اقتباس المشاركة الأصلية كتبت بواسطة misoalex مشاهدة المشاركة
كلام سليم

بس حضرتك من انصار اللى مكتوب فى الكتالوج بغض النظر عن الكيلوات
ولا من انصار عدد الكيلو اللى مشت بيه العربيه يعنى لو عدت 180 الف يتحط 20w50 والكلام ده زى ما بينصحو خدمه العملاء بتوع الشركات دى
انا من انصار ارض الواقع...

النهاردة معاك عربية عاملة 200 الف كيلو كانت معاك من الزيرو و طول عمرها بيتحطلها زيت تخليقى و بيتغير فى ميعادة و الصيانات فى مواعيدها و العربية بتستخدم استخدام محترم... ليه احط زيت معدنى او نصف تخليقى و انا مكنتى زى الفل؟؟؟

ممكن يبقى معاك نفس العربية و بتعمل فى السنة 3000 كيلو فقط بالتالى استخدام زيت تخليقى مش مجدى اقتصاديا خالص و دى حالة عربية والدى عشان كدة بحطلها زيت معدنى

و ممكن يبقى معاك عربية ماشية 30 الف كيلو فقط بس العربية مهملة تماما و بتستخدم اسواء استخدام و مش بيتعمل لها صيانة و متبهدلة اخر بهدلة... دى مينفعش معاها زيت تخليقى لان المكنة من جوة مهرية و الخلوصات زادت و مع الزيت التخليقى هتاكل زيت و تسخن

انا من انصار حالة المكنة الفعلية بغض النظر عن الكليومتر

MMamdouh