عرض للطباعة
السلام عليكم
صديق ليا معروض عليه باسات 2008 basic سوداء ماشية 30 ألف كيلو بس.
محتاج يعرف السعر المناسب كام و أيه رأيكم فى العربية دي و هل من عيوب معروفة عنها ؟
هى موتورها FSI.....يعني المفروض فتيسها عادي مش DSG
و بالنسبة للبنزين.......أيه أخبار 92 معاها ؟
و أخر حاجة الصيانة الدورية للعربية أسعارها أيه جوة و برة التوكيل ؟
تعملها 140 عشان الكيلزات قليلة البنزين عادى 92
شكرًا على الرد
ممكن اعرف كماليات ال basic line ايه ؟
هيا طاسات مفيهاش جنوط
فيها مثبت سرعه و الفتيس ستيبترونيك من العصايه و فيها تكييف رقمي و مخارج للكنبه الخلفيه و فيها ٦ ايرباج
احلى حاجه فيها الصراحه مسند اليد اللي بتظبط ارتفاعه زي ما انت عايز
اه افتكرت كام حاجه معلش بقى اصلي بعت من ٤ سنين
فيها فرامل يد الكترونيه بزرار و اول ما تلمس بنزين تفك لوحدها و تفرمل لوحدها اول ما تفك حزام الامان
طاره ملتي فنكشن بدون بلوتوث
اوتو هولد يخلي العربيه ثابته و هيا على ال d في الزحمه و انت مش دايس فرامل و برضه بيفك لما تطلع و هكذا بس عيبه انه بياكل التيل بدري
ازود على كلام الاخ هانى ...
تلاجتين
هى مش 6 ايرباج هى 8 او 10 مش فاكر الصراحة بس هى تقريبا 10 ( 4 فى الكراسى + 4 فى القوايم + 2 اماميين )
ظهر كرسى السائق يروح و ييجى توماتيكى
و بالنسبة للسعر اعتقد تعدى 130 مستريح .. انا بايع بتاعتى من شهرين عداد 170 الف بيزلاين 2006 على 110
فى كمان سوفت وير كنت منزله للعربية بيعمل شوية حبشتكنات منها ... لما تقفل العربية و تدوس زرار القفل من الرموت لمدة ثانيتين ازاز الاربع ابواب يقفلو لوحدهم و العكس لو بتفتح لمدة ثانيتين الاربعة يفتحو ( العربية كانت نازلة باتجاه واحد هو الى شغال و التانى لا )
لما تفتح العربية من الريموت النور العالى كان بيشتغل لمدة 10 ثوانى
لما تكون مشغل النور العالى و حبيت تقفله ( حد مثلا جاى فى وشك ) النور مش بيقفل قفش كده زى الطبيعى لا ده كان بيقفل تدريجا ( يعنى مكنش بيقفل فى لحظتها كان بياخد حوالى نص ثانية كانه بيموت ) بصراحة كان شكلها شيك اوى
كان بردو ممكن تقفل الايرباجز للراكب الى جمب السواق
http://s18.postimg.org/4ntd19ts9/img00302m.jpg
هيا ٦ ايرباج عشان الايرباج اللي في الجنب بتغطي ورا وقدام فساعات يفكوها ب٢اقتباس:
المشاركة الأصلية كتبت بواسطة mhoreya
خاصية استمرار النور بعد الفتح و القفل اسمها follow me home والغرض منها لو راكن او هتركن في مكان ضلمه العربيه تنور لك المكان و دي بيبقوا شايلنها من السوفت وير بتاعها عشان يبقى فيه تمييز للهايلاين بس بتتعمل في الحرفيين ب ٥٠ جنيه و ممكن كمان تفتح خاصية نزول المرايه لتحت عند الركنات و كنت مغير برضه الطاره بطاره فيها شيفتات و اتكودت و اشتغلت في دقيقهاقتباس:
المشاركة الأصلية كتبت بواسطة mhoreya
شكراً يا شباب على الردود
هي معروضة عليه ب 140 ألف بس من حد معرفه له
رأيكم يتوكل على الله ؟
أخر سؤال عنها...........أخبار صياناتها فى التوكيل أيه من حيث الأسعار ؟
والله لو حد معرفه و كيلو متر قليل العربيه تعتبر خارجه من التليين تبقى فرصه بس يكشف برضه في التوكيل
صياناتها عاديه خالص مش هتفرق كتير عن الياباني و الكوري نفس رانج اسعار التيل و طبعا الزيت و العربيه لسه جديده مش محتاجه عفشه و الكلام ده
الصيانة الدورية في التوكيل بتم كل 10 الاف كيلو
التكلفة في حدود 750 جنيه (زيت + فلتر+مصنعيات)
عندي نفس الحالة معروضة عليا ب 137 و سودا و شكلها المبدئي نظيف بس الخوف من قطع الغيار و نوع البنزين و مشكال الفتيس ؟!!
قبل ٢٠٠٩ مفيش مشاكل للفتيس عشان اوتو عادي ٦ سرعاتاقتباس:
المشاركة الأصلية كتبت بواسطة mudengineer
قطع الغيار المستهلكه برضه رانجها مش بعيد
يبقى موضوع مشكلة البنزين
حمدلا على السلامه يا كبير فينك من زمناقتباس:
المشاركة الأصلية كتبت بواسطة mshamy
الله يسلمك يا باشااقتباس:
المشاركة الأصلية كتبت بواسطة minicooper20
والله الشغل واخد كل وقتي
بس ما اقدرش انسى نايل موتورز و رجالة نايل موتورز