عرض للطباعة
كنت محتاج اختار تليفون
انا أساسا حاليا معايا نوت 2 وهجيب تليفون تاني معاه
وكنت هجيب تليفون 2 شريحة بس للاسف كل التليفونات ال 2 سيم امكانيتها قليله بالنسبة لسعرها
يعني كنت هجيب s4 mini بس لقيته ب 2800 وكامكانيات متوسط
المهم انا محتار حاليا بين سامسونج s4 او lg g2
رايكم ايه ... المهم البطاريه الاداء جودة الشاشة الصوت الكواليتي في الخامات
ممكن s5 بس مش عاوز اتعشم فيه ولقيه نزل ب 5000
انا اخر فلوس معايا 4100
Moto g
الجهاز ده امكانياته بالنسبة لل g2 و s4 قليله جدا مش في نفس مستواهم !!
هات g2 بصراحه جهاز رائع
نازل في موبينيل ومعاه سماعه بلوتوث lg وجراب اصلي وسنه انترنت ب 4777ج لكن معنديش فكره عن الباقه المجاني دي
اتصل بيهم واعرف التفاصيل
ال lg g2 جهاز تحفة بمعني الكلمة
اتوكل علي الله
لو عملت مقارنة مابين ال S4 وال lg g2 ,
هتلاقى ان الاتنين متقاربين جداا فى حاجات كتير , لكن نقاط التفوق اكتر لل S4 , يعنى مثلا :
1- السرعة : نظريا الجى 2 اعلى , لكن واقعيا وشغل عملى , مافيش ادنى فرق مابين الاتنين
2- النظام : مافيس اسهل من نظام سامسونج فى التعامل , وبردة فية ابتكارات فى ال جى 2 , لكن كنظام وسهولة الاس 4
3- الخامات : الاتنين متعادلين ( بلاستيك ) بس الاس4 معمول من مادة البولى كربونيت فى الظهر بتاعة فبيدية شكل زجاجى جميل جدااا , وشكل الجى 2 جديد فى موضوع ان الازرار كلها تكون فى الظهر
4- الشاشة : ال g2 يتفوق فى حجم الشاشة 5.2 مقابل 5 بوصة للاس4 , والالوان تفوق للs4 بفرق بسيط جداا بس طبعا كلنا عارفين ان شاشة الاس 4 سوبر اموليد ودية بتدى الوان بنسبة اعلى من الالوان الحقيقة ودية بتكون مفضلة لبعض وبعض اخر لا يفضلها , ولكن ميزتها انها بتديك لون اسود داكن بيدى شكل حلو للصور والفيديو فى العرض
5- الكاميرا : تفوق للاس 4 وخصوصا فى التفاصيل , ولكن بفرق قليل مش كبير ودة مايمنعش بردة ان كاميرا الجى 2 ممتازة جداااااااااا
6- الصوت : تفوق واضح للاس 4 , فمشكلة الجى 2 هية صوتة المنخفض
7- الاوبشن : طبعا تفوق واضح للاس 4 بسبب كمية ال Sensors اللى فية , وغير موجودة فى ال g2
8- البطارية : نظريا ان بطارية الجى 2 3000 امبير , والاس 4 2600 امبير , فاميش فرق بينهم لان الفرق دة متعوض فى ان حجم شاشة الجى 2 اكبر + انها ips وغير موفرة للطاقة زى السوبر اموليد
لكن ميزة الاس 4 ايضا ان بطاريتة قابلة للازالة , بعكس الجى 2 غير قابلة للازالة
9- الرامات والذاكرة : الاتنين يأتوا بمساحة 16 جيجا داخلية , والمساخة الصافية فى الاس 4 بتكون 9 جيجا , والجى 2 بتكون 10 جيجا , لكن اللى بيميز الاس 4 امكانية تركيب كارت ميمورى , + لكن الجى 2 لا يدعم كارت ميمورى
الاتنين راماتهم 2 جيجا , المتاح من الاس4 1.82 جيجا , مقابل 1.5 جيجا تقرييا للجى 2 ونسبة الاستهلاك اقل فى الاس 4 بتوصل ل 850-900 بالكتير , وكمان مع نزول الكيتكات 4.4.2 اصبحت الرامات اقل والجهاز اصبح اسرع على سرعتة
وطبعا 10 جيجا مش كافية تماما لهاتف بحجم وقوة ال g2 فاكيد هتلاقى نفسك بتقلل ملفاتك بقدر الامكان
10- الاكسسورات واعادة البيع : طبعا الجى 2 قليل لما هتلاقى جراب او فليب كافر بعكس الاس 4 اللى كل حاجة لية موجودة وكل الاشكال وتختار براحتك , لكن لو لقيت حاجة للجى 2 هتكون اجبارى لانك مش لاقى غيرها
واعادة البيع طبعا لسامسونج والجهاز بيتخطف لما بيكون مستعمل وكمان مش بينزل فى السعر زى الجى 2
دة مقارنة عادلة تماما مابين الاتنين
وفى النهاية كل اللى اقولة ان الجهازين تحفة والفروقات مابينهم طفيفة
