الف مبروك و فى انتظار الصور
عرض للطباعة
الف مبروك و فى انتظار الصور
الف مبروووووووك
ياريت لو فى صور
ا / عادل هل تنصحنا بتركيبه ف التوكيل ولا السعر مبالغ فيه ؟؟
بس هي الميزة الوحيدة اللى في التوكيل نضافة التركيب يعنى حتى لما جه عمل وصلة من لمبة المارشرير عاملها بطريقة تحسسك أن السنسور ده أصلى و ما حصلش لعب في الضفيرة و أنا من النوع القلوق جدا علشان كده أنا قلت أركبه في التوكيل أحسن وخصوصا أن أنا ما أعرفش حد ركبه بره قبل كده و نظام التركيب عامل أزاى هو تمنه مبالغ فيه جدا جدا لكن بالنسبة لأن ده وكيل و لما تحب تبيع حتقول أن السنسور بارك ده الأصلى بتاع العربية هو تمنه لوحده 404 جنيه شامل الضريبة وتمن التركيب 146 جنيه يبقى المجموع 550 جنيه نشوف بره أنا سألت عليه لقيته 90 جنيه في التوفيقية ألوان كمان دى حاجة تركيبه قول يوم ما الصنايعيى يزود أوى حيأخد كام 80 جنيه بس برضه ممكن التركيب ما يبقاش كده النصيحة لو أنت عايز تركب سنسور بارك و أنت لسه في الضمان مالهاش حل لازم تركبه في التوكيل لو أنت عايز تركبه بره و خرجت بره الضمان شوف بقى أدريان أو سبيركار النوع بتاع التوكيل تركى الأنواع اللى بره صيني نصيحة التركيب في التوكيل بيريح الدماغ أنت بتدفع أزيد 400 جنيه عنما تركبه بره لكن في مميزات كتير من ورا التركيب في التوكيل أكتر من ال 400 جنيه يوم ما تبيع العربية و الله ده كل الأ كسسوارات اصلية و معاك الورق حتفرق في التمن أكيد - ما لعبتش في الضفيرة - التركيب بنضافة - النوع كويس التركى برضه أحسن من الصينى - الضمان أنه بيركب لك الحاجة دى و بيضمنهالك سنة ضد عيوب الصناعة و الحاجة من عنده والتركيب كمان تم عنده أنا بالنسبة لى قيمته أكبر بكتير جدا من ال 550 جنيه و خصوصا أنى بأركن في جراج سئ للغاية لو حصل لأا قدرالله أي مشكلة أنا حأدفعهم تانى قيمة أصلاح فيبقى ليه من الأول أنا اسف طولت عليك أنا بس حبيت أوضح و جهة نظرى في أهمية تركيب جهاز زى ده بالنسبة لة على الأقل و أهمية تركيبه في التوكيل
يا جماعة أنا لسه طالع من تحت كنت بأجيب حاجة من شنطة العربية لقيتهم حاطينلى الكرتونة بتاعة السنسور بارك جوه الشنطة السنسور ما طلعش تركى ياجماعة علشان يعد كده الواحد مايصدقش أى حاجة السنسور نوعه صيني متصصمم في أستراليا أنما التركيب نضيف جدا أنا قلت بقى أشوف كل حاجة بالمرة ما فيش قشط في الضفيرة وكنت حأصور لكوا العلبة لكن ماكنش معايا الموبايل
شكرا يا ا /عادل وكويس ان حضرتك وضحت انه صينى مش تركى وكﻻم حضرتك صح العربيه لسه ف الضمان ليه بقه ابهدلها بره
ألف مبروك على السنسور
أنا كنت مركب واحد أبو شاشة صغيرة بتديك ألوان من الأصفر للأحمر وبتديك المسافة وبيصفر برده صفارة متقطعة أو متواصلة حسب المسافة وكان شغال زي الفل معايا وتمنه بالتركيب أعتقد أقل من 200 جنيه والصنايعي اللي كان مركبه ركبه بنضافة برده ممكن أكتر من التوكيل كمان حتى التخريم في الاكصدام كان دقيق جدا وبالمسطرة وبرده ركبه على لمبة المارشدير في الفانوس من غير أي لعب في الضفيرة
وأنا شايف إن أبو شاشة ده أفضل من العمياني اللي بيشتغل على سماعات العربية بس لأنه بيديك المسافة بالضبط افرض سماعة باظت اللي على اليمين مثلا وانت مش واخد بالك هتلبس في اللي وراك وانت مطمئن ان السماعة شغالة ! لكن الشاشة لو باظت آديك هتعرف وكمان ممكن الشاشة تبوظ والصوت يفضل شغال أو العكس فهيبقى في أكتر من وسيلة بديلة
السؤال هنا بقى لو عربيتي في الضمان وركبته برة وبنضافة هيطلعوا العربية كلها من الضمان ؟! ولا بيطلعوا الكهربا بس ؟ ولا عادي ؟
وياريت لو حد جرب يركب الكاميرا بدل السنسور يقولنا عن التجربة اتكلفت كام وعملية زي السنسور ولا لأ وبيبقى شكلها ازاي
شوف الموضوع دة كدة يمكن يفيدك وفى تجربة لحد من الأعضاء ركبه هو هو فى التوكيل قريب وخدوا 300 او 400 جنيه تقريبا بس بيرخموا عشان يركبوه ويفضل يقولك ممنوع ومش ممنوع
http://www.nilemotors.net/Nile/398450-2014.html
أنا بعتت لحضرتك رسالة على الخاص يا ريت ترد عليا لو سمحت ... وشكرا