افضل طريقه لتغيير الزيت

**MohammedAladel** · 02-09-2012 12:43 PM

من الطبة افضل

والدى راح يغير زيت فى مركز خدمة شفطوا بالمكنة 3 لتر ونصف فقط واشترى توتال 4 لتر حطوا منه وفاض منه يجى ربع لتر مع إن العربية بتاخد 5 لتر بالفلتر بجد مفيش حد يبقى امين على عربيتك غيرك
ونصيحة أى حاجة بتتعمل فى العربية تبقى واقف وشايف قدام عينك

**El Prince** · 02-09-2012 02:52 PM

مش مهم انهى طريقة - المهم الضميييييييير اللى للأسف ما بأااش موجود الا من رحم ربى

**amagroup** · 17-06-2013 08:38 PM

المشاركة الأصلية كتبت بواسطة جمال

الطريقة دى موجودة من زمان
هى فعلا بتشفط الزيت كله وكمان الرواسب لان و العربية لسه طافية الموتور الرواسب لاتكون قد ترسبت فعلا و تكون مختلطة بالزيت
وهى مفيدة فى حالات الاستعجال وتوفير الوقت , وبعض الحالات الخاصة كما ذكر احد الاعضاء بالنسبة لسيارات المرسيدس

كلام منطقي

في رأيي لو هتغير فلتر صفي الزيت ولو مش هتغير اشفط

**mohamed_kh6666** · 03-06-2014 01:33 AM

كتر استخدام الطبة بيبوظها بس لازم علي الاقل مرة كل سنة تفتحها وفي حاجة شوفتها علي النت زي الحنفية الصغيرة بتركب مكان الطبة تفتح تنزل الزيت وتقفل من غير فتح

**svneleven** · 03-06-2014 07:06 AM

هي الطبة ديه عبارة عن ايه؟ مجرد حتة حديد و سن زي المسمار و جوان تمام؟ لما العربية تغير زيت كل 5000 كم (مش هقولك عشرة حتي) و تمشي 200000 يعني فتحت الطبة 40 مرة. هل ده استهلاك كبير ؟ هل ده يبوظ الطبة؟ طبعا لأ و كمان لو الطبة مالهاش لازمة ما كانش حد عملها أساسا و كله اشتغل شفط. نزول الزيت من الطبة أحسن لكن لازم ما تستعجلش و تقفل الطبة علي طول و تسيب الزيت لحد ما ينزل أخر نقطة و في الحالة ديه بس أقدر أقولك أن الطبة أحسن 100 مرة من الشفط. و كمان لازم العامل يركب الطبة و يربط السن كله بأيده و يقرص عليها بالمفتاح في الاخر فقط عشان تتاكد ان السن داخل صح.
و علي فكرة جهاز الشفط ده موجود من زمان و الناس بتستعملة عشان توفر الوقت و تنجز مش أكتر لكن مالوش أي مميزات غير توفير الوقت.