كتير جدا مش عارفين ال
EuroNcap و اختبارت السلامة اللي بتعملها للعربيات .
حبيت اشارك معاكو اختبارت الكورولا 2014 و نشوف قد ايه العربية دي اثبتت نفسها و نجحت في جميع الاختبارات بنتايج مبهرة جدا . و حبييت برضو اشارككم في غلطة اكتشفتها في الموقع لاختبارات الكورولا بالتحديد .
مبدئيا العربية واخدة
5 نجوم في اختبارات السلامة و الامان علي الطريق و ده بتجميعة لشوية اختبارات هوضحهالكم بالتفصيل الممل.
http://nileup.com/up/uploads/nilemotors_13955947651.jpg
الصورة السابقة بتوضح لحضراتكم ازاي بيتم حساب النقاط لكل عربية, ناخدهم نقطة نقطة :
1. سلامة الركاب البالغين داخل السيارة 94%
الكورولا جمعت 34 نقطة من اصل 36 نقطة بما يعادل 94% وده رقم هايل و تفاصيله كالاتي
http://nileup.com/up/uploads/nilemotors_13955947652.jpg
الاصطدام الامامي 15.1 من 16 درجة
الاصطدام الجانبي الاول 8 من 8 درجات
اصطدام الرأس و الرقبة 3.4 من 4 درجات
2. سلامة الاطفال 82%
الكورولا جمعت 40.3 نقطة من اصل 48 نقطة بما يعادل 82% و تفاصيله كالاتي
http://nileup.com/up/uploads/nilemotors_13955947653.jpg
اصطدام لطفل سنه اقل من 18 شهر 12 درجة
اصطدام طفل سنه اقل من 3 سنوات 11.3 درجة
وجود خصائص حماية الاطفال ISOFIX 6 درجات
انظمة استشعار وجود كرسي اطفال 11 درجة
3. سلامة المشاه 67%
الكورولا جمعت 24.2 نقطة من اصل 36 نقطة بما يعادل 67% و تفاصيله كالاتي
http://nileup.com/up/uploads/nilemotors_13955947654.jpg
الرأس 16.4 درجات
الحوض 1.8 درجات
الاقدام 6 درجات
4. عوامل امان مساعدة 66%
الكرولا جمعت 6 نقاط من اصل 7 نقاط يعني
86% مش 66%
و ديه غلطة في الموقع و هثبتلكم ليه هي غلطة و اكتشفها العبد لله :
http://nileup.com/up/uploads/nilemotors_13955947655.jpg
نظام التنبيه لحزام الامان 3 درجات من 3
نظام الثبات الالكتروني 3 درجات من 3
نظام المساعدة في السرعات 0 من 1
طب متيجي نحسبها الكورولا جمعت 6 درجات من 7 يعني 86% زي مانا قلت .
واحد هيجي يسألني و يقولي وانت جبت منين ان نظام المساعدة في السرعات عليه درجة واحدة !!!
هقول له اتفرج شوف مثال من نفس الموقع لنتايج الكيا سيراتو و الفورد فوكس و انت تعرف ان كلامي صح و ان دي غلطة في الموقع :
http://nileup.com/up/uploads/nilemotors_13955947656.jpg
طبعا الكلام واضح من الصورة , النتيجة السابقة بتبين السيراتو عل اليمين و الفوكاس علي الشمال ولو ركزت اكتر هتلاقي
1. نتايج السيراتو و عدد نقاطها زي الكورولا بالظبط 6 نقاط وواخد 86% يعني 6 درجات من 7 درجات.
2. نفس الكلام للفوكاس واخدة 5 درجات من 7 درجات يعني 71% زي مواضح قدامكم.
يبقي في غلطة في الموقع و الكورولا في الاختبار ده
86% مش 66% .
اتمني يكون الموضوع مبسط و نال اعجابكو و لو اي حد عنده استفسار في ال EuroNcap او ال iihs انا تحت امره .