بس الكفة الارجح ال s4 ( ودية تجربة فعلية مش كلام مواقع ) لان عمرى ماباخد بكلام المواقع مهما كان حتى لو فيديو
خلى بالك ان الجى 2 قليل جداااااااااااااااا فى السوق
اتفق مع حضرتك استاذ سامح ف المجمل بس في كام نقطة
اولا فرق البطارية مش بسيط خالص عن تجربة بطارية ال g2 ماشاء الله ممتازة
ثانيا خامات ال s4 تحسها رخيصة مش جودة high-end phone
ثالثا مفيش حاجة اسمها تهنيج خالص ف ال g2 انما ده بيحصل لل s4 خصوصا النسخة ال i9500 بالبروسيسور ال octa
والله اعلم
شوف انا معايا s4 9500 والتليفون ماشوفتش فى قوة بطاريتة حتى الان , لدرجة انة تفوق على بطارية النوت 3 ذات ال 3200 امبير ودة بردة من تجارب عشان زميلى فى الشغل معاة نوت 3 وعملنا اختبار للجهازيناقتباس:
المشاركة الأصلية كتبت بواسطة YoussefMostafa
- الخامات دائما مشكلة سامسونج فهى دائما تهتم بالجوهر والشكل والخامات شىء ثانوى ليها
وانا عن نفسى هية بتفكر صح ( لان الخامات البلاستيك بتكون وزن اخف , ودة هيعود على ان التليفون لو وقع هتكون صدمتة اخف , وكمان مش هتيجرح و وتكلفتة هتبقى اقل فبتعوض دة انها بتعمل هارد وير كويس ونظام تشغيل ممتاز
- لأ ياباشا , مافيش تهنيج تمااااااااااااااااااااااا اااااما , الجهاز طلقة بمعنى كلمة طلقة , واللى يقولك غير كدة يبقى هو ماممسكش التليفون او مسك تليفون علية مشاكل
لكن مافيش حد ابدااا اشتكى من تهنيج فى الاس 4 انا اول مرة اسمع دية الصراحة
على فكرة ال 9500 افضل فى الاداء من ال 9505 واسرع منة
راي الاس 4 اسهل وجميل
يعيبه صوته واطي شوية
انا معايا s4 9500 جهاز محترم وكمان نزلتله تحديث رسمى من الجيلى بين للكيت كات
معايا nexus 5 ومش مقتنع بيه اوى ! انا راى تخليك فى ال s4
من رأيي المتواضع لو معايا المبلغ دا اشتري sony z1. فاااااااجر
ضد المية والصدمات. كاميرا 20 ميجا بكسل
وأفضل من السامونج
وهو ب 4300 عند المالكي في القاهرة
لو عاوز الرقم ممكن ابعتهولك
بالترتيب :
LG G2 أفضلهم
Iphone 5S
nexus 5
xperia z1
دا حتي ال s4 سعره في النازل خالص
sophos
ال S4 صوتة الان من اعلى الهواتف , بعد تحديث 4.3
meroxx
على فكرة بس ال sony xperia z1 امكانياتة اقل من ال s4 وال lg g2
ال S4 تمنة فى المحلات ب 4250 جنية
وفى التوكيل ب 4400 جنية
سمسم باشا انا اقصد ال 4 ميني (خطين)
هل حضرتك تقصد ال 4 العادي ؟
اة ياباشا احنا كلامنا كلة على ال s4 9500
G2 طبعا...تحفه او استنى شويه اما ينزل lg pro2
LG عامله شغل ميه ميه
واحد صاحبي جابو من السعوديه...عجبني جدا وكاميرا تحفه وسعر حلو قوي...في السعوديه بالضمان عمل 3400ج
هوه تقريبا صاحب الموضوع كاتب انه عايز جهاز بخطين زي ما فهمت
s4 موبايل محترم و عملي .. و الأهم متجرب كويس
تحياتي
S4 gt_i9500جهاز جميل وسريع جداولكن يعيبة السخونة الزايدة
حتى بعد تحديث4.3.
ياريت حد من اﻻفاضل يقول اتجنب
السخونة دى ازاى.
هو معايا , ومافيش فية اى سخونة
بس للامانة الجهاز عندى نازل اصلا ب 4.3 out of the box , يعنى هو خارج من المصنع كدة , عشان اصدار شهر 12 - 2013
بس كل اللى حدث ال s4 لل 4.3 محدش اشتكى نهائى من السخونة
وعموما نزل برنامج cpu-z وشوف درجة الحرارة كام
درجة حرارة البطارية 41.6.ءبعد لعبة
Hay day لمدة 35 دقيقة.
والمفروض انه غيروا بردة فى الضمان ومعايا
تقرير باﻻصلاح بيقول كدة.
درجة الحرارة فى الطبيعى 28.5اقتباس:
المشاركة الأصلية كتبت بواسطة ابوجنى2112
ومع ال games والعاب hd عالية
زى real racing 3
modern compact 4
بتوصل ل 33 درجة اقصى حاجة وصلت لية كان 35 درجة ( مع العلم ان بلعب وفية جراب جلد متركب على التليفون )
lg g2
تحفه فنيه