-
مؤشر الحرارة
انا لسه مستلم عربية جين 2 موديل 2013 .
كونت ماشى الساعة 1 الظهر و مؤشر الحرارة كان عادى قبل 90ْ بشوية و وقفت فى اشارة مرور بابص على المؤشر لقيتوا قبل الشارة الحمرة بشوية صغيرين ولما مشيت شوية بسرعة رجع تانى قبل 90ْ ولما اهدى السرعة يرجع قبل الشارة الحمرة.
هل فى مشكلة فى الدائرة التبريد مع ان المراوح شغلة كويس ومياة التبريد فى المستوى الطبيعة .
-
هوه ده اكيد مش طبيعى ... المفروض درجة حرارة العربية بتوصل عند حد معين ( 90 - 85 - 92 ) على حسب نوع العربية و تثبت على كده ... وممكن تقل حاجة بسيطة لو انت ماشى سريع فى طريق مفتوح ... اكيد فى مشكلة عندك ... بما انك بصيت على المياه و المراوح و شغالة كويس ... بص على طرمبة الميه و الردياتير ممكن يكون مليان ترسبات و شبه مسدود وعايز تنضيف و شوف حالة البطارية لان لو ضعيفة ممكن تعمل كده ... والله تعالى اعلى واعلم
-
مشكله ومهم تطمن
اطلع علي التوكيل
-
احتمال يكون مستوى المياة في الردياتير ناقص والردياتير مش بيعرف يسحب المياه اللى هو عايزها من القربة ... لو الموضوع كدة يبقى هاتكون المشكلة من الغطاء بتاع الردياتير لأن هو المسئول عن عملية تبادل المياة بين الردياتير والقربة
عشان تتأكد ز. والعربية باردة تماما "يعني على الأقل 8 ساعات بدون تشغيل" تفتح غطاء الردياتير وتشوف مستوى المياه جواه وحاول تزوده مياه "بس تكون خضراء" ويفضل الجركن بتاع موبيل أو فالفولين وسيبك من الجراكن أم 20 و 30 جنيه في السوق
لو الردياتير خد مياه كتير يبقى فعلا كان ناقص ومحتاج يسحب مياة من القربة ومش عارف ... بص بقى على القربة كويس لو لاقيتها مليانة يبقى بص على الخراطيم بتاعتها اللى موصلة بينها وبين الردياتير ممكن تكون مسدودة ... آخر حاجة ... ما زودت مياه في الردياتير
هاتعلم مستوى المياه في القربة كان قد إيه وتمشي مشوار كويس يكون فيه شوية زحمة وبعد ما ترجع سيبها تبرد تماما برضه وار جع بص على القربة لو لاقيتها مليانة زيادة عن العلامة اللى انت كنت معلمها يبقى الردياتير طلع مياه في القربة لما الضغط كان عالي ومعرفش يسحبها تاني ... على طول يبقى العيب من الغطاء ولازم يتغير ... ممكن تعمل محاولة لتنظيفه كويس وتنظيف الكاوتشات السوست بتاعته بفرشة أسنان ومياه جارية فقط بدون مساحيق صابون وشوف يمكن يكون في سوستة معصلجة ولا حاجة
المهم بقى أنا ليه بقولك أعمل الموال ده كله بدل ما تروح التوكيل على طول ... عشان انت لو روحت التوكيل كدة وش ممكن يغيرلك الردياتير ويعملك موال كبير انت في غنى عنه أساساً ... لكن دلوقتي انت هاتروح تقوله عايز غطاء للردياتير فقط لا غير
لو الإجراءات اللى فوق دي ما جابتش نتيجة معاك ... يبقى أكيد العيب حاجة تاني ...
بس عموما لازم تكون ماشي في الفترة اللى جاية معاك جركن مياه خضراء احتياطي وعينك على مؤشر الحرارة لغاية بعد ما تحل المشكلة حتى بإسبوعين مثلا عشان تكون اطمنت بإذن الله
ربنا يسهلك الأمور
Content Relevant URLs by
vBSEO 3.6.0 PL2