السلام عليكم ورحمة الله انا عندى تيدا 2009 سيدان رحت مودرن موتورز ابو رواش علشان اعمل صيانة ال60000 وفوجئت بيهم بيقولولى اثناء الصيانة ان العربية محتاجة تغيير تيل الفرامل الامامى و الطنابير وبطاحات وبلى البطاحات ودى خاصة بالدركسيون فقلتلهم غيروهم لان من الصيانة اللى فاتت لما كنت عندهم كانوا قالوا ان المرة الجاية العربية محتاجة تغيير تيل وبطاحات فقلت ok زادت عليهم الطنابير ممكن برده تكون باظت للسبب ده وبعد شوية لاقتهم بيقولوا ان المساعدين الاماميين و المقصات عايزين يتغيروا برضه ؛ قلتلهم مايغيروش المقصات وبعد مناقشات مع المهندس اقنعنى ان اغير المساعدين .
المهم انا دفعت فى الصيانة دى 6500 جنيه تقريبا العربية بقت احسن بس انا سواقتى من النوع اللى بياخد باله من المطبات ومابحبش اسمع صوت فى العربية وانا ماشى فكنت مصدوم ومتضايق من ان العربية طلعوا فيها كل الحاجات دى ودفعت المبلغ الكبير ده.
بعد كل الكلام الكتير ده وانا السف ان انا طولت هل التيدا سيئة وبعد 60000 يطلع فيها كل ده مع ان انا كان معايا رينو كليو 2002 عملت بيها 90000 عمرى ما عملت فيها اى نوع من العفشة اللهم تغيير تيل امامى وايضا كان معايا ياريس 2006 عملت بيها 70000 برضه ما حصلش فيها ان غيرت كم العفشة دى ولا انا اتعرضت لعملية نصب والتيدا بريئة . ياريت حد يفيدنى لات بعد الموقف ده خلانى متضايق من العربية .