| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية almotazbellah

    رقم العضوية : 157781

    تاريخ التسجيل : 22Mar2014

    المشاركات : 8

    النوع : ذكر

    الاقامة : بورسعيد

    السيارة: دايو سيلو

    السيارة[2]: فولكس بيتلز

    الحالة : almotazbellah غير متواجد حالياً

    افتراضي مرسيدس 190 vs مرسيدس 200 أو 230 أواخر السبعينات والثمانينات - Facebook Twitter whatsapp انشر الموضوع فى :

    hasad">

    السلام عليكم
    كنت عايز أعرف أي العربيات دي أفضل من حيث السعر والإمكانيات والإعتمادية وأسعار وتوافر قطع الغيار وتعقيدها على الميكانيكية
    يا ريت أهل الخبرة يفيدوني


  2. #2

    الصورة الرمزية saddam

    رقم العضوية : 96064

    تاريخ التسجيل : 23Apr2011

    المشاركات : 3,658

    النوع : ذكر

    الاقامة : nasr city

    السيارة: more than 300 cars سابقا

    السيارة[2]: now I have 11 cars

    دراجة بخارية: من زمان

    الحالة : saddam غير متواجد حالياً

    افتراضي -

    صديقي المواطن
    حضرتك بتتكلم في موضوع متشعب ولازم تاخد بالك إنك بتتكلم في 3 أجيال وأشكال مختلفة من السيارات
    يعني ال 190 إختفت سنة 1969 ورجعت ظهرت في 1983 وطبعا إستمر لغاية 1993 ودي عربية الشكل ده يعتبر من كلاسيكيات المرسيدس ودرة المقتنين وجامعي التحف ويقبل تعديلات كثيرة
    يعيبه طبعا ضيق في الصالون وخصوصا أرجل الجالسين في الخلف وهذا الموديل في مصر قطع غياره نادرة جدا وأسعاره تبدأ من 50 ألف وتصل إلى 95 ألف وحالات مرفوعة توصل ل 110 ألف ولكن مشكلة هذا الموديل أوائله ليست بجمال أواخره يعني تبص فرق السما للأرض مثلا ما بين 83 أو 93 وهم أصلا عربية وحده بس اﻹضافات والتحديث تلعب دور كبير

    نيجي لل 200 وال 230 وده برضو في السبعينات يعني شكل الخنزيرة لغاية سنة 76 وهو برضو محترم وبه شبهة الكلاسيك وأسعاره من 11 ألف ويصل إلى 40 ألف حالات إستثنائية وغالب حالاته الوسط ب 25 ألف وأفشل عربية في الموديل ده أريح في الركوب والمطبات والثبات من عربيات موديل 2014 تعمل 150 أو 160 ألف جنيه والموديل ده قطع غياره موجودة

    النوع اﻵخر
    المعدل وهو 200 و 230 أيضا وفيه منه 250 وجاء ستة سلندر دبل كاربريتير
    أكثر عربية مرسيدس محبوبة في مصر ومش عارف ليه علاقتي العاطفية وحشة بيها ومش بعرف أحبها جايز ﻷن كل ملاكها مثلا معظمهم مرتبط ببناء اﻷبراج المخالفة القبيحة وكله في المخالف فمبحبش ملاكها وهي طبعا من موديل 77 إلى آخر 84 وأيضا المكن ال 4 سلندر اﻷسود واﻷبيض ومانوال وأوتماتيك الفتيس اﻷسود ب 4500 جنيه وما دامت المكنة 4 سلندر فحتى ال 230 في المرور بلعبة بسيطة حتلاقيها متسجلة 200 ثم أسعارها مرتفعة نسبيا جدا ﻷنه عليها طلب جامد لا زال وتبدأ أسعار المكسر فيها من 25 ألف ويصل إلى 76 ألف للحالات الشاذة المرفوعة وأغلب سيارات هذا النوع معدل النظيف بتاعها 47 ألف جنيه مانوال وقطع الغيار متوفرة بشدة في بورسعيد وفاقوس ومحلين في الحرفيين ومحلين في الوكالة

