استفسار بسيط هيفرق معايا اوى

**beautiful0mind** · 03-10-2008 03:51 PM

السلام عليكم ياشباب وكل سنه واننتم طيبين وبخير ان شاء الله
المهم ندخل فالموضوع :
الموضوع ببساطه انى دخله فدماغى اوى اليومين دول انى اشترى متوسيكل الصينى ده عشان انا بكره حاجه اسمها موصلات وبكرة الوقوف فالزحمة فواحد صحبى اشترى موتوسكل صينى بربعه ونص بس معرفش عنه حاجه خالص ولا حته شوفته ففكرت انى ممكن اشترى موتو سكل ريس صينى... بس فكرت هل فعلا فى موتوسيكل صينى يكون كويس وشكله شيك اصلى شاب وفجامعة فهمينى بقى انا بصراحه مشوفتش ريس صينى خالص غير الريس اللى انا بشوفه فالشارع اللى بتسمع صوته ومتلحقش تشوفه غير وهو واقف

على فكرة انا مأمن جدا بالعقل الصينى على الاقل عمله حاجه احنا معملنهاش من زمان ويوم مصنعه صنعه منتجات كبداية ليهم نجحه جدا

اه انا مش من هواه الجرى خالص ولا حتى بالعربية انا هادى وراسى ممكن تقول عاقل حبتين يعنى الغرض انه يوصلنى للجامعة ولمشويرى ويسعفنى ويكون مريح بس اما جرى وشد وسباقات الكلام ده مليش فى الاعمار مش لعبه ....اسف على الاطالة بس انا عايز يكون ثمنه فالمعقول ويكون شكله شيك ويبان انة ريس مش مشروع ريس وفشل ويكون كويس......... فهل فى الموصفات اللى انا طلبها دى لو فى اسمه اية عشان انزل اددور عليه على طول وشكرا لكل من يهتم بالامر

**Nour_Peugeot** · 03-10-2008 03:57 PM

انزل بولاق هناك كل تجار الموتسكلات

**talent** · 03-10-2008 06:09 PM

فى ريس اسمه elzekret
انا كنت ناوى اجيبه كان عامل 8 الاف
بس البيت ما ردوش و قالولى عايز تجيب هات عربيه احسنلك
و انا شلت الفكره من دماغى
الريس ده شكله حلو و كشافاته شيك حجمه اكبر تحس انه هوندا
بس وقعته موت

**beautiful0mind** · 03-10-2008 10:31 PM

المشاركة الأصلية كتبت بواسطة talent

فى ريس اسمه elzekret
انا كنت ناوى اجيبه كان عامل 8 الاف
بس البيت ما ردوش و قالولى عايز تجيب هات عربيه احسنلك
و انا شلت الفكره من دماغى
الريس ده شكله حلو و كشافاته شيك حجمه اكبر تحس انه هوندا
بس وقعته موت

شكرا ياباشا على اهتمامك بس معلش سئال اخير الاقى الموتوسيكل ده فين عشان اتفرج عليه

ولو لى صوره عندك ممكن ترفعه لو مش هتعبك ......وشكرا للأهتمام

**ahmed1981** · 03-10-2008 11:44 PM

في جسر السويس عند إشارة روكسي في واحد عنده موتسيكلات كثيره
وفي نفس الإتجاه بعد منزل كبري التجنيد الإمام للموتسيكلات

**CBR** · 04-10-2008 01:49 AM

ولو رحت عند مزلقان مطار امبابه

في واحد بتاع موتوسيكلات هناك اسئل عليه

حتلاقي عنده ريس

وموتوسيكلات تقليد

على العموم الصيني سعره كويس خصوصا انه زيرو

بس طبعا لو حتمشي بيه زي ما قلت

لاكن لو حرق هو ممكن يستحمل بس متحرقش جامد اوي

يعني متمشيش 100 في مكان ضيف وتهدي وترجع تدوس تاني وتهدي في حتت

صغيره لا تفضل ماشي ومثبت عليه

لانه مفهوش تبريد ميه بس تبريد هوا

على العموم انا شايف انه كويس جدا بالمقارنه بسعره 6 ونص

ولو عايز كاستم كويس ومحترم

روح اول فيصل في محل اسمه البغل امشي قدام شويه

حتلاقي توكيل هامرز انا شايف ان ده كاستم نضيف بصراحه

والريس الصيني شكله حلو وصوته جامد بردوا

بالتوفيق

**beautiful0mind** · 04-10-2008 03:46 AM

الف شكر ليكم جميعا وللتعاون الجميل ده بجد مكونتش متوقع ان فى حد ممكن يهتم ولا حتى يساعدنى

موضوع انى امشى 100 بى لا طبعا بس اانا فالمعادى والمعهد بتاعى فالهرم فهيبقى دائرى فكيد هكون 70 او 80 مثلا معرفش السرعه هيبقى شكلها اية عملى بس هيبقى فالحدود دى.... المشوار مش هيرهقه ولا عادى ...........انا عارف انى طماع بس معلش حقق عليا ...واسف للأطاله

**CBR** · 04-10-2008 03:55 AM

لا يا باشا ولا يهمك

لا طبعا عمر المشوار ما يرهقه

طالما طريق طويل ومفيش اي حرق

او هورس وتفحيط وار بي ام على الاخر

بس ابقى غيرله الزيت كل 800 كيلو

وفلتر زيت وبنزين بردوا وطبعا سعر الصيني رخيص جدا

كده يطول معاك باذن الله

سلام

**CBR** · 04-10-2008 03:57 AM

بس على فكره الريس في منه نوعين على ما اعتقد

انتوس وواحد تاني

في واحد بيبقى شكله من قدام شبه ال R1 yamaha

اظن ده الي كويس وناس كتير جايباه

سلام

**beautiful0mind** · 04-10-2008 05:50 AM

شكرا جدا ليك وواضح انك انسان كويس جدا واتمنى اننا نكون اصدقاء
ويشرفنى وبجد انت خلتنى ناويها نويها ان شاء الله ولو مكنش يضيقك
لو حضرتك فاضى ممكن ابعتلك رساله على الخاص وتيجى معايا لو ميضيأكش .......فى وقت حضرتك فاضى فى وباذن الله هبعتلك قريبا ان شاء الله

عشان انا ملش خبره نهائى فالموتو سيكل ..........لكن انا من هوات العربيات ومعايا بيجو405 موديل 2005 ....وكان معايا فكترا 95

بس لا اعلم شئ عن المتوسكلات ولا حتى ليا اصحاب بيفهم فيهم كله عربيات حتى صحبى اللى اشترى ميعرفش حتى اسمه اية ولا أى شئ غير انه بياخد بنزين 90