تقييم للسوران يا خبراء ( تقييم لكفاءة السيارة كسيارة فقط )

**tamerafifi** · 23-01-2009 02:57 PM

يا جماعة احنا بندور حول سؤال واحد لو فى حد جرب العربية او فى حد من معارفه جربه يا ريت يفيدنا ومش لائين حد يفيدنا ؟؟ انا وصلت انى نزلت عن معرض طارق اسماعيل فى المهندسين وعلاقتى مع بتوع المبيعات كويسه قلتلو طيب اديتى رقم موبيل من حد من الناس اللى شارى منك السوران استفسر منه واستأذن من حد من عملائك انى اكلمه بس طنشنى كنت عايز اعرف ايه اخبار قطع غيارها ومميزاتها وعيوبها من حد جربها فعلا وخصوصا انها من سنة 2006 بتنزل بس مش لائيين حد يفيدنا طيب ايه الحل؟

**tamerafifi** · 23-01-2009 03:03 PM

وبالمناسبة يا جماعة عرض ال90000 للسوران على موديل 2008 اماموديل 2009 ب 100 الف زى السعر القديم بس مافيش اى فرق مابينهم غير فرق السنة بس

**د.محمد الشيخ** · 23-01-2009 07:45 PM

المشاركة الأصلية كتبت بواسطة tamerafifi

يا جماعة احنا بندور حول سؤال واحد لو فى حد جرب العربية او فى حد من معارفه جربه يا ريت يفيدنا ومش لائين حد يفيدنا ؟؟ انا وصلت انى نزلت عن معرض طارق اسماعيل فى المهندسين وعلاقتى مع بتوع المبيعات كويسه قلتلو طيب اديتى رقم موبيل من حد من الناس اللى شارى منك السوران استفسر منه واستأذن من حد من عملائك انى اكلمه بس طنشنى كنت عايز اعرف ايه اخبار قطع غيارها ومميزاتها وعيوبها من حد جربها فعلا وخصوصا انها من سنة 2006 بتنزل بس مش لائيين حد يفيدنا طيب ايه الحل؟

نفس الموقف حصل معايا لما طلبت رقم اى عميل اشترى العربية وكان من مندوب المصرية اللى فى المعادى وطبعا وعدنى ولكن لا حياة لمن تنادى ومقدرتش اوصل لحد اخد منه خبرته مع العربية والتوكيل اللى سير الكاتينة بيوصل فيه ل 4000 ج ومش حنقول لباسات ولا جولف ولكن لعربية بوينتر صغيرة !!!

انا شخصيا لغيت فكرة السوران دى بدرى بدرى والحمد لله رغم ان العربية شكلها حلو فعلا!

**Ahmad Allawy** · 23-01-2009 08:08 PM

بس خلي بالك من حاجة..
ممكن يكون الكاتينة بتاعتها حديد يا باشا..
و عشان كده تمنها ممكن يوصل للرقم ده..
بس الكاتينة الحديد دي مش بتتغير تقريبا خالص..
يا اما كل عدد كيلومترات كتير قوي يعني..
و بعدين ف التوكيل الحاجات اغلي شويتين تلاتة من برة..

**criminalshemo** · 24-01-2009 09:28 AM

بصوا ياجماعة أنا روحت فورميولا امبارح و أول امبارح عشان العربية ده جنينتنى هى و ال polo sedan و السعر التحفة اللى نزل ..اللى شفته انها عربية ثقيلة و صاج جامد و تقفيل فوق الممتاز و مع ذلك كل بتوع المبيعات بيقنعوك بال polo sedan و بيقنعوك بوسائل الأمان اللى لا يمكن الاستغناء عنها و ال polo صراحة فاخة بس الصاج خفيف و تقفيل صينى و سمعت من حد ان هى فعلا صينى بالكامل يعنى مش تجميع فقط دة تصميم و انتاج و تجميع
العربية فخمة جدا و تقفيلها استحالة تقول علية صينى والعربية فئة واحدة مانيوال كاملة
تستحمل و لا لا محدش يعرف عشان لسة جديدة