الموضوع: طلب تسعير من خبراء اﻷوبل

المشاركة الأصلية كتبت بواسطة kar!m

بص موضوع انها رشه بره ده (من وجهة نظري) ميعيبش العربية لو كانت رشه نضافه فعلا .. لأن العربية بقالها 12 سنة و الأوبل عموما بيكلح غير ان أي عربية عرضه للخرابيش .. وأنا شخصيا ندمت اني مكنتش أصلا بروح أتفرج على عربيات رشه بره بحجة انها رشه بره .. لو العربية دواخلها سيمة بدون رش أو بارومه أو رد على البارد و من بره مش شايله معجون .. توكل على الله.

أنا أختلف مع فادي ان الأوتوماتيك في العربية دي أرخص من المانيوال .. أنا قبل ما أشتري عربيتي شفت عربيات كتير و أنا بصراحه كنت مركز في الأتوماتيك 1600 و المانيوال كان أرخص كتير لسببين أولا الراحه في السواقة .. ثانيا: الموتور بتاع الأتوماتيك ايكوتك عكش المانيوال.


وأنا شخصيا شايف ان تغيير الفتيس و الرش الخارجي لعربية بقالها 12 سنه و ماشية 150 ألف كيلو ميزة مش عيب .. كتر خيره بصراحه و اللي غيره وفر عليك فلوش كنت كده كده هتدفعها.

بالنسبة للسعر .. كل العربيات اللي شفتها اللي حالتها كويسة كانت من 63 الى 68 ألف جنية .. و كان في واحده شامبين في العجوزة ب 70 ألف بس كانت عامله 52 ألف كيلو و كانت رشه أجزاء من بره .. و كان في واحده فضي في مصر الجديدة ب 68 ألف و عامله 72 ألف كيلو ورشه من بره كلها ..وكان في واحده نبيتي في المعادي بس معجبتنيش خالص ب 62 ألف .. و كان في واحده شامبين في طنطا فابريكه بره و جوه و نهائي 64 ألف .. و كان في واحده شامبين في المطرية فابريكه بره و جوه مكلحه و عامله 120 ألف كيلو واتباعت ب 64 ألف و اللي اشتراها خلص فيها قبل ما أوصل ب 10 دقايق و قابلته عند البايع و باركت له.

عاوز أقول لك حاجه مهمه .. السعر في مواقع الانترنت و عند الناس اللي بتتمن بيفرق عن أرض الواقع .. يعني الفيكترا دي ممكنحد يقول لك ب 50 و 55 بس هتصرف عليها و عمرها ما هتكون نضيفة .. و أنا شخصيا بعت عربيتي ب 64 ألف و نص .. وده لينك العربية اللي انا بعتها

http://www.nilemotors.net/nile/311001-2-2002-a.html

وربنا يوفقك لما فيه الخير.

الله يكرمك
هو كان آخر كﻻم على 68 الف. لو خلصت على 65 يبقى كويس وﻻ كثير؟

المشاركة الأصلية كتبت بواسطة فادى محمد

بص ياباشا..
علشان تعرف تسعر بما يرضي الله لازم تعرف الاتي وهو مش قاعده , انما اقرب الي الواقع
ال1600 المانوال اغلي 5الاف من ال1600 الاوتو
-الحاله الشاذه من ال1600 المانوال اللي مش ماشيه كتير وفابريكه بالكامل = 65 الف
-================الاوتو ========================60 الف
- تعالي بقي نزل منها 5 الاف علشان راشه بره و5الاف علشان الايه بي اس ومغيره فتيس والعداد كبير
كل ده بلغه السوق , انما انا ما عاذ الله اني ابخس الناس اشيائها
يبقي العربيه بلغه السوق = 50 الف ج والحاله وظروف البيعه بتفرق طبعا , ربنا يوفقك

الله يعزك
ليه المانوال اغلى من اﻻوتو؟

المشاركة الأصلية كتبت بواسطة amr elsisi

لا طبعا كتير جدااااا

طيب اخرها كام

المشاركة الأصلية كتبت بواسطة mohamed_hamid

الله يكرمك
هو كان آخر كﻻم على 68 الف. لو خلصت على 65 يبقى كويس وﻻ كثير؟

لو دواخلها سليمة مافيهاش لعب .. و الرش من بره نضافه فعلا .. و التكييف شغال .. و مش محتاجه كاوتش ولا شغل في العفشة .. و الموتور متفتحش و متعملش فيه شغل قبل كده .. و جنوطها حلوة و العربية شكلها حلو من بره و فرشها مش متبهدل .. يبقى سعر حلو .. ممكن تنزل ألف جنيه كمان عشان هتصلح ال ايه بي اس.

بس طالما صاحبك و انت بتقول بيحافظ على العربية و مش هتحتاج مصاريف .. مش هتختلفوا ان شاء الله.

وربنا يقدر لك اللي فيه الخير.