لو سمحت انا عايز اعرف هو سيرفو الفرامل هو هو مستر الفرامل ولا ده حاجة وده حاجة تانية؟
وايه اللى من المفروض الاحظه لو سيرفو الفرامل بايظ؟
احسن انى اشترية جديد و مستعمل؟
وهل بيفرق الفليشيا عن الفيفوريت فى مجموعة الفرامل ؟
السعر جديد كام ومستعمل كام؟
عرض للطباعة
لو سمحت انا عايز اعرف هو سيرفو الفرامل هو هو مستر الفرامل ولا ده حاجة وده حاجة تانية؟
وايه اللى من المفروض الاحظه لو سيرفو الفرامل بايظ؟
احسن انى اشترية جديد و مستعمل؟
وهل بيفرق الفليشيا عن الفيفوريت فى مجموعة الفرامل ؟
السعر جديد كام ومستعمل كام؟
السيرفو غير الماستر و يستحسن يبقوا جداد
بس لو استيراد نضيف و سعره حنين شغال برضو
انا متابع مشكلتك وهى عدم رجوع دواسة الفرامل الى مكانه وكنت عاوز اسالت انتا اتاكدت من وجود السوستة المساعدة على عودة الدواسة لمكانها دى ممكن تشوفة لو بصيت على دواسة الفرامل وتدوس عليها بايدك وتشوف السوستة مشدودة ولامرخيه ولامش موجودة اصلا شوف كدا قبل ما تدخل فى حوارات ***
السيرفو دا بيبقى راكب فى صدر السيارة شبية بطاسة القلية المقلوبة وبيركب عليها الماستر ومسؤليت السيرفو تجميع الضغط لكبس الزيت عبر ممرات الماستر ومن ثم العودة مرة اخرى لسحب الزيت المضغوت من المواسير وتجميعة فى قربة الزيت**
ودا انا افضل تشتريه استيراد**
اما المستر دا المسؤل على توزيع ضغط الزيت بالتساوى على 4 فرد حتى تتمكن من الفرملة وحتى لا تنحرف السيارة عند الفرمله ***
ودا تشتريه جديد **
انا كان عندي نفس المشكله كنت ادوس فرامل و اسيب .العربيه تفضل دايسه عادي لحاد مخليها ثمشي و طلع العيب ان التيل ناعم وكمالن الطنبور ناعم فا مع السخونيه يمسكو في بعض
ممكن دي تبقا مشكلتك
هو فعلا كدا المشكله مشكلة سيرفو .. و غالبا الطاقية بتاعته مخرومه خرم صغير
عاوز أعرف مكان بيع السيرفو بتاع الفيفويرت وبكام لو سمحتم
الماستر العمومى حاجة و السيرفو حاجة تانية
الماستر العمومى اللى طالع منه اربع مواسير للاربع عجلات
و هتلاقى راكب على السيرفو عامل زى الحلة الدائرية
المستر اعراضه
دواسة الفرامل بتيبقى مهوية و مفيش اى استجابة و بيبقى فى احتمال انى بيقفش العجل
السيرفو اعراضه
سياتك لما تكرك على دواسة الفرامل تسمع صوت فووووووووش تعرف انى بيبقى سيرفو
و الافضل استيراد لو لقيتهم حالتهم نضيفة قووووووووووى
مع تغيير زيت الفرامل
و بيكون عاملين تقريبا من 250 ج الى 300ج الاتنين استيراد
نصيحة منظومة الفرامل لا مكان له فى الاهمال
بالتوفيق ان شاء الله
واضح ان السيرفو او خرطوم السيرفو عندك منفس وده اللى بيخلى العربية تبطل وتتبرجل اشترى السيرفو او الخرطوم استعمال خارج ماتحاولش تخلى حد يفكه يصلحة تصليحه فاشل ودى فرامل مافيهاش هزار وركبه على الماستر اللى راكب طالما زيت الفرامل عندك مابينقصش بس ضروروى تغير زيت الفرامل بزيت dot.4 شل او موبيل او ابرو ولو عاوز تغير الماستر العمومى اشترية ايطالى جديد بلاش الصينى !!
هو ممكن فعلا يكون الخرطوم لان امبارح بعد ما بطلت العربية حركت الخرطوم ال راكب فى السيرفو سمعت صوت هوا طالع على خفييييف مش عارف الهوا ده طالع من الخرطوم نفسه ولا من الجزء ال راكب فى السيرفو ...... فيه سؤال تانى هو لو انا عايز انزل زيت الفرامل ال عندى واحط زيت جديد الكمية حتبقى قد ايه