ملاحظاتي المتواضعة بعد زيارة معرض أوتوماك امبارح
السيارات الصيني:
- اسبرانزا:
- انفي معاجبتنيش الصراحه بسبب رخص الخامات الواضح جدا في الصالون. من الاخر مش مبهره
- تيجو شكلها من الخارج و الداخل حلو و هي فعلا سياره عملية و معقولة جدا.
- ايجراند:
- من الاخر: منظر من بره و من جوه أي كلام !!
- فاو "FAW":
- أكتر عربية شدت انتباهي للقسم الصيني و بعدها مقدرتش أقارن أي عربية صيني بيها هي عربية جديده لانج هاتنزل مصر ب 130000 اسمها FAW BESTURN B50
- العربية واسعة جدا من جوه و من بره تحفه و شنطة بحر.
- العربية دي أقدر أقول عليها "الألماني بتاع الصين" :S_thum1[1]:
السيارات الياباني:
- تويوتا:
- من الاخر يا تجيب كورولا الجديده اخر فئة يا بلاش أحسن. غير كده و لا أي تويوتا حسيت بيها فعلا.
سوبارو:
- كالعاده الامبريزا متفوقة و متألقة و زي ما تكون مستنيه اللي يشتريها في البلد دي !!!
- XV من واسعو من جوه بس حلوه جدا لل off roading
السيارات الأوروبي:
- رينو:
- كله كله new :verygood: نيو لوجان - نيو سانديو - و هكذا
- العربية الجديده اللي شايف انها ممكن تعمل طفره في سوق العربيات "بجانب فلوانس و لوجان" هي ال captur ... انتظروا العربية الكروس أوفر دي في شوارع المحروسة ده لو سعرها كان معقول طبعا.
- لوجان الجديده هي و عائلتها "سانديرو و ستب واي" فعلا فعلا حلال على اللي هايشتريها بس السعر لما يعدي ال 90 ألف في اخر فئة و هي لسه مانيوال كده يبقى مش حلال :-)
- شاشة اللوجان و عائلتها الجديده "شاشة الكاسيت و غيره" من LG . بس أعتقد الموتور و الفتس مفيش تغيير عن اللي قبلها !
- بالنسبة للفلوانس يا تجيب اخر موديل أوتوماتيك أو على الأقل اللي قبله يا بلاش أحسن.
مرسيدس و بي ام:
أودي:
- أعتقد المفاجأه الحقيقية هي ال A3 السيدان .. تكنولوجيا عالية و سيارة فوق الرائعة.
سيات:
- الابيزا هي السيارة المناسبة و يمكن الأحسن في فئتها بس "للشباب"
- الليون جميلة و عمليه و صالونها شيك جدا . بس لو كانت تكبر عن كده شوية في الحجم كانت تبقى أحسن بكتيير.
سكودا:
- رابيد سباسباك : جميلة و عملية من الاخر. بس السعر مبالغ فيه على ما أعتقد.
- الA7 فخمة و شيك جدا بس تساع فردين في الخلفية فقط لأن اللي هايقعد في النص هايبقى متضايق من القبة اللي طالعه بزياده في النص !!
أوبل:
- الاسترا: هي و مفيش غيرها :-) فعلا حلال فيها الفلوس في كل حاجه
- اتصدمت في الانسيجنيا لأنها مش واسعة في الخلف زي ما كنت متخيل!!
بيجو:
- في المجمل: بيجو بتتفوق على نفسها ابتداء من الكام سنة اللي فاتوا
- 2008 جميلة جدا جدا و أتوقع ليها انتشار في شوارع مصر.
- ال 308 الجديده فعلا تنافس الجولف بسهووووله
السيارات الأمريكي:
شيفورليه:
- نيو أوبترا: زبالة و محدش يزعل مني.
فورد:
- فوكس: فعلا عربية ألمانيه بمعنى الكلمة و تحفة في تفاصيلها. يعيبها "فقط" انها ضيقة في الخلف.
و بس كده علشان أنا تعبت :-))))))
أتمنى اني وفقت أنقل صورة مجملة مع شوية تفاصيل للمعرض السنة دي. سلام
