تشطيب الشقه!!!!!!!!!

**shiko85** · 22-03-2014 07:47 AM

فالحوائط

**Terrible_DaRsH** · 22-03-2014 08:38 AM

لو احتاجت ديكورات بالأخص ورق حائط تحت امرك

**4fun14** · 22-03-2014 10:20 AM

ايه يا جدعان اللى انتوا بتقولوه ده؟؟؟؟؟
1000-1500 للمتر عشان يشطب سوبر لوكس؟
يعنى شقة صغيرخ 100م تتشطب ب 150 الف؟
وانا مثلا شقتى 150 عاوزلى ربع مليون جنيه عشان اشطبها بس؟؟؟؟
احنا لسه شفنا ايام سودا؟؟؟؟؟؟؟؟؟؟؟؟؟؟!!!!!!!!!!!!

**midoabdeen** · 22-03-2014 11:22 AM

يا جماعه انتوا فهمتونى غلط

انا مش هبدا دلوقتى مش قبل اخر السنه على ما افوق من فلوس الشقه

بس انا اقصد انى ابدا اجهز شويه ياعني مثلا اجيب من الفلوس اللى تتبقي منى حاجه كل شهر

لفات سلك مثلا مفاتيح كهربا خلاطات لمبات

من الاخر الحاجه اللى لما تقعد ميحصلش ليها حاجه

وكمان لما اجي ابدا يبقى الحمل خف شويه عليا لو بدات مثلا فى بند الكهربا يبقى عندى اصلا معظم الخامات اللى هيحتاجها وكده

وبند النقاشه خارج الحسبه من ناحيه المصنعيات لان دا كان شغلى اساسا

وكمان الاسعار اللى سمعتها دى ايه تشطيب بس ولا تشطيب وعفش

لان 150 الف دا رقم مبالغ فيه مافيش شاب يقدر عليه الا لو فى مساعدات من الاهل

فانا عايز اعرف متوسط سعر لفه السلك بكام ومتوسط سعر متر السيراميك
ولو عايز اعمل مثلا الرسيبشن بورسلين سعر المتر دلوقتى كام

**amr011111** · 24-03-2014 08:22 AM

المشاركة الأصلية كتبت بواسطة 4fun14

ايه يا جدعان اللى انتوا بتقولوه ده؟؟؟؟؟
1000-1500 للمتر عشان يشطب سوبر لوكس؟
يعنى شقة صغيرخ 100م تتشطب ب 150 الف؟
وانا مثلا شقتى 150 عاوزلى ربع مليون جنيه عشان اشطبها بس؟؟؟؟
احنا لسه شفنا ايام سودا؟؟؟؟؟؟؟؟؟؟؟؟؟؟!!!!!!!!!!!!

يا جماعه متكبروش الموضوع السوبر لوكس ل 100 متر لا تزيد عن 50 الف
الهاى سوبر لوكس حاجه تانيه

**Ah.Farid** · 24-03-2014 01:05 PM

الموضوع دة محتاج تخطيط شوية وتسمع كلام من كذا صنايعى فى كل خطوة وخلى بالك انت لازم تعمل خطة طويلة على مدار السنتين وترتب احتياجاتك من لوازم ومشتريات على قد الفلوس اللى تتوفر معاك كل كام شهر
وتشترى كمان فى اوقات التخفيضات او الفرص ( بس كل لما يتوفر معاك قرش ترمية فى حاجة محددة)
وبالترتيب كدة عندك بنود
- محارة ( عبارة عن كمية اطنان اسمنت + كام متر رمل)
- كهرباء ( بواط و مواسير وسلك بيكون مقاسات كمان نص ملى و3/4 مللى ودة الكهربائى بيحدد عدد لفات كل صنف حسب تقسيمة للشقة )
-سباكة كل سباك ولة طريقة وكمان لة انواع معينة بيشتغل بيها
-كرانيش واسقف
-سيراميك واحواض وحمام وبانيو (لو موجود لة مكان)
- النقاشة ودة اخر حاجة
ولازم تسمع من كل صنايعى هوا هيعمل اية وهيشتغل ازاى كمان وانت تقارن وتختار الصنايعى اللى يريحك مش اللى يبعلك كلام وخلاص وربنا معاك

**Mahmoud.Fathy** · 24-03-2014 05:33 PM

الشقة لسة طوب احمر ومفيهاش الومنيوم ...... لو تشطيب عادي يعني سيراميك وكرانيش ودهانات عادية ماركات معقولة هتخش في 70 الف جنيه .... لو هتركب بورسلين بقي وتعمل اسقف معلقة ودهانات ديكورية و كلام من ده هتوصل ل 90 الف ... الاسعار دى تمشي لملدة 6 شهور قدام بعد كده مضنضمنلكش ... الاسعار بتاعت الخامات كل يوم بتزيد ... وربنا يعينك