الموضوع: سلالم دوبلكس خشبية

طب حد يعرف هل نجار عادي بيعمل السلالم الخشب ولا نجار موبيليا ولا شركات موبيليا ؟

المشاركة الأصلية كتبت بواسطة eng f3lix

والله انا عامل الموضوع ده عندي في العبور ولسة تحت الانشاء .. خرسانة

بالنسبة للخرسانة او الحديد ناس بتقول الخرسانة افضل وبيستحمل وناس بتقول الحديد سهل في فكه وتركيبه

ال2 سهل في التشكيل طبعاً زي ماحضرتك عايز

في البداية طبعاً الخشب للتشكيل وبعد كدة الحديد وبعد كدة صب الخرسانة

تكلفة السلم ده حوالي 5000 جنيه شامل المصنعية بتاعت النجار والحداد والخامات وكل حاجة

المقاسات اللي عندي في فتحة السقف كانت 3.60 متر × 2.50 متر والمنسوب حوالي 3.05 متر

انا طبعاً مش فاهم في القصة دي اوي بس لازم يكسر في السقف عشان يعمل طرف رباط حديد في حديد مع السلم عشان الخرسانة بيبقى وزنه تقيل

شكرا يا باشا علي التعليق بس انا كان قصدي سلالم خشبية مش شدة خشبية و بعد كدة يتفرش رقة حديد و خرسانة

حاجة زي كدة

المشاركة الأصلية كتبت بواسطة eng.octooo

باشا انت عندك اكتر من حل ويفضل تبعد عن الخرسانة لانة هايكون زيادة حمل وتكسير انت فى غنى عنه

ممكن خشبي زى الى حضرتك رفعت صورتة ودة يعملهولك نجار باب وشباك احلى حل سريع ورخيص واشكالة كتيير بس هاتحتاج صيانة لية بمعدل مرة كل 5 :7 سنين

ممكن سلم حديد ويتشد علية كابلات وتركب علية رخام بدون اسمنت وبيكون كويس جدا جدا بس محتاج مهندس مدنى كويس ينفذة ليك وتكلفتة عالية

ممكن سلم حديد مكسى خشب ( فريم السلم يكون حديد ) والدرجات القايمة والنايمة يكونو خشب سعرة هايكون حلو ةالشكل النهائى هايكون كويس

ممكن سلم حديد بالكامل والدرجات حديد ويتغطى بموكيت ويتثبت فية هو سريع وعملى بس شكلة مش حلو وخصوصا بعد فترة من الوقت طول ما انت طالع ونازل هايعملك اصوات وتززيق

ممكن سلم طوب بيتبنى عادى جدا والدرجات القايمة والنايمة بتكون اعتاب خرسانة وتكسية رخام او سيراميك بس مشكلتة انة وزنة تقيل شوية ومميزاتة انة مش محتاج تكسير

شكرا يا باشا علي الافكار بس السلم الخشب بيعملة نجار باب و شباك و لا نجار موبيليا لان دة واحد تاني خالص

و الافكار الاخري حلوة برضة زي فريم حديد و يتعمل القايمة و النايمة خشب بس بتتسبت ازاي في الحديد بكوابيل مثلا ؟ و بين الخشب و بعضة نقر ولسان مثلا؟

و الطوب دة هيبقي تقيل قوي قوي هو تحتية ارضية فرشة عادية 10 سم

المشاركة الأصلية كتبت بواسطة eng f3lix

العفو تحت امرك

ماهو المشكلة ان حاجة زي دي هتبقى غالية ومكلفة وفي نفس الوقت اعمل حسابك مع الوقت هيحتاج تلميع وصيانة والكلام ده كله من الاخر مش هيستحمل


ممكن تعمله خرسانة مثلا وتفرشه خشب ودي انا بفكر فيها هيا والرخام وهتبقي شيك

مهو المهندس اللي معاية شكلة بيشتغلني
بيقول التكلفة 1500 جنية نحاتين بهلتي (تكسير فتحة قد السلم في بلاطة المنور و تخريم في 3 سملات)
و 3000 مون (اسمنت و رمل و سن) و زيهم حديد و النجار هباخد بتاع 5000 او 5500
و دة كتير و استهبال رسمي و بيقولي انا مش هاخد حاجة لنفسي شوف ازاي !!!!!