ظبط زوايا كويس

**a.fouad** · 03-10-2008 08:21 AM

السلام عليكم،

كل سنة وكل اعضاء نايل موتورز بصحة وسعادة،

كنت بسأل على مكان كويس لظبط زوايا وترصيص والكشف على العجل والفرامل في القاهرة وياريت يديني فكرة عن متوسط الاسعار.

وشكرا ليكم مقدما،
مهندس/ أحمد فؤاد

**MoToRiZeR** · 03-10-2008 08:46 AM

ممكن حضرتك تروح مركز بردجستون في كالتكس عباس العقاد معرفش الأسعار بالضبط بس مش غالية و موجود ترصيص و زوايا و تربيط عفشة بس مش عارف فيه فحص فرامل ولا لأ .

**a.fouad** · 03-10-2008 09:01 AM

المشاركة الأصلية كتبت بواسطة MoToRiZeR

ممكن حضرتك تروح مركز بردجستون في كالتكس عباس العقاد معرفش الأسعار بالضبط بس مش غالية و موجود ترصيص و زوايا و تربيط عفشة بس مش عارف فيه فحص فرامل ولا لأ .

ألف شكر على الرد السريع،

هو الناس هنا زوووق كده ليه، امال ايه الأشكال اللي الواحد بيتعامل معاها في الشارع دي؟

ممكن سؤال: انتو معانا في مصر؟ بتمشوا في نفس الشوارع اللي بنمشي فيها؟؟؟؟

سبحان الله

**MoToRiZeR** · 03-10-2008 09:31 AM

المشاركة الأصلية كتبت بواسطة a.fouad

ألف شكر على الرد السريع،

هو الناس هنا زوووق كده ليه، امال ايه الأشكال اللي الواحد بيتعامل معاها في الشارع دي؟

ممكن سؤال: انتو معانا في مصر؟ بتمشوا في نفس الشوارع اللي بنمشي فيها؟؟؟؟

سبحان الله

ههههههههههههه شكرا يا باشا دنتا اللي كلك ذوق
انا برضه كل ما حد يكسر عليا في الشارع و كمان يقعد يجعر أكني الغلطان أقول هو مينفعش كل الناس اللي في الشارع تبقي من نايل موتورز ؟

أصل بحس كلنا بنعاني نفس المعاناة من نفس الناس فا إحنا نتجمع و نمشي ورا بعض بعد كدة

حضرتك اما تروح إسأل هناك علي باشمهندس نجاد و قوله إنك من نايل موتورز و هو يقوم معاك بالواجب

الأسعار :

ضبط الزوايا 40 جنيه
ترصيص 5 جنيه للجنط العادي
10 جنيه للجنط السبور

و هو مركز متخصص و محترم الحقيقة

**a.fouad** · 03-10-2008 09:45 AM

نفس الشعور بجد ....... الناس غريبة جدا وسلوكياتها صعبة ........ بس الذوووق مش ناقص زي ما المغرضييين بيشيعوا عننا لا سمح الله....... الذزق مش موجود أصلا.... وقريب جدا تلاقي الناس بتسال يعني ايه الذوق ده اللي بتتكلموا عليه؟

المهم ربنا يرحمنا ويصبرنا ويسفرنا لاي بلد ان شاء الله كندا!!!!!!

انت تعرف، مرة واحد كسر علية جامد جدا فبقوله في حاجة اسمها مراية، قالي منا بسرح فيها شعري!!!!! مقدرتش امسك نفسي من الضحك، وكل سنة وانت طيب

بخصوص الموضوع ده، هي كالتكس دي اللي عند تقاطع عباس مع مصطفى النحاس؟ وبريدجستون جوة البنزينة ولا جنبها ولا ايه بالظبط

**yasser_mrk** · 03-10-2008 05:02 PM

كل عام وانتم بخير ياريت من فضلكم تدلونى علي مركز محترم لضبط الزوايا وترصيص العجل قريب من 6 اكتوبر

**himaz** · 03-10-2008 05:31 PM

feeh wa7ed esmo " el7ag Ismail " fel manial mashoor awi fel mawdoo3 dh

3ando zabt zawaya bel computer ( 25 L.E )
w 3ando tarsees w 3ando tarbeet 3afsha

wel aham mn dh w dh enohom beyfhamo awi w kaman lw l2a 7aga lazem tet3mel el awel abl mayzbot el zawaya bey2ollak te3melha el awel
y3ni msh beylem feloos wel salaaaaaaam

ana 3altool bt3amal m3aah

w kol Sana wento taybeeeeeeeeeeen :)

**l0new0lf** · 03-10-2008 05:46 PM

yaret nakhod balna shewaya min bto3 el manyal 3ashan mo3zamhom btoo3 beleela, wel computer mesh kol 7aga, el aham min da eragel ele beysha'3al el computer, ana a3raf wa7ed alah yer7amo kan beyzabat ezawaya be fatla we mezan

**دموع الثلج** · 04-10-2008 02:37 AM

المشاركة الأصلية كتبت بواسطة MoToRiZeR

الأسعار :

ضبط الزوايا 40 جنيه
ترصيص 5 جنيه للجنط العادي
10 جنيه للجنط السبور

و هو مركز متخصص و محترم الحقيقة

انا عملت ضبط زوايا عندهم ب 20 جنيه وعملى خصم بتاع نايل موتورز

على فكر ه كلنا زووووووووووووووء زوووووووووووووء هنا بس مش عارفه ليه الشعب كله سبحان الله اول ما يركب عربيته بيتحووووووووووووول

**a.fouad** · 04-10-2008 11:12 AM

المشاركة الأصلية كتبت بواسطة دموع الثلج

انا عملت ضبط زوايا عندهم ب 20 جنيه وعملى خصم بتاع نايل موتورز

على فكر ه كلنا زووووووووووووووء زوووووووووووووء هنا بس مش عارفه ليه الشعب كله سبحان الله اول ما يركب عربيته بيتحووووووووووووول

متهيالي بسبب الزحمة الفظيعة اللي احنا فيها، ده غير ان اللي بيحصل ده انا بسميه أخلاق الفوضى

الفوضى اللي في كل حاجة في حياتنا،
في كندا، لما عربيتين بيقفوا جنب بعض في إشارة بيسلموا على بعض من غير ما يكونوا يعرفوا بعض، تمام زي اللي بيحصل هنا. أنا عن نفسي بغض بصري ومش ببص على العربيات اللي جنبي أبدا لا في الاشارة ولا غيره

وربنا يرحمنا ويخرجنا من البلد دي بسلام،