    نيجي للزلموكة ودي من 85 وﻷواخر 93 وطبعا أوائل الموديلات من غير باكيتات فكان شكلها مش عاطفي ومحركاتها 300 و 200 و 230 و 260 وآخر الموديلات نزلت بها ماكنة الشبح المغلقة 320 السوداء
    وطبعا لا زالت لليوم أكبر ألغاز المرسيدس في مصر فلا زالت وهي في 2014 لو كانت كامل المواصفات ومليانة تعديلات وحداثة فلا زال تصميمها لما توقف في إشارة يغطي على شكل عربيات موديل ألفين ودلوأتي أنا بيزعلني منها بس التصميم السخيف الغريب اللي نفذته مرسيدس في الشكل ده بالذات ومرجعتلوش تاني عشان كان مدايق الناس وهو إن المرايا الجانبية مش شبه بعض وحده مربعة ووحده مستطيلة وأنا لو رجعت إشنريتها تاني حلغي المرايات وأصمم مرايات على مزاجي قطع الغيار موجودة بكثرة وعلى العربية طلب وأرخصها ب 67 ألف وأغلاها ب 120 ألف جنيه حالات شاذة جدا 140 ألف وتكثر في هذا الموديل وفي المعدل حالات النصاص المتلحمة ومعظم أسعار هذا الموديل تقع بين 76 ألف و 88 ألف جنيه
    اﻹصلاح لكل المرسيدس القديم معدل وخنزيرة هي فاقوس وفي أماكن أخرى لازم مصلحين عواجيز 60 سنة فما فوق عشان حافظينها الشباب مبيفهمش فيها
    الزلموكة ليها ميكانيكية وورش معينة والميكانيكي العادي مبيفهموش فيها
    وهذا ما لزم بيانه ودمتم
    وبالتوفيق وإلى اﻷمام ومن نصر إلى نصر
    ودمتم للنضال
    ملحوظة 90% من الموديلات أعلاه بتعدي فيها سرعة ال 220 وإنت مطمن وبسلاسة


  3. #3

    الصورة الرمزية almotazbellah

    رقم العضوية : 157781

    تاريخ التسجيل : 22Mar2014

    المشاركات : 8

    النوع : ذكر

    الاقامة : بورسعيد

    السيارة: دايو سيلو

    السيارة[2]: فولكس بيتلز

    الحالة : almotazbellah غير متواجد حالياً

    افتراضي -

    hasad">

    شكراً يا موسوعة
    ربنا يباركلك ويزيدك



 

المواضيع المتشابهه

  1. مرسيدس 190 ...هل هي فعلا غلطه من مرسيدس ؟؟
    بواسطة behman في المنتدى مــــرسيدس
    مشاركات: 29
    آخر مشاركة: 01-09-2013, 05:20 PM
  2. معقوله مرسيدس 1970 تسبق مرسيدس 2013 !!!
    بواسطة hossam_elwani في المنتدى المنتــــــدى العـــــــــــام للسيــارات
    مشاركات: 31
    آخر مشاركة: 12-06-2013, 12:10 AM
  3. هو مرسيدس B class مرسيدس ولا لأ
    بواسطة ah_ar87 في المنتدى مــــرسيدس
    مشاركات: 2
    آخر مشاركة: 12-04-2012, 04:51 PM
  4. كيف تعرف انك من جيل السبعينات والثمانينات
    بواسطة mada121977 في المنتدى المنتــــــدى الاجتمــاعى
    مشاركات: 15
    آخر مشاركة: 01-08-2009, 11:33 PM
  5. يمكنك القول شركة مرسيدس بلداخل.تغطية واسعة لموديلات مرسيدس
    بواسطة كابوس الليل في المنتدى مــــرسيدس
    مشاركات: 20
    آخر مشاركة: 29-07-2009, 11:32 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2