استفسار للزملاء فى المنتدى ، احد الاقارب المحامين بيرفع لى دعوى صحة توقيع فى شقة سكنية ، ومش اقدر احدد اتعابه تبقى قد ايه ، ياريت تنصحونى بالمتبع فى هذه الحالة وتكلفة اتعاب رفع دعوى صحة التوقيع قد ايه ؟ تحياتى
عرض للطباعة
استفسار للزملاء فى المنتدى ، احد الاقارب المحامين بيرفع لى دعوى صحة توقيع فى شقة سكنية ، ومش اقدر احدد اتعابه تبقى قد ايه ، ياريت تنصحونى بالمتبع فى هذه الحالة وتكلفة اتعاب رفع دعوى صحة التوقيع قد ايه ؟ تحياتى
150 او 200 جنية حسب رغبتك
أنا عملتها من حوالى عام مع مكتب مش صغير أخد حوالى 450 جنيه
فيه مكاتب بتطلب من أول 200 لحد 500 جنيه والغالي مش هيعملك حاجه زياده والموضوع بسيط على فكره كأنك رايح الشهر العقاري أصلها مش مرافعه يعني.
انا عملت هذا الموضوع مع قريب لى و هو طلب منى 400 جنيه شامله الورق و كل حاجه من الالف الى الياء من 3 شهور تقريبا
شكرا للزملاء الاعزاء على سرعة الرد
تحياتى لكم جميعا
500 جنيه
يا نهار ابيض
كويس انكوا قولتوا والله كترر خيركوا
دا انا سالت محامي ومعايا فى الشغل كمان قالى هعمل معاك واجب واخد 1000 ج
600 فى حالتى
السلام عليكم ورحمة الله وبركاته ...
بص يا اخى تكلفة دعوى صحة التوقيع بالدمغات والمصاريف الرسمية حوالى خمسين جنيه مصرى لا غير ....
وعلى فكرة مهما كان مبلغ العقد حتى لو وصل الى مليار جنيه لانه ملوش دعوة بالمبلغ هو الدعوى دى كلها بتسئل البائع دى امضتك بس فقط (علشان فيه اللى يقولك نسبة على مبلغ العقد) ....
باقى المبلغ بأه حسب ضمير المحامى وبيبقى ليهم حسابات تانية ساعات بيدفعوا فلوس علشان تبدر الروول واليوم بتاعه ....
فيه فلوس بتدفع للسكرتارية علشان الحكم بيتكتب بسرعة ....
فلوس مواصلات لانه بيروح تقريبا ثلاث مرات ....
وكله ده من خمسين الى مائة جنيه على اقصى اقصى تقدير وفيه ناس متدفعهومش ولو هيعملها من غير مصاريف اللى بتترش فان المدة الطبيعية لدعوى صحة التوقيع من شهرين الى اربعة اشهر ...
ارجوا اكون افادتك ومع الاعتذار للسادة المحامين بس كنت عملت مرة صحة توقيع فرحت لواحد محامى والده صديق لوالدى وقلته عايز اعمل صحة توقيع فقلى :
اول حاجة : الاتعاب بتبقى نسبة من المبلغ ... (طبعا طلع مش صحيح الكلام ده والمبلغ ملوش دعوة) ...
ثانى حاجة : هاعمل معاك واجب وهاخد منك الف ومائتان جنيه ... (عاملتها بعد كده مع واحد صاحبى وبعد ما اتحيلت عليه علشان اديله فلوس خد مائنان جنيه فقط لا غير) ...
ثالث حاجة : لما قولتله الاتعاب كتيره كده قالى هى مصاريفها ثمانمائة جنيه والباقى اتعابى فشوف هتدينى اتعاب قد ايه ... (طبعا عرفت ان مصاريفها خمسين جنيه) ...
وللى فهمته بعد كده انه استغل انى مش فاهم ومش هسئل وراه وطبعا الموضوع ده ضيقنى جدا بس الحمد لله ربنا رزقنى بواحد صاحبى محامى محترم جدا ومش بيستغل وفهمنى كل اللى سبق ...
شكرا لجميع الاخوة الزملاء ...
تحياتى
اخي الكريم
المصاريف الفعلية بسيطة لا تتجاوز 100 جنيه, لكن المشكلة في الاتعاب تختلف من محامي لاخر ومن محافظة لأخرى
متوسط 300
انا لو هارفع دعوه مش اقل من 300
كم تبلغ التكلفة الان لاني ارغب في عمل توكيل لمحامي لرفع دعوي صحة توقيع
ممكن رد لو سمحتو
كم تبلغ التكلفة الان ؟
المؤسسة المصرية الاماراتية للمحاماة والخدمات القانونية نقوم برفع دعوى صحة التوقيع ب500 جنيه مهما كانت قيمة العقد او عدد الدعاوى ، كما تقوم المؤسسة بحل القضايا المعقدة وتقديم كل انواع الخدمات القانونية والادارية والتجاريه لتفاصيل اكثر تفضل بزيارة موقعنا على الانترنت شرفنا فى المكتب او اتصل نرسل لكم محامى 01144465102 egemfirm.tk