عرض للطباعة
السلام عليكم كنت عايز استفسر تنك البنزين بتاع ال 301 كام بالظبط .هو انا قريت قبل كده انه 50 لتر بس اشك لانى كل مرة افول و لسه فيها شرطتين اخرى بحط 32 - 35 لتر و غير كده اللى بلاحظه ان الشرطة الاخيرة مش بتعلم بعد التفويله غير لما ابتدى امش بالعربية و يدوبك حوالى كيلو مشى و الشرطة الاخيرة دى تنزل مش عارف اللى بيفولى مش بيعرف يملى التنك للاخر و لا ايه ؟
متااااااااااابع
التنك 50 لتر فعلا بس اكتر مرة فولت فيها دفعت 82 يعنى كان لسة فيها بـ 10 جنيه يعنى بتاع 6-5 لتر مع انى كنت حاسس انى خلاص هتقطع منى ، وكانت عمالة تصفر المهم الـ 5 لتر دول ممكن يكونوا احتياطى ومش بيبانوا ع المؤشر
بالنسبة ان اول شرطة بتنزل بعد كيلو واحد مشى ، لا طبعا كدة مش بتفول للاخر اللى بيفوللك بيفول لحد اول فصلة واكيد الطرمبة بتبقى سريعة فتفصل بدري جدا و يبقى لسة فاضل بتاع 6 لتر ولا حاجة ، على الاقل خالص انا بمشى 20-30 كيلو على اول شرطة ده لو مش مفول للزور ولو مفول للزور بيبقى اكتر من كدة ممكن 60-70 كيلو كمان او اقل او اكتر حسب الطريق طبعا
فلو قلنا بيبقى فاضل شرطتين ومونت 35 لتر ، وكان فاضللك كمان 5 لتر لو كنت فولت للزور ، يعنى 40 لتر ، يتبقالك 10 لتر في التنك دول الشرطتين اللى كانوا فيه قبل ما تفول
هو فعلا 50 لتر انا حسبتها عندى فى الاليزيه و الاحتياطى 7 لتر و فعلا لما بتدخل فى الاحتياطى بيكون العداد مفيهوش ولا شرطة هى بتبدى تطلع رسالة البنزين مع الصفارة بعد ما اكون مشيت على الشرطة الاخيرة حوالى 15 - 20 كم .
أنا مستلمة عربيتي وهي فاضية خالص من البنزين و فولتها ب١٠٠ جنيه
اى تنك بنزين لاى عربية بيكون فيه احتياطى بيتنوع من 5 ل 15 لتر فى العربيات السيدان اللى بتكون من 1600 ل 2000 سى سى لما بتوصل للرقم ده بيبتدى الانذار بتاع البنزين يشتغل و يفضل دايما ما نفولش للزور يعنى من اول فصلة للمسدس.
كمان يفضل ان التفويل يكون مساءا يعنى اخر اليوم كده و انتوا مروحين عشان تكون كثافة البنزين اكتر نتيجة لعدم وجود حرارة الشمس بنفس القوة.
دور كمان على البنزينات الجديدة و تابع الاستهلاك و حالة العربية و لما ترسى على بنزينة كويسة كمل معاها لان بعض اصحاب النفوس الضعيفة بتخلط البنزين مع فئات اقل و فى بعض الحالات مية.
يفضل كمان ما تفولش بعد ما تكون عربية البنزين لسه مفرغة البنزين فى المحطة استنى كام ساعة كده و ارجع فول تانى او ارجع تانى يوم.
دى شوية نصائح عشان تضمن احسن استهلاك للبنزين و العربية تفضل بكفائتها و ما تتاثرش بمشاكل البنزين الموجودة فى مصر.
و ربنا يباركلم فى عربياتكم و يكفيكوا شرها
ربنا يباركك في عربيتك يارب انت و كل المصريين و المسلميين ان شاء الله .... انا عربيتي يوم ما استلمتها كانت مصفرة بنزين فولتها بالليل ب 87 جنيه .... فكرة اول فصلة للطرمبة فكرة كويسة و بتحافظ على الطرمبة صحيح بس هي دي الي بتخلي اول شرط تنزل بمجرد ما تخرج من البنزينة .... عموما في دليل الاستخدام الموجود في العربية بيقول ان وضع البنزين بعد تالت فصلة للطرمبة غير مرغوب ... ودة معناة انك ممكن تفول لغاية تالت فصلة للطرمبة .... و تقبل تحياتي.