السلام عليكم جميعا
انا لاحظت ظهور خطوط راسية بيضاء خفيفة جدا جدا في شاشة الرينو فلوانس 2014 ياترى اروح التوكيل واقولهم اغيرها ولا أعمل ايه؟
عرض للطباعة
السلام عليكم جميعا
انا لاحظت ظهور خطوط راسية بيضاء خفيفة جدا جدا في شاشة الرينو فلوانس 2014 ياترى اروح التوكيل واقولهم اغيرها ولا أعمل ايه؟
نصحتى ليك حاول تقابل اى واحد معاه فلوانس فيس ليفت و تشوف عنده نفس الشىء و لا لأ.....لو طلع عنده نفس الشىء يبقى اختلاف أضاءة اللى بيطلع الخطوط ديه اما لو طلع فى عربيتك فقط يبقى على التوكيل عدل و تطلب تغيير شاشة جديدة علشان ديه مفهاش تصليح
ليه بقولك كده علشان هما اول حاجة هيعملوها هيقارنوا مع عربية تانية فبكدا يبقى انت قصرت المسافة عليك.....
بسيطة ان شاء الله
أنا عندى نفس المشكلة بس دى حاجة بسيطة جداااا
الحاجة البسيطة بكره تكبر فلازم نتأكد
ابوبكر باشا....انا نزلت مخصوص ركزت فى الشاشة عندى ووجدت الاتى
-لو الكاسيت مطفى و الساعة و الحرارة بس هما اللى ظاهرين فقط بالفونت الكبير....فى الوضع ده لو فيه رقم 1 فى الشاشة زى مثلاً ان تكون درجة الحرارة 18 بيكون فعلاً فى خط مضىء خفيف على امتداد الرقم 1 من فوق و من تحت
- اما فى حالة ان الكاسيت بيكون شغال مبيكونش فيه اى خيالات او خطوط خالص
طبعاً و للأمانة انا مخدتش بالى قبل كده غير لما حضرتك اشرت لهذا الموضوع ده غير ان انا اغلب الوقت مشغل الكاسيت و ساعتها مفيش اى مشكلة
مش عارف هل ده نفس اللى عند حضرتك ولا مختلف؟
عهدتك دائما خدوما يا هاني بيه ..