معروض عليا فلونس و عاوز رائي الوحووش طبعاً

**hamada4010** · 20-03-2014 01:39 PM

السلام عليكم يا وحوش الرينو

يا رب تكونوا بخير مش عاوز اطول عليكما

انا معروض عليا فلونس 2010 E3 ماشية 35000 كم و فابريكه برا و جوا ما عدا اجزاء من الرفرف امامي و الرفرف خلفي يمين و هي حالت الصالون جيده جداً و مطلوب فيها 110.000.

معلش كنت محتاج معلومات عنها و عن الصيانات و قطع الغيار بقت متوفرة ولا لا و اية مشاكلها عشان اخد بالي منها و انا بكشف علي العربية و جزاكم الله خيراً :)

افتوني بقا

**ahmedteam** · 20-03-2014 03:13 PM

اطلع اكشف عليها فى التوكيل بلاش تكشف بره

**hamada4010** · 20-03-2014 03:33 PM

تمام طيب و السعر ايه اخباره

**osamasindbad1** · 20-03-2014 04:02 PM

اكشف ع العربيه في التوكيل ها يقول لك على كل اللي فيها وممكن تسأل في التوكيل ع السعر ها يقول لك سعرها في حدود كم انا اشتريت 2011 e3 في شهر اكتوبر اللي فات كانت ماشيه 75000 الف كيلو بس حالتها كويسه جدا ب 100 الف جنيه العربيه محترمه جدا بس الصيانات في التوكيل ها ترتاح رغم التكلفه اعلى لكن ها يحافظ لك ع العربيه انا كان معايا ميجان2 قبل الفلوانس بالنسبه لقطع الغيار انا شايف انها معقوله بالنسبه للفئه بتاعتها والعربيه الرفاهيه اللي فيها تستاهل الصراحه وممتعه في سواقتها والاوبشنز عاليه صدقني مش ها تندم بس اهم حاجه حالة العربيه وربنا يوفقك ان شاء الله. اه صحيح فيه حاجه الطلعه بتاعتها بطيئه شويه وفيه ناس بتزهق منها لو لك في القرص والشد مش ها تعجبك طلعتها انما سحبها بعد كده رائع من وجهة نظري

**hamada4010** · 20-03-2014 08:27 PM

متشكر ليك جداً انا ان شاء الله هكشف عليها فالتوكيل زي محضرتك قلت و انا مليش فالشد و الكلام ده انا عاوز عربيه عائلية و مريح هو فخمه بس معلش في سؤال خطر على بالي هل في فروقات بين الموديل ٢٠١٠ و ال ٢٠١١ او ٢٠١٢

**osamasindbad1** · 20-03-2014 09:44 PM

اللي اعرفه انه 2010 و2011 مفيش فرق انما انا فاكر وانا باشتري كنت شوفت عربيه 2012 وصاحبها قاللي على فرق بينها وبين 2011 بس والله مش فاكره لانه مش حاجه مهمه عشان كده ما ركزتش معاه انما الفلوانس من ناحية عائليه فهي عائليه جدا والفخامه من افخم العربيات في فئتها وده رأيي . اه تقريبا الفرق انه 2012 فيه بارك سينسور تقريبا كده مش متذكر. واي سؤال في حدود معرفتي انا تحت امرك

**hamada4010** · 21-03-2014 10:08 AM

شكرا ليك جدا يا باشا ده كفايا ذوقك خلاص ادعيلنا ربنا يوفقنا ان شاء الله :)

**gym1974** · 22-03-2014 01:29 PM

نصيحة اخ سوق العربية قبل ما تشتريها العربية ممتازة بس موضوع الطلعة البطيئة ده خلانى اعيد التفكير فى العربية وده من وجهه نظرى حاجة تضايق والله الواحد مش عارف يعمل ايه جربت الكروز وكانت مانوال بطه بلدى عندها شلل الفيكترا سى نفس الوضع مش عارف اعمل ايه واشترى ايه ربنا يوفقك ان شاء الله

**saifo911** · 25-03-2014 03:09 PM

السعر عالي شويه في موديلات 2012 ب112000 دور كويس بس و ماتستغجلش انا جبت 2011 e3 ماشيه 60 الف و واخدها من صاحبها من باب الصيانه خدتها ب107 الف و كانت حالتها كويسه و صيانتها في التوكيل و كله تمام و :) حاسس اني برضه اتاكلت في 7000 دول بس يالا كان دا احسن سعر ساعت ما اشتريت و الكلام دا كان من اربع شهور فاتو اه و في حاجه ابقي راجع انت حتخد العربيه و تخش عليها و شوفها علي موقع رينو نفسه يعني انت مثلا تاخد العربيه داخله علي الستين الف كيلو حتبص تلاقي نفسه شويه و دافع بتاع 3000 جنيه علي العربيه علشان تعملها صيانه و هكذا فركز في الموضوع دا برضه