تغطيـــة لجناح هيونـــــداى - أوتوماك فورميلا 2014

**BUNSH** · 19-03-2014 06:07 PM

السلام عليكم ورحمة الله وبركاتة ..

فهرس الموضوع :

1. مقدمة .
2. وجوة جديدة .
3. عروض وخصومات .
4. فقرات غنائية واستعراضية .

_1_ مقــــدمة .

عودة مرة أخرى لتغطيــــــة مميزة لجناح نجــــــــــــــــــــــو م (هيونداى) بغض النظر أنى مش متفق مع سياسة هبور الا أنة القسم الوحيد اللى فى المعرض كان عامل جو وشو حلــــــــو .

_2_ وجوة جديدة .

نجمــــــة من النجوم التقـــال ..

New Elantra 2014 Facelift

+ أول ماتشوفها قلبك يرفرف معاها +

+ رشاقة وجمال ربانى +

+ فوانيس خلفية ليـــدات +

+ جنوط سبور+

+ رموش ليدات مديها شكل هجومى +

+ تم تعديل مكان فتحات التكييف مع اضافة مخرج هواء فى الكنسول الوسطى وتطعيم الفتيس بجلد + *ملحوظة من داخل صالون الالنترا باين أن نيسان سنترا قريبة اووى منها بغض النظر أن بينها وبين الالنترا كيلــــــــــــــــو!! :v *

+ الالوان المتاحة +

+ بروشور خاص بالمواصفات +

Elantra

iX 35 2014 Facelift

+ الألوان المتاحة +

+ بروشور خاص بالمواصفات +

IX35 Flyer

Santa Fe 2014

بجانب ذلك تم عرض :

i 10 2014

+ بروشور خاص بالمواصفات +

i10Flyer

New accent 2014

_3_ عروض وخصومات .

(1) إدهن عربيتك وبالاضافة لـــ 20% ــــ على قطع الغيار والمصنعية .
_لمدة شهر_

(2) خصومــــات على نيو اكسنت قيمتها 2500 جنية و 2000 لنيو النترا .

(3) خصومات على الـــــ i 10 ـــــــ قيمتها 2900 جنية .

_4_ فقرات غنائية واستعراضية .

يوم الجمعة 3/13

حضر فريق بلاك تيما والهبوا حماس الزائرين .

يوم السبت 3/14

وكان موعدنا مع فريق مسار اجبارى .

يوم الأحد والاتنين والثلاثاء

كان موجود يوسف أيمن وقدم استعراض حر لمهارتة فى كرة القدم .
-يوروك فرى استايل-

*صور متاخدة من صفحة هيونداى مصر ع فيس بوك*

وبجانب ذلك ايضا خيمة هيونداى لكأس العالم .
(كان فيها مسابقات لتسديدات كرة القدم والتصوير مع تميمة حظ كأس العالم _أرماديلو_ )

وفى نهاية المطـــــاف ,, كان نفسى اشوف نجوم هيونداى هناك ساعتها بس تعوض مرة تانية بأذن الله ..

شاكر لمتابعتكم وفى رعايــــــــــــ الله ـــــــــــــــة .

**Rsarabia** · 19-03-2014 10:34 PM

العربية بقت تحفة باستثناء فتحات التكييف و شكل الكونسول الى فى النص كان الاول احلى بكتير

**Samir Elshahawy** · 19-03-2014 10:39 PM

موضوع رائع و هايل و فعلا عود حميد و قوي لأحد نجوم هيونداي المتألقة في سماء "نايل موتورز"

شكرا يا أحمد علي الموضوع و الصور و كأني حضرت المعرض بالظبط و للأسف لم أتمكن من الحضور لأني كنت مسافر و لسه راجع النهاردة الفجر و لكنك كنت بالتأكيد خير ممثل لهيونداي - نايل موتورز

**Samah AbdAllah** · 19-03-2014 10:50 PM

ما شاء الله ما شاء الله
حقيقى تسلم ايدك تقرير رائع بكل المقاييس تنسيق صور مواصفات تفاصيل دقيقة
ربنا يبارك فيك يا احمد وتعملنا كل يوم تقرير حلو زى ده :)

**hossam_elwani** · 19-03-2014 11:47 PM

بخصوص الالنترا للاسف تم افقارها اكتر من الاول

بل ان الكماليات فى لاول مقابل السعر كانت متازه الله يرحمك يازمن

لاحظو الفرق فى التقرير ده

http://www.nilemotors.net/Nile/290458-2012.html

**BUNSH** · 20-03-2014 02:14 AM

المشاركة الأصلية كتبت بواسطة Rsarabia

العربية بقت تحفة باستثناء فتحات التكييف و شكل الكونسول الى فى النص كان الاول احلى بكتير

هيــــة أذواق بس شغالة برضة مش وحشة .

المشاركة الأصلية كتبت بواسطة Samir Elshahawy

موضوع رائع و هايل و فعلا عود حميد و قوي لأحد نجوم هيونداي المتألقة في سماء "نايل موتورز"

شكرا يا أحمد علي الموضوع و الصور و كأني حضرت المعرض بالظبط و للأسف لم أتمكن من الحضور لأني كنت مسافر و لسه راجع النهاردة الفجر و لكنك كنت بالتأكيد خير ممثل لهيونداي - نايل موتورز

أى ياهندســـــة الكلام الكبير دة ,, دية حاجة بسيطة والشكر لله .
وحمدلله على سلامتـــــك للأرض الوطن .
وبعدين أنت مش عارف أنك نور عيننا ولا أى

ولله غلاوتكوا عندى جامدة وكان نفسى اشووفك واشووف :

mahmoud_afifi
( هباركلة لما يدخل الجيش من اللى بيعملوا فينــــا )

Ashraf_Ibrahim
( من ساعة لما ربنا كرمة بالبدلة وهينزل الانتخابات ومش هنعرف نكلمة تانى )

Kareem Fawzy
( ربنا كرمة واتجـــوز ومسح ارقامنا _الله يباركلة_ ويرزقة بذرية الصالحة )

CryptonX
( الرجل الخفــــــــــى )

AHMEDCAR
( منسق مساعد ومشوفتكش ولا مرة مش هرشحك للولاية التانية )

Ayman-Ahmed
( ولا حس ولا خبر )

HOSSAM99
( ربنا يكرم ونشوفك فى القريب العاجل )

يارب تكونوا جميعــــــــــــــا بخير ونشوفكوا قريب وحابين نتعرف على باقية الأعضاء ميبقاش كلام فى صفحات نايل فقط !

المشاركة الأصلية كتبت بواسطة S A M A

ما شاء الله ما شاء الله
حقيقى تسلم ايدك تقرير رائع بكل المقاييس تنسيق صور مواصفات تفاصيل دقيقة
ربنا يبارك فيك يا احمد وتعملنا كل يوم تقرير حلو زى ده :)

جزاكى الله كل خير ويباركلنا فيكــــى ..

المشاركة الأصلية كتبت بواسطة hossam_elwani

بخصوص الالنترا للاسف تم افقارها اكتر من الاول

بل ان الكماليات فى لاول مقابل السعر كانت متازه الله يرحمك يازمن

لاحظو الفرق فى التقرير ده

http://www.nilemotors.net/Nile/290458-2012.html

حسام بك ,, منورنــــــا .
أنا مش عارف لية حاسس أن هبور عمـــال يدق مسامير فى نعشـــــة هوة على فكرة بيبيع على حس النيو الالنترا واقلب الزبون والبدائل الاخرى اتفتحت على مصراعيها !