الموضوع: موضوع علي الهامش للتحذير من مافيا الاراضي

استكمالا لسلسلة النصب في بيع الاراضي منطقة اسمها ( الدائري الثاني ) او ( الدائري الاقليمي )

و هي مناطق بتمتد من حلوان ومايو و حتي طريق السخنة و لا يوجد لها اي تخصيص من الدولة وتستغل هذه الشركات المزعومة بعض من الاراضي التي اخلاها الجيش او التي تم تقسيمها لاغراض اخري و من ثم تقوم هذه الشركات بوضع يدها والبدأ في تقسيمها وبيعها بالتقسيط علي العملاء وهي بدون اي اوارق تضمن لهم حقوقهم و لا اي مرافق ستصل الي هذه الاراضي لا حاليا و لا مستقبلا

الدائرى الأقليمى .. بوابة للنصب العقارى - الأهرام الاقتصادي

المشاركة الأصلية كتبت بواسطة alaa_dash

الموضوع ده عجيب فعلا
يعني انا اعرف ناس شاريين ارض في برج العرب ( الكينح ) من واضعي اليد العرب
و بانيين فيها فيلا فخمة متكلفة ملاين
وواصلها نرافق عااادي جدا عدادات مية و كهربا باسمهم !!
دول وضعهم ايه يا باسمهندش ؟

الاخ الكريم الفاضل الاستاذ علاء

بالنسبة لموضوع ارض الكينج (( هي من الاراضي القديمة اللي كتير منها تم تقنين اوضاعه و يجب ان تتيقن من اوراق الارض و انتقال الملكية عن طريق محامي متخصص ))

و بوجه عام
كما اوضحت للاخت الفاضلة الاستاذة نور القمر ان بكل اسف في بلدنا مصر لا يوجد مساواة في الظلم

بمعني انه من الممكن ان اخالف القانون و ابني علي قطعة ارض زراعية بيت او برج مثلا ( بالمخالفة لقانون البناء ) و الحق اسكنه و الناس تيجي و تسكن فيه و كمان تتناسل و يصبح البرج برجين و تلاتة و يبقي شارع طويل عريض و كل ده في الارض الزراعية و ماشي عادي جدا بالمخالفة لكل القوانين في الدولة
و فجأة يجي واحد غلبان يعمل اللي جيرانه عملوه في حتة الارض بتاعتة اللي لا تزيد عن كام سهم مش كام قيراط و فجأة وبدون سابق انذار تنشق الارض عن الدولة متمثلة في الازالات و تزيل له الكام حيطه اللي بناهم الراجل الغلبان لانه كان باني بدون اعمدة كمان

مقصد كلامي ان ما كان يحدث في البلد وهو مستمر بكل اسف حتي الان ان اللي بيستطيع ان يعدي المخالفة اما بالرشوة او بالواسطة او ( بالمغافلة احيانا من بعد الثورة ) الامور بتاعته بتعدي

و بالنسبة لموضوع السؤال بتاع حضرتك و اراضي الكينج خصوصا و اجزاء من الساحل الشمالي و بعض اجزاء من مدن القناه و بعض اجزء من الظهير الصحراوي بطول البر الغربي لصعيد مصر هي بكل اسف اراضي دولة تم وضع قانون اسمه قانون تمليك وضع اليد و هي تتيح للبعض ممن وضع يده ( بالبلطجة ) او بالنفوذ او بالعزوة من ان تمكنه الدولة بعد فترة زمنية من تملك هذه الارض

وكان المقصود اولا من اصدار القانون ( خيرا ) وهو مساهمة الشباب و المواطنون علي استصلاح الاراضي و العمل علي توسيع الرقعة الزراعية و الامتدادات العمرانية خارج الكتل السكنية و خارج المساحات الزراعية المحدودة

الا ان المواطنون و في رعونة من الدولة قامو بالاستيلاء علي كل المساحات المفتوحة امامهم بلا اي سند و بدون اي توزيع عادل للثروة

يعني بلد مثلا فيها عائلة كبيرة تقوم راحه علي اغلب الظهير الصحراوي الملاصق لقريتها و تحيطها بكام قالب طوب و كان الاول بيحيطوها بالطوب ثم اصبح انهم لا حاجة لهم بالاحاطة بالطوب فأصبحو يضعو كام قالب طوب علي الاركان فقط و يتم تسقيع الارض بالعشر سنوات و العشرين سنة الي ان يتم بيعها بأسعار مرتفعة لصغار المواطنين

و هذا ما حدث في اراضي وادي النطرون و برج العرب و بعض مناطق مدن القناه و اغلب اراضي الظهير الصحراوي للبحيره و المنوفية و القليوبية و كل مدن الصعيد
تحياتي اليك