باذن الله حل بسيط وبديل ممتاز لطرمبه الباور لاوبل فيكترا b2 ...!!!

**haisam ali** · 19-03-2014 07:58 PM

بسم الله الرحمن الرحيم :- طبعا كلنا بنعانى من موضوع طرمبه الباور بتاعت الاوبل فيكترا b1 و b2 مشاكلها كتير بسبب سوء الاستعمال والإهمال وقدم الصنع .... وطبعا كلنا بنعوز نريح دماغنا ونشترى طرمبه جديده وطبعا عمرها قصير والاستعمال غاليه حاليا بيطلبوا فيها ١٠٠٠ جنيه وانت ونصيبك .... النهارده وبأذن الله تعالى جبتلكم الحل البديل للقصه دى اللى هوه ايه طرمبه الباور بتاعت الاوكتافيا ال a4 بتركب هيا هيا بالظبط الفرق الوحيد فى الطاره واحنا هنفور الطاره القديمه ونركب الطاره بتاعتنا وسعرها استيراد لو زيرو ٣٥٠ جنيه ودعواتكم لينا ياجماعه بعد التركيب .... هذا وبالله التوفيق

**Omar Mahmoud** · 19-03-2014 09:23 PM

شكرا للافادة

**m7nsh** · 19-03-2014 11:01 PM

بتركب هيا هيا بالظبط الفرق الوحيد فى الطاره واحنا هنفور الطاره القديمه ونركب الطاره بتاعتنا

الله ينور يابو هيثم .. بس انت مجربها ؟ و ايه الكلام ؟؟ عاوزك ترغى شويه عن كده ! وبعدين انا مش فاهم الجمله اللى مقتبسها فوق :]

تحياتى يا ريس ,, خصوصا انى الباور عندى رخم حاجه بسيطه ونفسى يكون انعم من كده ..فمتابع بحماس

**Hesham.H** · 19-03-2014 11:08 PM

المشاركة الأصلية كتبت بواسطة m7nsh

الله ينور يابو هيثم .. بس انت مجربها ؟ و ايه الكلام ؟؟ عاوزك ترغى شويه عن كده ! وبعدين انا مش فاهم الجمله اللى مقتبسها فوق :]

تحياتى يا ريس ,, خصوصا انى الباور عندى رخم حاجه بسيطه ونفسى يكون انعم من كده ..فمتابع بحماس

هيثم يقصد طنبوره طرمبه الباور اللى بيركب عليها السير حجمها مختلف مابين طرمبه باور الاوبل والاوكتافيا .. وكل المطلوب انك تنقل طنبوره الطرمبه بتاعه الاوبل مكان طنبوره الطرمبه الجديده بتاعه الاوكتافيا .. على حسب ما فهمت

تحياتى يا هيثم على الفكره الجديده دى

**Amrgamal1** · 19-03-2014 11:09 PM

تمام
لو مركبها عندك قولنا ايه الاخبار بعد التجربه

**احمد فهمى** · 19-03-2014 11:21 PM

والله موضوع مفيد جدا بارك الله فيك

**haisam ali** · 19-03-2014 11:59 PM

والله ياجماعه انا ماركبتها عندى لكن كنت عند العفشجى ولقيته بيعملها لعربيه فيكترا وطبعا ناوى نيه سليمه لصاحبها أنتوا فاهمين .... بس ركبها والعربيه كانت زى الفل الباور كان اخف سنه صغيره لكن طرمبه هاديه ومحترمه جدا وباذن الله بلا عيوب .... وبعدين ياجماعه دى اقل حاجه اقدمهلكوا هنا فى المنتدى ده انا عايش ومتمرمغ على اللى أنتوا بتفيدونى بيه كل يوم ربنا مايحرمنى منكم أبدا .... هذا وبالله التوفيق

**haisam ali** · 20-03-2014 12:02 AM

كمان قالى على حاجه لكن انا ماشوفتهاش بعينى .... قالى ان كبالن النوبيرا تركب على الاوبل فيكترا b ال ١٦٠٠ cc .... بس فيها تعديل بسيط هيجيب راس الكوبلن من عند الترس وتخف منها سنه خفيفه على المخرطة وتركب فيها قاعده ال abs بتاعت الكوبلن بتاع الفيكترا وهيشتغل زى الفل ..... بس القصه دى انا ماجربتهاش فمش عارف اصلها صح ولا ايه هتعوز حد من أساتذتنا ال فاهمين طبعا