الملف الكامل عن مولد الكهرباء القدره الشراء التليين التشغيل

**ابوحبيبة2010** · 27-04-2014 08:57 PM

المشاركة الأصلية كتبت بواسطة mikho83

فيه دلوقتي انفيرتير، مش بيحتاج لا بنزين ولا جاز، هو بيشتغل ببطارية وبيشتغل تلقائي لو الكهربا اتقطعت، هو ممكن يكون سعره عالي حبتين بس طبعا بتريح دماغك من الصوت العالي والبنزين وخلافه. على فكرة لو حد محتاج أخويا شغال فيهم وركبهم لكذا واحد ومافيش حد اشتكى منه حتى الان، وبرده فيه قدرات مختلفة

عيبه فى البطارية مش بتستحمل سنة

ويتم التغير

المولد افضل

**mk3** · 27-04-2014 09:00 PM

المشاركة الأصلية كتبت بواسطة ابوحبيبة2010

عيبة فى البطارية مش بتستحمل سنة

ويتم التغير

المولد افضل

نوعها ايه البطاريه اللى مستحملتش سنه ؟ جافه ولا جل ؟

**atpo56a** · 28-04-2014 08:46 AM

المشاركة الأصلية كتبت بواسطة rotanamasoud

انت حتطلع المولد من الكرتونه وتحط الزيت(عندى0.5لتر)تشوف الكاتلوج عشان تعرف الزيت عندك قد ايه(تستخدم زيت خفيف ومش لازم غالى يعنى شيل الاحمر النوع الخفيف)
وتحط 2 لتر بنزين تجرب بيهم
طبعا البطاريه سهله مفيهاش مشكله بس اوعى تعكس ال+فى ال+ وال- فى ال-
البوجيه مش حيفيدك سن قصير او طويل لما يحصله حاجه تفكه وتروح تجيب زيه
التدوير
حتلاقى محبس بتفتحه عشان البنزين يبدء ينزل للمحرك(ويقفل بعد الاستعمال)
حتلاقى دراع هواء بتجيبه على الاخر(يعتبر زى الشفاط بتاع العربيات الكاربراتير)
تبدء تدور سواء مفتاح مارش او تشد الحبل طبعا اول مره ممكن يعصلج كام مره متقلقش
اول ما حيدور حتلاقيه مبرجل ترجع دراع الهوا لوضعه الاصلى (يتقفل) حتلاقى المولد انتظم
سيبه 10 دقايق وجرب عليه لمبه او حمل صغير للتاكد انه بيطلع كهربه
تبدء تلينه زى ما انا كاتب فى اول الموضوع وانا متابعك فى اى استفسار

انا اسف لكثره الاسئله
بصراحه انا اشتريت المولد ونسيت احط الزيت
علشان الكهرباء قطعت وطلعته من الكرتونه مباشره وشغلته من غير ما اخد لبالي من موضوع الزيت ممكن تفيدني هل ممكن فيه حاجه حصلت للموتور من جوه البستم مثلا
اذكر حضرتك ان المولد لما اشتريته البائع اعطاني فكره عن تشغيله وطلع مقاس الزيت كان عليه شويه زيت جاي بيهم من المصنع
يا ريت تفيدني لو سمحت انا خايف من اللي حصل يكون حصلت له حاجه

**rotanamasoud** · 28-04-2014 11:37 AM

المشاركة الأصلية كتبت بواسطة mk3

نوعها ايه البطاريه اللى مستحملتش سنه ؟ جافه ولا جل ؟

البطاريه لازم تكون ديب سايكل عشان تاخد منها اداء 5 سنين ولو النوع ممتاز ممكن توصل ل7 طبعا اسعار البطاريات دى فلكيه برغم مميزات الانفرتر الا انه يظل محدود القدره ومحدود الزمن وغير اعتمادى عند انقطاع النور سعات كتير

المشاركة الأصلية كتبت بواسطة atpo56a

انا اسف لكثره الاسئله
بصراحه انا اشتريت المولد ونسيت احط الزيت
علشان الكهرباء قطعت وطلعته من الكرتونه مباشره وشغلته من غير ما اخد لبالي من موضوع الزيت ممكن تفيدني هل ممكن فيه حاجه حصلت للموتور من جوه البستم مثلا
اذكر حضرتك ان المولد لما اشتريته البائع اعطاني فكره عن تشغيله وطلع مقاس الزيت كان عليه شويه زيت جاي بيهم من المصنع
يا ريت تفيدني لو سمحت انا خايف من اللي حصل يكون حصلت له حاجه

قولتلك قبل كده انه حصل خير وملحقش يحصله حاجه متبقاش شكاك مش هو شغال معاك كويس دلوقت

