الموضوع: منتدى بئا مهجور بجد وخيب امالى اللى كنت بنتها يوم ماهكون محتاج مساعدة منكم مش لقيت حد

انا مرتين كتبت هنا وكنت عامل امل كبير ان الناس اللى كنت بتابع كلامها تشوفة وترد عليا وتقولى اعمل اية برضو
بس لما كنت محتاج مساعدة ملقتش ولا حد مش عارف دى كانت ثقة زيادة ولا اية بس حاسس بخيبة امل كبيرة بجد .
ياريت ترجعو زى الاول لما كنت بشوفكم حاجة واحدة ومع بعض تانى .
مش عارف انا هعرف ادخل تانى استفسر عن حاجة تانى ولا فى المنتدى بس عامة ياريت بجد اللى
عارف حاجة يقولها للتانى لانة بيكون فى حاجة كبيرة للمساعدة
وشكرا على كل حاجة اتعلمتها من المنتدى دا .
وشكرا

المشاركة الأصلية كتبت بواسطة ahmedeihab

باشا المنتدى بقا نايم على كل الاقسام

و بعدين يا باشا مش كلنا بنفتح المنتدى يوم الاجازات

ثالثاً حضرتك من شهر 2 لحد دلوقتى عامل 6 مشاركات فقط

رابعاً حضرتك احنا حاطين ارقام تليفونات الاعضاء اللى فى القسم كله مفيش حد فى المنتدى عامل الحركه دى

من زنب القسم ان حضرتك عملت مشاركه امبارح و لازم يترد عليها فى نفس الوقت

حضرتك لو كنت دخلت على ارقام التليفونات بتاعت القسم اختار منهم اى حد تعرفه او عنده خبره فى الهوندا ولو يكن سامح منسق القسم مثلا

هتتصل بيه و تقوله حضرتك انا معاك فى المنتدى قسم هوندا و عايز كذا هيقولك تعمل ايه فى نفس الوقت و كلنا هنبقى معاك على التليفون لمده ساعات مفيش اى مشكله

المهم ان المساعده اللى انت طالبها تتم

^_^

انا عارف انى مشاركتى قليلة بس دا عشان انا لسا مش معايا عربية ومش لاقى لحد حاجة كويسة قدامى ودخت من شهر اتنين لحد النهاردة مش عارف اروح فين ولا اجى منين خالص
انا حبيت هوندا عشان كنت دخلت وشوفت مواضيعكم قبل كدا وعجبتنى لدرجة انى قولت مش هركب غير العربية دى من كلامكو عنها
انا يمكن لما دخلت محدش رد كتير ومحدش قالى اجابة اعرف اتصرف على اساسها قوى وانا بشكر الناس اللى كانت ردت عليا انا مزعلتش ان محدش رد عليا على طول ولا حاجة انا عارف ان كل واحد مشغول برضو مش فاضين برضو ودا اللى خلانى معرفش اتصل وكدا وخاصة انة مش اتكلمنا مع بعض قبل كدا او مش عارف محبتش ابئا فضولى وقولت لما اكتب هلاقى رد ومش ازعج حد برضو معايا كتير
متزعلوش منى بجد يمكن عشان امبارح بالذات كنت محتاج ليكو لما كنت رايح اشوف عربية ومكنتش عارف اعمل اية ودى اول عربية هشتريها واركبها ف مكنتش عارف اعمل اية .
انا بس عاريزكم تقفو جنبى لحد ما اجيب عربية واسوقها وبعد كدا هبئا معاكو بتجربتى عشان معرفش اتكلم وانا مجربش العربية بس
مرة تانية ياريت محدش يزعل من كلامى اللى كتبتة تانى وان شاء الله هحاول ابئا اتصل بيكو و ربنا يقدم اللى فية الخير ان شاء الله .