صوت صفارة في الفرامل زي متكون ترله بتقف؟؟؟

**madoahmad** · 22-03-2014 10:03 AM

السلام عليكم.
انا لسه مغير طنابير امامي الماني ب 230 ج .. وغيرت معاه تيل كوري ب 50 ج وبعد مركبتهم صوت صفارة عالي جداً مع الفرمله الخفيفة.. رجعت للميكانيكي قالي معلش اصل انا نسيت اغسل الطنابير لما طلعتها من الكيس عشان بيكون عليها ماده حافظة .. المهم فكها وغسلها وجبتله منظف وراح جلخ تيل الفرامل .. الصوت راح ساعتين ورجع تاني روحتله قالي اصل التيل ده مش حلو .. وهو شوية وهيطبع والصوت يروح وبقاله اسبوعين بيصفر لدرجه اني مبقتش محتاج الكلاكس ((الصفارة بتغني)) اعمل ايه ؟؟؟؟

لانوس 2004

**a_mohamedsamir** · 22-03-2014 10:52 AM

خامة التيل سيئه
يا تستحمل الصوت يا إما تغير التيل

**amdd** · 22-03-2014 11:34 AM

تيل ب 50 جند يبقى اى كلام انصحك تغير التيل فورا والا هتبهدل الطنابير الجديدة

**truss** · 22-03-2014 01:10 PM

1- تراب او زلط صغير بين التيل و الطنبورة.
2- اتأكد من ان صاجة تيل الفرامل مش بتحك فى الطنبورة.
انا لسة عامل زيك و مغير طنابير المانى اوبتيمال و تيل جولد كورى و بالرغم من ان التيل خامته مش حلوة الا انه مش بيصفر.