**atpo56a** · 28-04-2014 04:39 PM

المشاركة الأصلية كتبت بواسطة rotanamasoud

البطاريه لازم تكون ديب سايكل عشان تاخد منها اداء 5 سنين ولو النوع ممتاز ممكن توصل ل7 طبعا اسعار البطاريات دى فلكيه برغم مميزات الانفرتر الا انه يظل محدود القدره ومحدود الزمن وغير اعتمادى عند انقطاع النور سعات كتير

قولتلك قبل كده انه حصل خير وملحقش يحصله حاجه متبقاش شكاك مش هو شغال معاك كويس دلوقت

الف الف الف شكر للرد طمنتني
الله يبارك لك ويبارك في اولادك

**ابوحبيبة2010** · 28-04-2014 04:56 PM

المشاركة الأصلية كتبت بواسطة atpo56a

انا اسف لكثره الاسئله
بصراحه انا اشتريت المولد ونسيت احط الزيت
علشان الكهرباء قطعت وطلعته من الكرتونه مباشره وشغلته من غير ما اخد لبالي من موضوع الزيت ممكن تفيدني هل ممكن فيه حاجه حصلت للموتور من جوه البستم مثلا
اذكر حضرتك ان المولد لما اشتريته البائع اعطاني فكره عن تشغيله وطلع مقاس الزيت كان عليه شويه زيت جاي بيهم من المصنع
يا ريت تفيدني لو سمحت انا خايف من اللي حصل يكون حصلت له حاجه

عادى مفيش اى مشاكل

**atpo56a** · 29-04-2014 01:32 AM

المشاركة الأصلية كتبت بواسطة ابوحبيبة2010

عادى مفيش اى مشاكل

الف الف الف شكر للرد طمنتني
الله يبارك لك ويبارك في اولادك

**eng_hossam_09** · 03-06-2014 04:29 PM

المشاركة الأصلية كتبت بواسطة rotanamasoud

مولد استعمال خارج اكيد حيكون ممتاز شرط حالته تكون اقرب للزيرو
فى كاتم صوت زى اللى انا جبته كان ازيد 500 جنيه وبصراحه ندمت وكنت اشتريت دماغى بيهم
المولد من الصور فى الجراج مع العربيه ومطلع منه وصله للشقه ووصله للمحل

الف شكر على الدعوه الجميله
انا اللى اعرفه ناس من اسكندريه والبحيره لاكن لا اعرف احد من القاهره

برجاء التفاصيل عن كاتم الصوت
انا جيبت مولد apt 5 kva
ومحتاج اى طريقة لخفض صوتة لانة مزعج جدا

**eng_hossam_09** · 03-06-2014 04:50 PM

انا غيرت زيت نوعة mobile1 20w-50
وبعد تغيير الزيت المولد صوتة هدى شوية و لكن المرة الى بعدها فى التشغيل رجع عالى تانى
فهل الزيت دة مش كويس ولا اية
و برجاء من الاعضاء اذا كان فى حد عندة حل لموضوع الصوت العالى يفيدنا افادكم الله
انا بقالى اكتر من شهر و نص بدور على حل لموضوع الصوت دة
استفسار اخير
المولد الى عندى الدينامو بيسخن حتى لو مش محمل علية تقريبا لان الشكمان متثبت فى الديناموا فهل دة عادى و لا ياثر على ملفات الديناموا مع التشغيل ؟؟؟

**rotanamasoud** · 03-06-2014 07:48 PM

eng_hossam_09
حلول الصوت متعدده حسب درجه خفض الضوضاء المطلوبه
1-موديل المولد نفسه لو شبه اللى فى الصور فى موضوعى ده له شكمان كاتم بتاعه الاصلى (البياع قايلى كده وقالى سعره 500 جنيه)
2- ممكن بعد تعديل الشكمان تقفل صندوق ابلكاش بفتحات تهويه ومروحه اضافيه ويتم تبطينه من الداخل بمواد حراريه ومن الخارج بمواد عازله للصوت(عزل العربيات)مع عمل 4 قواعد مطاطت لكتم الصوت والاهتزاز(استخدم وفق قواعد بتاعت عربيات)
يمكنك ايضا استخدام ماسوره بنظام مدروس لاخراج العادم من المكان الى الخارج لو انت واضع المولد فى غرفه
اما الحل الاقوى ولاكن يحتاج تجارب هو استخدام النقطه 2 مع شراء شكمان (عربيه دبابه) لانه خفيف لا يعمل رجع لكبر حجمه نصف متر وجعله مرحله2 بعد الشكمان الاساسى