أستشارة بخصوص السفر لأهل الخبرة

**ashraf adel** · 23-03-2014 04:23 PM

المشاركة الأصلية كتبت بواسطة terrible_darsh

رجعتلي الامل في اني اشوف موضوع السياحة بالرغم من انه صعب لتكلفته وعدم مضمونه بس استخارة وتفكير وان شاء الله خير

لو نويت على موضوع الزيارة حاول تطلع تأشيرة زيارة 3 شهور مش تأشيرة سياحة تأشيرة الزيارة ممكن تطلع تأشيرة عمل وتعمل تعديل وضع وانت جوه البلد انما فيزة السياحة قبل ما يعملوا لك أى اجراء فى تأشيرة العمل لازم تخرج بره الدولة ( ده فى حالة السفر للامارات قطر معنديش فكرة عن الوضع هناك ايه )

**walidzakzok** · 23-03-2014 07:54 PM

المشاركة الأصلية كتبت بواسطة ashraf adel

لو نويت على موضوع الزيارة حاول تطلع تأشيرة زيارة 3 شهور مش تأشيرة سياحة تأشيرة الزيارة ممكن تطلع تأشيرة عمل وتعمل تعديل وضع وانت جوه البلد انما فيزة السياحة قبل ما يعملوا لك أى اجراء فى تأشيرة العمل لازم تخرج بره الدولة ( ده فى حالة السفر للامارات قطر معنديش فكرة عن الوضع هناك ايه )

علشان يعمل تاشيرة زيارة لازم يبقاله قريب من الدرجة الاولى هناك

**ashraf adel** · 23-03-2014 08:33 PM

المشاركة الأصلية كتبت بواسطة walidzakzok

علشان يعمل تاشيرة زيارة لازم يبقاله قريب من الدرجة الاولى هناك

مش شرط كفالة شخصية تأشيرة زيارة ممكن تطلع على أى شركة او مصنع

**Terrible_DaRsH** · 23-03-2014 08:39 PM

انا ليا اصدقاء كتير سواء في قطر او الامارات قرايب من الدرجة الاولي في السعودية بس

**walidzakzok** · 23-03-2014 09:17 PM

المشاركة الأصلية كتبت بواسطة ashraf adel

مش شرط كفالة شخصية تأشيرة زيارة ممكن تطلع على أى شركة او مصنع

طب هايجيب المصنع او الشركة منين؟

**ashraf adel** · 23-03-2014 09:35 PM

المشاركة الأصلية كتبت بواسطة walidzakzok

طب هايجيب المصنع او الشركة منين؟

اللى يخليه يقدر يطلع سياحة يقدر يطلع زيارة وفيه شركات سياحة بتطلع زيارات 3 شهور فيه ناس بتبقى فاتحة رخص وهمية وشغالين على حس موضوع تأشيرات الزيارات

عموما هو مش موضوعنا ان بس حبيت انصح الاخ لو يقدر ييجى تأشيرة زيارة يبقى افضل له علشان النقطة اللى اتكلمت فيها لما يكون موجود جوه الدولة ويضمن تأشيرة العمل فى ايده افضل ما يقولوا له انزل مصر واحنا حنمشى لك فى الاجراءات وبعد كده تصير فى الامور امور ويبقى ضاعت فلوسه على الفاضى

**Terrible_DaRsH** · 23-03-2014 09:46 PM

المشاركة الأصلية كتبت بواسطة ashraf adel

اللى يخليه يقدر يطلع سياحة يقدر يطلع زيارة وفيه شركات سياحة بتطلع زيارات 3 شهور فيه ناس بتبقى فاتحة رخص وهمية وشغالين على حس موضوع تأشيرات الزيارات

عموما هو مش موضوعنا ان بس حبيت انصح الاخ لو يقدر ييجى تأشيرة زيارة يبقى افضل له علشان النقطة اللى اتكلمت فيها لما يكون موجود جوه الدولة ويضمن تأشيرة العمل فى ايده افضل ما يقولوا له انزل مصر واحنا حنمشى لك فى الاجراءات وبعد كده تصير فى الامور امور ويبقى ضاعت فلوسه على الفاضى

طيب بالنسبة للأمارات كلها اصدقاء مفيهاش اهل اقدر اعمل فيزا زيارة ؟

**ashraf adel** · 24-04-2014 11:10 PM

المشاركة الأصلية كتبت بواسطة terrible_darsh

طيب بالنسبة للأمارات كلها اصدقاء مفيهاش اهل اقدر اعمل فيزا زيارة ؟

يا باشا انت تقدر تطلع فيزا زيارة من عندك فى مصر اسال على مقر طيران العربية او فلاى دبى فى مصر او اتصل بيهم وأسألهم عن اجراءات استخراج تاشيرة زيارة 3 شهور هما بيطلعوا تاشيرات زيارة على كفالتهم بشرط انك تشترى التذكرة من عندهم بس ذى ما قولت لك اكد على تاشيرة زيارة 3 شهور مش سياحة لان السياحة حتعمل لك مشكلة فى استخراج تاشيرة العمل لو ربنا كرمك وحصلت شغل فى الامارات وربنا يوفقك