الموضوع: خطوات وشرح كيفية اختيار كاسيت مناسب لعربيتك

والله كلكم منورين يا شباب ربنا يخليكو

المشاركة الأصلية كتبت بواسطة shady2012

شرح ممتاز وتسلم ايدك

ممكن ترشحلى عدة صوت بحوالى 1500 جنية عبارة عن كاسيت وسماعتين وبعدين ابقى اجيب الجى ام

وشكرا:b4_388:

يعني انت حاطط ميزانية 1500 جنيه لكاسيت وسماعتين !!

لو زي مانا فهمت محتاج بس تقولي هل انت ناوي مستقبلا تجيب جي ام ولو جبت جي ام هتركبه على السماعات وخلاص ؟ ولا هتجيب معاهم صباية ؟

انا بسالك عشان لو احتجت فيما بعد انك تجيب صب او تجيب جي ام كمان للسماعات وتركب كذا جي ام يبقى عندك الكاسيت اللى يقوم الليلة دي كلها وماتحتجش انك تغيره مستقبلا

وفي نفس الوقت عشان لو حبيت تركب جي ام للسماعات تلاقي السماعات معاك تستحمل الجي ام

مبدئيا برشحلك سماعتين كينود 450 وات ودول سعرهم في رنج ال 350 جنيه

هتيبقى في رنج ال 1200 جنيه لو عربيتك Single din يبقى السعر ده هيجيبلك موديل بايونير محترم انا مش متذكر اوي الموديلات اللى موجودة في السوق حاليا واسعارها بس 1200 تجبلك كاسيت Single din كفاءة وهيكون فيه كل الاوبشنز اللى محتاجها

المشاركة الأصلية كتبت بواسطة hany63

طب معلش استحملني هتقل عليك
مبدئيا مش مشكله التكلفه عشان ساعات الحاجه الرخيصه بعتبر ان فلوسها كلها راحت على الارض فخلينا في الدبل بيز و خصوصا زي ما انت عارف ان الواحد من الزحمه يعتبر عايش في العربيه فبجملة

اول سؤال هل فيه فرق في كواليتي الصوت بين الكينوود دبل بيز ال 600 وات و ال 400 وات ؟ ولا الفرق في ان دي صوتها اعلى وخلاص ؟

اخبار التريبل الخارج ايه من السماعات دي تحديدا هل بنفس كفاءة البيز ؟ عشان كنت قريت في في مشاركة احد الزملاء انه سامع صوت هوا طالع من السماعه

و شاكر ليك معلوماتك القيمه

طبعا السماعات الدبل بيز تفرق في كل حاجة سواء كان بيز او Mid range لان الرق بتاع السماعة انضف بكتير اوي من السماعات العادية ,, انت حتى لو فتحت السماعة دي عند محل عنده الدبل بيز وعنده العادية ومسكت الانين هتحس بفرق جامد في الرق والتقفيل والخامات المستخدمة

موضوع التربلات انا ماقدرش افيدك لاني ماسمعتهاش وخصوصا ان السماعت دي 3 ways بس

وموضوع الهوا اللى طالع من السماعة ده طبيعي عشان السماعة قوية مش اكتر

اي صب (ماهو الصب عبارة عن سماعة برضوا) لو وقفت جمبه وهو شغال بقوة هتلاقيه بيطلع هوا

المشاركة الأصلية كتبت بواسطة warfighter2114

موضوع جميل ورائع جدا جدا
سؤال
هل كاسيت ممكن يشغل 4 سماعات خلفيه و2 اماميه!!!!!!!!!!!!
هل تقترح عليا تعديل مثلا اشغل 4 على الكاسيت و 2 على جى ام ولا اعمل ايه!!!!!!!!!!!!!
عايز جى ام كينود ترشحلى حاجه لو جاوبتنى على السؤال التانى!!!!!!!!!!1

الكاسيت ماينفعش يشغل الا اربع سماعات فقط

وطالما انت عندك اربع سماعات خلفية يبقى لازم يتحطو الاربعة على جي ام عشان يبقى القوة بتاعتهم واحدة !! لانك لو حطيت اتنين منهم على الكاسيت والباقي على جي ام الدنيا هتتلخبط والصوت مش هيبقى مظبوط

بالنسبة للجي ام الكينود هو فيه منه تلت موديلات ال 350 وات 2 شانيل
500 وات 4 شانيل
720 وات 4 شانيل

طبعا بتختار الموديل على حسب قوة السماعات اللى معاك