و انا طبعا موافقة على أي فكرة تساهم في تطوير نايل موتورز :)
عرض للطباعة
و انا طبعا موافقة على أي فكرة تساهم في تطوير نايل موتورز :)
انا موافق لو السيريون هتطلع سيارة العام :cool(1):
ههه بهزر بس انا ليا إقتراح إن السيارات اللي تخش الإتستفاء تبقي اللي في متناول المستهلك المصري .. يعني إستفتاء ال luxury مثلاَ لن يفيدنا في شئ و مش هيكون واقعي لأن معظمنا إن لم يكن كلنا مجربش قيادة مثل هذه السيارات و المعلومات كلها من كلام علي ورق و في عربيات كتير عالورق حلو أوي و تيجي تسوقها تلاقي أي كلام أو علي الأقل رأيك بيتغير فيها كتير .
يعني رأيي ميكونش إستفتاء مجلات من اللي كلنا حافظينه .. لأ يبقي إستفتاء جديد حتي في تصنيفاته
يعني مثلا يبقي فيه إستفتاء ل the most overrated car تفوز بيه عربية حققت مبيعات و كل الناس موهومين بيها و هي فا الواقع مش بالجودة دي
و the most underrated car تفوز بيه عربية ممتازة بس مش واخدة حقها في مصر
و خازوق العام لعربية إتعمل عليها البحر طحينة و الناس إشترتها و هي أصلا زبالة :rofl:
و سيارة الطبقة الكادحة اللي هي أقل سعر و أفضل جودة مثلا .
و أفضل سيدان 1300 سي سي و أفضل سيدان 1600 سي سي مع تقسيم للفئات السعرية
و أفضل هاتشباك 1600 و 1300 و 1100-1000 سي سي
يعني الغرض ميبقاش إستفتاء تقليدي مشفنهاوش 100 مرة قبل كدة و كل اللي هيتغير فيه المصوتين .. و في نفس الوقت الإستفتاء يفيد اللي هيقراه لو بيفكر يشتري عربية
بجد انا مش عارف اقول اه بجد انا سعيد جدا بأنى من اعضاء نيل موتورز بسبب الافكار البنائة ولمفيدة وا مؤيد للفكرة البنأئه
السلام عليكم
بداية احب ان اهنئ نايل موتورز علي موضوعاتها الشيقة , و اشكر أعضائها علي مشاركاتهم الفعالة التي افادتني أنا شخصيا
كما اوجه الشكر الي العضو MotoriZer علي اقتراحه الجيد و اضم صوتي له لان كلامه صحيح مائة بالمائة
يجب ان يكون الاستطلاع موضوعيا بحيث يستفيد منه من يفكر في شراء سيارة و ان تكون سيارة العام بناء علي النقاط التالية:
- الاقتصادية (التشغيل - الصيانة - الاصلاح )
- القيمة وقت الشراء و عند بيعها
- توافر خدمة مابعد البيع
- توافر قطع الغيار
- مرونة الاداء و ملائمتها للطرق و الطبيعة المصرية
- ألا تكون ارقام المبيعات بندا رئيسيا في الاختيار لان من الممكن ان يقبل الناس علي سيارة بعينها و بعد فترة تتضح عيوبها
وكل عام وانتم بخير
انا موافق
اعتقد ان اللي مش موافقين بسبب الخوف من ان الموضوع يدخل فيه تعصب كل واحد لسيارته او السيارة اللي بيحبها وده ممكن يزود الخلافات اللي هي زايدة اليومين دول اصلا من غير اسباب ... ورأيهم لازم يحترم طبعا
......................
لكن انا عندي ثقة في الزملاء انهم ح يكونو موضوعيين وربنا ييسر الامور
المفروض نظام النقاط ح يكون ازاي ؟؟
يعني ح يكون فيه استمارة ولا ايه ؟؟
ممكن يكون فيم زي جدول فيه الماركات و امام كل سيارة خانات لوضع النقاط بها امام كل تقييم .... الدعم الفني ممكن يقولنا نعملها ازاي ...
ولا تبقى علي ملف excel مثلا ؟
يا ريت لو يتعمل قسم جديد للموضوع ده (سيارة العام)
ويكون لكل فئة توبيك
ويكون تقييم كل عضو مبني على اسباب
مش انا برشح الانسر مثلا علشان اللون الفضي فيها يجنن او المرسيدس وحشة قوي علشان دخلت في كمين شرطة والاكصدام اتخدش
لأ
القوة العربية الفلانية افضل علشان اقصى عزم باخده على x RPM
الكماليات مثلا العربية الفلانية نازل فيا 1 2 3 4
التوكيل
سعر اعادة البيع
مش لازم ناخد كل العوامل/ المعاملات/ factors and parameters اللي بيحسبوها برة
مكن نحط عوامل مصرية مش عارف زي ايه
بس ارتفاع العربية عن الارض في مصر بيتهيألي ممكن يكون نقطة في صالحها علشان الطرق الجميلة
يا سلام بقة لو نستخدم جووجل سبريد شيت
حاجة زي اكشل كدة وممكن كلنا ندخل على الفايل ونعدل فيه وكل واحد يكتب النقاط بتاعة كل عربية
حيتعمل إن شاء الله موضوع لكل فئة
ودى معايير التقييم
1- التصميم
2- الجودة.
3- الأداء
4-الإتساع الداخلى .
5- الكماليات.
6- الامان.
7- الثبات.
8- سعر إعادة البيع
9- التوكيل.
10- أسعار الصيانة و قطع الغيار.
تمام أوي شاركي باشا .. يا ريت تضاف ليهم إستهلاك البنزين في ظل الأسعار الحالية
ممكن "الأعتمادية" برضة تبقى من ضمن المعايير ؟.