نداء للشيخ خالد و العضو صدام و كريم منير و لكل الأعضاء
يا جماعة ده نداء شخصى منى للكل بعد اذنكم
الموضوع ذاد عن حدوده قوى و انا اصلا مش ملاحق اتابع التطورات . و بعد ما كان خلاف بسيط الموضوع وسع و بقى لكل واحد انصار و مدافعين و مهاجمين
و من الواضح كده ان فيه حاجات ماحناش فاهمينها فى الموضوع
لذلك رجاء لكل عضو التزام الصمت و عدم التعليق بالدفاع او الهجوم (خاصة ان كريم منير نفسه لا هاجم و لا دافع )و كله متطوع بوجهة نظره الشخصية اللى ممكن تكون مبنية على فكرة خاطئة او خبرة سابقة او حتى مجرد مشاعر سلبية
نداء للشيخ خالد :ابوس دماغك فضى نفسك ساعتين زمن و هات كريم و هات صدام و خلاص كده يقعدوا مع بعض و لو فيه حاجة تخلص فى وقتها عارف انى ممكن اكون باتاقل عليك بس تقريبا انت الوحيد اللى لا كنت مع و لا ضد و اختفيت تماما من الموضوع و تكسب ثواب بالمرة
نداء للعضو صدام : كفاية تعليقات و فتح مواضيع و حكايات قديم و جديد و استشهادات فيه مشكلة بينك و بين الادارة و حاسس انها مع كريم شخصيا يبقى تحلها معاه هو شرح وجهة نظرك للناس اللى مش فاهمة الخلفيات اللى حضرتك بتتكلم عليها هايفتح باب النعليقات على حاجات هم اصلا مش فاهمين اساسها (فى احد تعليقاتك ع الموضوع ده كلامك ان فيه حاجات كتير ماحدش عارفها غيرك )و ده ممكن يفتح مواضيع تانية و يزود الخلاف
نداء لكريم منير : لما تبقى مدير لمنتدى بالحجم ده حتى لو شرفيا و الادارة مش فى ايدك ما ينفعش حاجتين
اولا انك تبقى متابع الموضوع و سايبه للتخمينات كده بين الاعضاء و يكبر
ثانيا هايترد من الادارة و يتقال انك مش متابع او مسافر اوك يبقى خطأ الادارة انها ما بلغتش و كان لازم تبلغ
و برضه حضرتك ما تردش ع العام لا كان المفروض دور الادارة تنسق معاد متفق عليه تصفوا فيه اللى بينكم
و طبعا اسف على الالقاب محفوظة لكل فرد
و نداء اخير للادارة و ممكن تعتبره نقد (بس لو فيه وقف ممكن تبنجنى الاول هههههه)
ما ينفعش . بجد ما ينفعش الموضوع يكبر للشكل الرخم دى و يتساب كده لكل واحد بيحاول يثبت وجهة نظره بالدفاع و الههجوم
الاتهامات اصبحت شخصية متبادلة فى كيانات الاشخاص و ده غلط اتهامات عشوائية
مش عارف بصراحة تتحل ازاى ع المنتدى بس كان ممكن بدافع شخصى محاولة الاتصال بالطرفين لتهدئة الأوضاع
