عرض للطباعة
وَلَا تَبْخَسُوا النَّاسَ أَشْيَاءهُمْ
هل احنا كده وبنبخس الاشياء
انا عرضت عربيتى للبيع وهى تعدى ال 90000
وسعرتها على المنتدى مع ا/شريف 96000
كل اللى فيها حكة فى الرفرف اللى ورا والباب بون بوية او رش
واراء اغلب الناس 95000
وللاسف شخص محترم اول ما شاف العربية قالى 83000
هل ده بخس هل احنا كدة هل البيع والشراء بيكون كدة ؟
رأى الشخصى لا
منتظر ارأكم
انت اول مرة تحتك بسوق السيارات
او اول مرة تجرب عملية بيع او شراء سيارة
عموما نصيحتي
اولا بيع سيارة ده نصيب وتوفيق من عند ربنا
ثانيا لازم الصبر لغاية لما تجيلك البيعة اللي تناسبك وترضيك وهتقابل اللي هيحاول يستغلك وهتقابل التاجر المحترم والتاجر النصاب لكن لو متأكد ان ده سعر عربيتك العادل اصبر لغاية لما يجيلك اللي يقدرها وعارف قيمتها كويس
الاخ الكريم الفاضل drcobraاقتباس:
المشاركة الأصلية كتبت بواسطة drcobra
البيع و الشراء في السيارات المستعملة عملية نسبية ليست لها قواعد محددة احيانا تجد ان سوق العربيات المستعملة ( شد ) ( بدون اي سبب )
و احيانا اخري تجد سوق المستعمل ( نام ) و تنخفض ايضا اسعار السيارات احيانا بتصل الي 3 الاف جنيه و احيانا اخري 5 الاف جنيه ( ايضا بدون سبب مفهوم )
كل هذا بيحدث امام اعيننا نحن المستهلكين الغير متخصصين و لكن هناك ( تجار ) هذه التجارة هي مصدر رزقهم بيكون عندهم الاسباب التي نجهلها و بيكون عندهم التوقعات التي لا نعلمها بحكم شغلهم
بالنسبة لسيارة حضرتك التي قدرت من خبير المنتدي هنا بأكثر من الثمن الذي ترتضيه هي ايضا عملية نسبية فهناك اخ فاضل عرض سيارته علي خبير المنتدي وكانت سيراتو 2008 و ثمنها له ب 78 الف جنيه و هو كان طالب فيها 87 الف جنيه يعني فرق 10 الاف جنيه انخفاض في ثمنها عكسك تماما فهل هذا يعني ان الخبير يريد ان يبخسها له او ان يأخذها له طبعا هذا لم يحدث
ومع ذلك لم يرضي بتثمين الاخ الفاضل الخبير الذي نكن له جميعا كل احترام وتقدير و صبر قليلا و باع ب 86 الف جنيه اي بالثمن الذي ارتضاه هو
اذا الموضوع اري انه نسبي جدا من الجائز ان من قدر السيارة ب 83 الف لحضرتك هو امكانياته كده او يراها بهذا الثمن صفقة رابحة اذا انت ارتضيت فأهلا به و اذا رفضت فلم يحدث شئ و لو في قلبه طمع فالله مطلع و توعد ( المطففين ) الذين يحبون ان يحصلو علي حقوقهم كاملة و غير منقوصة و عند حقوق الناس تجدهم ينقصونها و يبخسونها اثمانها
فلا تبتأس و اصبر و الموضوع كله عرض وطلب
تحياتي اليك
وايه المشكله انه يقول 83 او حتى 50 شكلك اول مره بتبيع عربيه يا باشا انا كنت بتشل وانا ببيع عربيتى بس بعد كام مره خلاص اتعلمت انت تقول السعر ال عاجبك وال انت راضى بيه ثانيا اصبر لحد لما يجى نصيبها ثالثا اعمل اعلان على النت وحط صوره العربيه علشان توفر على نفسك ان حد يجى يتفرج وال يجى يكون شايفها قبل كدا ويكون جى يخلص مش يتفرج بس وان شاء الله تتباع بسعرها الطبيعى
يا باشا عادي
هتسمع ده كتير فالبيع والشراء
شكرا ليكم يا جماعة كلكم انا فعلا اول مرة افكر ابيع عربيتى
والحمد لله بحمد ربنا انها ما اتباعتش لانى مش قادر استغنى عنها والمدام طول اليوم كانت بتعيط بالرغم انى قلتلها هنجيب احسن منها بعد من 3 الى 6 شهور
الراجل اللى شاف العربية اول مرة محترم جدا جالى المدينة اللى انا فيها سفر حوالى 140 كيلو وكان كلمنى قبلها بالليل واتفقنا على سعر اعلى من السعر الاول وكان جايب معاه الفلوس وقالى الغى الاعلان اللى انت عاملة على النت علشان انا هاخدها واعمل اعلان تانى وعملت كدة
المهم لما جة بص تانى للعربية والله اتمنيت يقولى بلاش مش عايز وسبحان الله قالى هاروح اجيب ميكانيكى علشاتن يفيدنى فى حاجة انا شاكك فيها الحمد لله راح واتأخر حوالى ساعة وشوية وبعدين ببص لقيتة باعتلى رسالة يقولى كل شيئ نصيب والله روحى رجعتلى
وكمان سبحان يومها الصبح وانا بكلم واحد صاحبى من المنصورة بقولة ازاى اجراءات البيع قالى لية؟ قلتلة هبيع العربية قالى انت بستعبط انا هاخد العربية نهائى قلتلة لو هابيع العربية بتاعتك
وبرضوا سبحان الله انا كنت محتاج 40000 جنية فى خلال شهر ابريل لما نسيبى عرفوا انى هبيع العربية قالولى هنوفرك 30000 ومتبعش العربية قولتلهم ماشى ولغيت فكرة البيع دلوقتى ولو هبيع صديقى اولى واحد حتى لو هسيبلة مبلغ
فعلا استفدت من اراءكم انا بس حبيت اشاركم تجربة واشكركم