السلام عليكم ... اولا انتوا ربنا بعتكوا ليا من سما .. انا حالياً لسة حاجز اميجراند بس لسة مدفعتش فلوس ...المشكلة انا مش عارف بعد الى انا قاريتة عن مشاكل العربية اعمل اية ......ارجوكوا للضرورة القصوى اعمل ..اشترى و لا ادور على حاجة تانية ...
عرض للطباعة
السلام عليكم ... اولا انتوا ربنا بعتكوا ليا من سما .. انا حالياً لسة حاجز اميجراند بس لسة مدفعتش فلوس ...المشكلة انا مش عارف بعد الى انا قاريتة عن مشاكل العربية اعمل اية ......ارجوكوا للضرورة القصوى اعمل ..اشترى و لا ادور على حاجة تانية ...
دور علي حاجة تانيه و ألحق نفسك
+11111111
للأسف
http://www.nilemotors.net/Nile/409883-a.html
شوف حضرتك اخر صفحه فالموضوع هتلاقى فيها صور و الصدأ ظاهر جدا
حضرتك عرفت اللى فيها والقرار قرارك
ابعد بعيد بعيددددددددددددددددد عن جيلى
ايوة بردو محدش رد عليا رد قاطع اشترى ولا اية ...الكلام دة لملاك السيارة
أنا من ملاك السيارة و بقولك اشترى و انضم لينا........................
والله انا صديق ليا امبارح كان بيسالني عن العربية وقلتلة حلوة توكل علي الله وناس كتير هتهاجمني بسبب ردي دة بس انا قلتلة الصراحة وعيوبها ومميزاتها وقلتلة القرار ليك قالي انا يهمني الامان و الفرامل قلتلة ما شاء الله ممتازين قالي خلاص هتوكل علي الله .. انا مش عارف اقلك بصراحة اشتري ولا لا انت شفت المشاكل اهي و المميزات معروفة و القرار ليك و الافضل اعمل صلاة استخارة وفي رايي المشكلة الوحيدة في العربية هية الصدأ ودي الي تقلق بجد وعشان كدة اعمل استخارة وشوف هترتاح لاية والي فية الخير يقدمة ربنا
ربنا ينتقم من غبور
هو مفيش منها خليجى ؟؟
اجل قرار الشراء حتي يظهر نهايه موضوع الصدأ
بلاش العربية دى
وتشتري عربية فيها صدا ليه انت بتلاقي الفلوس في الشارع !!
ده يوم ما تحتار اوي واشتريت بتمنها عربية مستعملة وليكن لانسر على سبيل المثال احسنلك ميت الف مرة
انا اخى معه العربية
بعد الغيوب التى ذكرتها الناس ولسة بتسال , اى عيوب بالرغم من اعتراضى عليها كسيارة زيرو ممكن محاولة اصلاحها و لكن ولكن عيب زى الصدا دة لا يمكن اصلاحة دة الصدا فى الابواب و القوايم ودة العمود الفقرى للسيارة يعنى ممكن على فترة سنتين تلاتة تلاقى البارومة و اكلة العربية
بص يا باشا الرد القاطع هى ممتازة واتكل على اللة وربنا يعوض عليك فى الذى سوف تدفعة
اشترى العربية و لا تسمع لكلام أحد كلهم بيغيروا من مالكى العربية ديه و اشترى العربية قبل ما ثمنها يرفع عربية ممتازة و كماليات و لا تصدق كلام الأعداء اللى بيقولوا ان العربية فيها صدا
العربيه ممتازة لكن موضوع الصدا ده مش فكل العربيات و ممكن يقابلك فلو انت هتقدر تتحمل ان يبقى عندك صدا و توديها التوكيل تتعمل اشترى على بركه الله لان غير كده العربيه ماشاء الله عليها
ما تحاول تروح و تشوف اسبيرانزا الانفي انا شوفت كام عربيه لونهم اسود بس بصراحه ربنا حاجه محترمه انا عندي 516 من سنه 2011 و الحمد الله ماشوفتش منها حاجه وحشه لحد دلوقت روح شوفها انت مش هتخسر حاجه ده انت هتدفع اكتر من 82000 جنيه فبلاش تدفع فلوس قبل ما تقارن بين كذا عربيه وعشان ما ترميش فلوسك في الارض و ربنا يوفقك و يكرمك يارب و يباركلك في اي عربيه هتشتريها و يبعد عنك شرها
انا لو مكانك اجيب الانفى بلا اى تردد
امكانيات زى الامجراند وافضل
ونفس السعر
انا شفتها تحفه توكل على الله
بصراحه انا شفت الاتنين ... الانفى حلوه مش وحشه بس اليمجراند كشكل و كماليات احلى
بالنسبه للتقفيل الانفى هتتقفل فى مصر و مفيش مستورد هييجى تانى حسب ما مندوب ابو الفتوح قالى فى المعرض
موضوع الصدا فى اليمجراند هو المشكله بس مينفعش نقول انه فى كل العربيات لان مش كل الملاك فى المنتدى ولا فكو الباب و انا شخصيا اعرف ناس معاهم و مبسوطين منها جدا .... المشكله فى رايى هو رد ا عماد .... ازاى نقدر نقول او نعرف ان موضوع الصدا ده انتهى؟
انا شايف ان غبور افضل توكيل فى مصر بيبيع الصيني بسعر الصيني و مش بيبالغ فى الاسعار بجنون زى توكيلات بتبيع المنتج الصيني بسعر الياباني و اخرون بيبيعوا الصيني بردوا بسعر الالماني
و اللى بيكدب و يقول دي انجليزي و دى الماني و دى ياباني ... رغم ان غبور كان ممكن يقول ان دي سويدي و صناعة مشتركة مع فولفو و يحط عليها 96 و فى سنة يوصل ل-130-110 زى نيسان صني الصيني
انا من وجهة نظري غبور افضل الوحشين فى السوق
قارن كده ايمي الصينية اسم و صناعة (84) و صني ياباني الاسم صيني الصناعة تجميع مصري (117-130) لما نيجي نقارن فى اتفه الحاجات حتلاقي ان غبور احترم المشتري فى ابسط شئ و هو كوتش محترم جدا و جنط شيك و سبور و و طنابير و تيل فرامل محترمين مفهمش عيب صناعى abs +ebd
على عكس الصني اللى بتنزل بكوتش بيخلي اغلب الناس تغيره و هو زيرو و الجنط شكله يقول ان راكب عربية من 90s و طنابير و تيل زفت و خامات طابلوه تخلى الواحد يحزن ان شعار نيسان اتحط على عربية زى دى و صاج ورق يفكرني بهيونداي فى بداية مشوارها . و بعض مشاكل عيوب الصناعة المريرة (باعتراف نيسان نفسها بعد الاستدعاء )
و من فم ملاكها صني بدون تعديل لا يمكنك تجاوز ال 140 كم/س
على عكس ملاك ايمي اللى بيتكلموا ان العربية على 160 ثبات و اداء رائع
الايمى تفوق الصنني بمراحل كتيرة جدا
دى وجهة نظر و بلاش حد يغلط فيا علشان اعتقادي