استشاره و فضفضة ف نفس الوقت
انا عمري 21 سنة و طالب ف كلية الهندسة قسم ميكانيكا و الحمد لله متفوق
و ليا سمعه كبيرة جدا ف وسط اصحابي و معارفي و حتي ناس معرفهمش ف مجال العربيات
انا ساكن ف القناطر الخيرية و كليتي هندسة شبرا ف المظلات و المسافة بين بيتي و بين الكلية 16 كيلو متر بس المشكلة ف المواصلات زي الزفت صعب جدا اني اركب مواصله بالساهل ولو اتوبيس حتي لو هقف فيه
انا بسوق من تالته اعدادي تقريبا و معايا رخصه اول ما تميت ال 18 و انا كبير اخواتي
والدي مريض بالقلب و عندنا عربية رينو اوبتيما مرفوعة 7 سنين
والدي ممكن يركب العربية مره كل 3 شهور مثلا ولا حاجة غير كدا العربية معايا و تحت رجلي طول الوقت
بس ممنوع اخرج بيها اروح مشوار او انزل بيها الكليه
بمعني اصح اني اخرج برا القناطر
والدي مبيخرجش من البيت و ان خرج مبيخرجش برا القناطر يعني ميعرفش ازمة المواصلات ولا اي حاجة
بيسمحلي اني اخرج ألعب بالعربية و دايما كل ما اجي رايح مشوار جوا القناطر اقوله انا نازل اتمشي شوية بالعربية
هو كان واعدني لما اخلص ثانوية عامه انه هيجيبلي زيرو و اروح بيها مطرح منا عاوز بس بشرط اني ادخل هندسه
دخلت و انا دلوقتي الحمد لله متفوق فيها
بس مشكلتي دلوقتي اني محتاج العربية جدا
و هو عارف اني مش هخرج اتسنكح بيها و الف و ادور لأني مش بتاع الكلام دا .. و عارف اني مبجريش بالعربية
ولا حتي بتاع مشاكل
و مبيرضاش يديهالي حتي ف اقسي الظروف اللي انا محتاجها فيها
انا دلوقتي محتاجها جدا لأني انا كمان تعبان و مش عارف اعمل معاه ايه
يمكن المكان مش مناسب
بس مش عارف اعمل ايه انا بتكلم معاه ف الموضوع دا كتير و بيفضل ساكت و ميردش و انا والدي كدا طالما مش لاقي رد بيسكت و افضل انا اهري و انكت ف نفسي
ياريت حد يشور عليا