الموضوع: موقف حصل معايا بالامس و عايز أعرف هل أنا صح و لا غلط ؟

المشاركة الأصلية كتبت بواسطة Samir Elshahawy

الاخوة الكرام اللي شرفوني في الموضوع

مثل ما قال بعضكم التصرف بيختلف طبقا لتقدير الموقف و للظروف المحيطة وقتها

و لكن قبل أن أذكر لكم تفاصيل ماحدث و كيف تصرفت أود أن أذكركم بالقواعد الخاصة بالقيادة طبقا للقانون

قانون التخطي بينص علي أن من يريد التخطي أن يتأكد من عدم نية السيارة التي امامه في التخطي أولا و أن الطريق أو الحارة التي سينتقل لها خالية و لن يمثل هو بتخطيه عائقا أمام السيارات القادمة خلفه , و أنه يجب أن يحذر الاخرين من خلال تشغيل الاشارة الدالة علي نيته في تغيير الحارة و بعد أتمام التخطي ينتقل مرة أخري الي حارته الاصلية بعد تشغيل الاشارة الدالة علي ذلك

و لكن ....
هناك استثناء لهذه القاعدة فما هو هذا الاستثناء ؟
لو العربية رقم (2) في طريقها و العربية رقم (3) في الحارة الثانية و السيارة رقم (1) متوقفة يجب علي السيارة رقم (3) الابطاء من سرعتها للسماح للسيارة رقم (2) من تخطي السيارة رقم (1)

و هذه القاعدة موجودة في أمتحانات القيادة بالكمبيوتر لدي أدارات المرور و قد ذكرتها في مشاركة سابقة لي هنا بالموضوع

و هذه القاعدة هي ما أستندت أنا عليها في تصرفي بالامس

و لكن كيف طبقتها هنا و ما هي الظروف التي سمحت لي بتطبيقها بسلام

------------------------------

ماحدث هو أني كنت أسير كما هو موضح في الحارة الثانية من اليمين و علي سرعة تقارب ال 90 كم/س و هي سرعة الطريق و كان هناك ملف حاد جهة اليمين و بعد الملف وجدت سيارة 128 في الحارة التي امامي و المسافة البينية الفاصلة بيننا تقدر بحوالي 100 متر أو أقل

و امامنا مطب صناعي علي مسافة ليست بالقليلة و لكن ال 128 (السيارة رقم 1) بدأت في تخفيض سرعتها بشكل مبكر جدا و بشكل مفاجئ و بدأت أتوقع أنه قد يتوقف لأن المسافة بيننا بدأت تقل بشكل سريع و هنا بدأت في تخفيض سرعتي و أدوس فرامل

و لكني توقعت أني قد أصطدم به اذا ماقرر التوقف بشكل مفاجئ لذا بدأت افكر في الانحراف و التخطي من يمينه أو يساره

هنا نظرت الي المرايات اليمين و الشمال بسرعة فوجدت سيارة نيسان صني (السيارة رقم 3) قادمة من الحارة التي علي يساري و تفصلني عنها مسافة تقل عن ال 50 متر قليلا بينما اليمين خالي و لكن ...
علي يمين السيارة رقم (1) حاجز لوجود أعمال أنشاء بالطريق و لن يكون أمامي متسع من الوقت أو المسافة أذا ماقررت الانحراف يمينا

و هنا أتخذت القرار ...

1- شغلت أشارة الانعطاف الشمال في الوقت الذي بدات فيه من تخفيض سرعتي
2- أنتظرت ثواني كي أمهل قائد السيارة رقم (3) من ملاحظة الاشارة و أستيعاب الامر لأنه من المفترض أنه كاشف للطريق كله و يري سيارتي و السيارة رقم (1) التي أمامي
3- و عند اللحظة المناسبة أنحرفت يسارا مع كيك داون للابتعاد عن السيارة رقم (3) التي فاجأني قائدها بعدم تخفيض سرعته أو الانحراف يسارا بالرغم من وجود حارة خالية علي يساره
4- و فور أن تخطيت السيارة رقم (1) أديت له أشارة يمين و أنحرفت جهة اليمين و افسحت الطريق للسيارة رقم (3) مرة أخري
5- كان هناك مسافة كافية بيني و بين المطب فأستخدمت الفرامل و توقفت لتخطي المطب

و هنا مر الموقف بسلام و لكن ....
قائد السيارة رقم (3) و هو بجواري علي المطب بدأ في الاشارة بيديه و هنا فتحت الزجاج و تحدثت اليه و دار بيننا الحديث التالي :

- أنا : فيه أيه حضرتك
- هو : حد يدخل كده من غير أشارة ؟
- أنا : باستغراب ... أزاي ؟ أنا شغلت الاشارة مرتين مرة شمال و مرة اخري يمين لما وسعت لك
- هو : و هو لو أنت أديت اشارة تقوم تدخل علي طول ؟
- أنا : نعم لأن القانون بيديني الحق في الحالة دي و حضرتك شمالك فاضي كان المفروض أنك تهدي أو تأخد شمال و توسع لي و لا أخبط اللي قدامي علشان خاطر سيادتك
- هو : ماينفعش أفرمل , أنا جاي بسرعة أنا ماشي 100 كم/س
- أنا : يا أفندم سرعة الطريق 90 كم/س و داخلين علي مطب يعني طبيعي أنك تبدأ تهدي سرعتك ده القانون
- هو : ماتقوليش القانون أنا بالمناسبة ظابط في المرور و أعرف القانون أكثر منك
- أنا : طيب لما حضرتك تروح الادارة بتاعتك شوف علي الكمبيوتر الحالات اللي بتمتحنوا الناس فيها هاتلاقي الحالة بتاعتنا ي و هاتعرف مين الصح و مين الغلط
- هو : يعني أنت مصمم ؟ مافيش فايدة فيك يعني ؟
- أنا : أيوه و مافيش فايدة فعلا طالما أن حضرتك ظابط مرور و مش عارف القانون اللي المفروض أنك بتنفذه

لحد هنا و تركته و مشيت بس من ساعتها و أنا بأفكر
هل فعلا أنا كنت غلطان ؟ و هل ما قرأته من قانون و قواعد قبل أداء أختبار القيادة العام الماضي كان خطأ ؟

لو كان القانون المصري بينص على كده فعلا تبقى مصيبه!!!
يعني كان القانون بيقولي اي حد عايز ياخد غرزة قدامي اهديله لان الأولوية ليه!!!!
لا أعتقد ان القانون الدولي للقيادة كده وانا لو مكانه مش حهدي عشان خاطر حارتك واقفه تحت اي ظرف كان العقل والمنطق بيقول كده يا بشمهندس
تغيير المسرب المفاجئ بما يترتب عليه حادث هو خطا كبير واكرر اني لا أعتقد وجود مثل هذا في اي قانون للقياده...

وهديك مثال اسهل. .
اعتبر ان انت محدش قدامك وان بدل المطب في يوتيرن وان انت ماشي بسرعة الطريق وواحد قدامك ب80 متر عايز يروح اليوتيرن ...
ياترى هل لازم تهديله لحد ما يوصل لليوتيرن ولا هتكمل مسيرك بسرعتك والمفروض هو يهدي ويعديك ويتجه لليوتيرن؟؟
تحياتي

Sent from my mobile using Forum Runner