تحويل الانترا 2006 من مانوال لاوتوماتيك

**ALnadi** · 23-03-2014 11:20 AM

المشاركة الأصلية كتبت بواسطة enghany

السيد المحترم
بص اولا انا بقولك رايي بحكم العمل في المجال و ليس بحكم اني مالك للسياره او قمت بالتجربه الي حضرتك بتقول عليها
هل تعلم يا صديقي ما يجب عليك تغيره
1 ضفيره حقن كامله
2 فتيس اوتوماتيك
3 كنترول
4 رداتير
5 2 قاعده محرك
6 كبالن
7 كنصوله
8 عصا غيارات
9 لوحه عدادات
لاحظ ان كل ده استيراد مش جديد و علي التجربه و ضمان بالكتير شهر لو الراجل اللي هتجيب من عنده حبيبك
ليه القرف ده كله ماتجيب عربيه من بلدها او فبريكتها اوتوماتيك
اتحداك لو لقيت حد عمل الموضوع ده و راضي عن العربيه
شوف في واحد سواق تاكسي عندي في المركز ( مع كامل احترامي ) عمل الموضوع ده من سنه و نص ب 5000 جم بالحرفيين و العربيه فيها فيها صوت هو دايخ عليه من ساعتها مش عارف يعالحه و يوصل بتاع ايه حتي ان الراجل من الحرفيين للكهربائي لغيره
نصيحه بلاش و هاتها اوتو من بابها

10 - سربنتيه ريادتير كمان

**elmo7amed** · 23-03-2014 12:16 PM

المشاركة الأصلية كتبت بواسطة moe gawad

سيدى الفاضل المحترم.
احنا فى المركز عندى عملنا القصه ديه فى عربيات انواع مختلفه حوالى 5 مرات والحمد لله . الموضوع بسيط مش صعب بس مكلف جدا .
نصيحه لو عاوز تعملها باقل التكاليف . اولا تشترى حاجتك من بورسعيد. هى بعيده شويتين بس والله هاتفرق معاك فى حوالى 2000 جم فى المشتريات .
فاعتقد انى المبلغ يستاهل .
ثانيا . مش اى حد يشتغل فى العربيه . خلى اولا مركز محترف يشوف العربيه . ويكتبلك الطلبات كلها. واسال عليها فى الحرفيين . وتوكل على الله .اطلع على بورسعيد. انا ممكن اجى معاك لو تحب. اساعدك بدون مصنعيات . والله ماقصدى اجيب شغل ولا حاجه. انا عارف اصلى انك ممكن حد يفهمك انوا كويس فى الموضوع ده . وتلاقى نفسك العربيه مهيسه معاك فاهمنى .
احسبها وتوكل .

حضرتك راجل محترم وربنا يقويك على فعل الخير