فيكترا b ١ بتاخد فريون أد ايه ؟

بعد مخلصت مشكله الشجره والحمدلله انا الي مركبها كلها من الالف للياء
بعد معاناه مع الصنيعيه في تركيبها لدرجه اني جبت واحده جديده وفرقعت بعد ربع الساعه عشان الغبي كان لرقها في ماسوره الشكمان
المهم الحمدلله السنه ديه انا الي مركبها في مكانها المظبوط وعازل الخراطيم الي جنب ماسوره الشكمان عزله محترمه بأستخدام بخراطيم التكييف السخن كانت عندي بعد مفصلته يجي من ٤ سنين المهم جبتها و شقتها ولبستها للخراطيم بتاعت الشجره ده غير الباد الحراري وربنا يكرم ومتبظش تاني
لاحظت انا من نلال معاناه مع المكيف ان الصنعيه بيركبوا الشجره في اي حته اهم حاجه تركب مع المشترك الي فوق وتركب في السربنتينه من تحت مش مهم بئا بتحك في ايه ممكن تحك مع السير عادي او تبئا قريبه منه وتتفاجي بعد ٣ ايام ان الفريون فضا. ممكن ماسوره السوتشات تكون بتحك مع ماسوره السخن لازم يتحط كوتشه مبينهم عشان مينحلوش بعض

السؤال بئا هي العربيه بتاخد فريون اد ايه وضغطه كام عشان حاسس اني اتسرقت في شحنه الفريون ديه
االعربيه من جوا بارده وكل حاجه بس خرطوم البارد مش ساقع مش زي مانا متعود عليه فانا حاسس ان الفريون قليل خصوصا ان غير حاجه اسمها controller valve

متابع معاك عشان انا عندي نفس المشكلة بتاعت الشحن شكنته اعد تلات ايام كان الهوا بارد و اليوم التالت حصلت نفس المشكلة

فريون R 134
900 جرام
ضغط 27 psi

طاب ياستاذ فادي في مككن يكون فريون مضروب لان العربيه ماسوره البارد مش بتسقع خالص خفيف اوي وانا متعود عليها انها بتبئا تلج لاني كنت علطول انا الي بشتري فريون بنفسي r 134 المره ديه هو الي شحنلي من الفريون بتاعه وانا مش ضامنه مش عارف ليه والعربيه ماسوره ابارد مش بتعرق غيرخفيف اوووووووووي اوووووووي
فهل ممني كون الفريون بتاعه مضروب

متابع

اول حاجه تعملها. تقيس ضغط الفريون في الدره كام ؟؟ لو قليل يبقي الفرين ناقص ولازم تشحن او تزود
لو الضغط مضبوط يبقي الفريون نوعه وحش .معظم اللي في السوق صيني او مصري ( اولاد رزق) - الامريكي
بيفرق كتير جدا . حاول تدور عليه واشتري كيلو وبتاع التكييف يشحنه..

يامسهل يارب بكره نشوف